غبور والنصب العظيم علي الشعب في الصيانه

المشاركة الأصلية كتبت بواسطة mahmoudnada80 ممكن تعمل الصيانه دي عند اي مركز خدمه بره افضلك واحسنلك واوفرلك احسنلك لانك هتشوف كل حاجه بتتعمل في عربيتك بعينك واكيد اوفرلك في قطع الغيار والمصنعيه افضلك لانك ممكن تستفسر عن اي حاجه من المهندس الي موجود امامك وبعدين الاسعار دي نار 700 جنيه ليه

ايدي علي كتفك يا استاذ محمود بس هوه فين مركز الصيانه ده اللي تروحه وانتا مطمن ان كل اللي شاغلين فيه فاهمين

المشاركة الأصلية كتبت بواسطة ميدو ستار بس يا باشا التوكيل مابيعملش حاجة فى العربية كل اللى بيعمله بيشيل قطعة غيار ويحط مكانها وبالسعر اللى هو عاوزه امال هيكسب منين وان كان عاجبك !!! وعلاوة على كدة فى غبور باشا تشوف مهندس الاستقبال بتحس انه قرفان من نفسه وهو بيسالك عن المشاكل اللى فى العربية دى غير المحسوبيات والناس الى ممكن بتبقى حاجز قبلها ويدخلوها قبلك ولو قعدت تغنى ليه وتقوله على المشاكل تدخل العربية الصيانة عندهم ويعملوا الحاجة اللى هتدفع عليها فلوس بس ويخرج يقولك كله تمام التمام واضرب دماغك فى الحيط !! يا ريت كل اخ فاضل فى المنتدى راح مركز خدمة معتمد (محترم ) يقولنا عليه واحنا كلنا نتعامل معاه وننسى التوكيل دا خالص ما تزعلش يا نجم امال هيعملوا فلوس ومصانع وشركات منين ان ما كنش يمتصوا دمنا حسبنا الله ونعم الوكيل

كلامك مظبوط 200% المهندس زي ما يكون بيقطع من لحمه وبيديني مش طايق اني اقوله علي مشكلة واحده في العربية وهوه بيقولي سيبها وتعالي خدها بكره علشان اكيد ومتاكد اني هرفض شغل نصب وسرقه علني

[badawy66]

المشاركة الأصلية كتبت بواسطة corsair انا مشتمتش خالص وكنت بتكلم بكل زوق واحترام معاه لكن هوه اسلوبه ينرفز الحجر وتحس انه بيقولك ايوا يا عم احنا بنضحك عليكم بالاعلانات لما بسئله بقوله اومال انتوا ليه بتقولوه في الاعلانات ان فلتر الزيت مجاني وخصم 70% علي قطع الغيار وبعدين المهندس هو قالي ان الزيت ال 10000 فعلا هياثر شويه معاك في الحر بتاع الصييف فكان لازم احط ال 5000 كيلو

طيب انا هالك على حاجة مش هتصدقها . رحن مرة توكيل كارتيك الى في العبور المهندس سالني زين 5000 ولا 10000 التلة 10000 لقيتة بيقولي نصيحة ليك خد الـ 5000 التلة لية الى اصل الفرنا لما بتحطلها زين 10000 ونيجي نغيرة بتلاقية ناقص شوية . التلة قصدة ان العربية بتاكل زيت . الى اه الفرنا بتاكل زيت لما تحطلها 10000 .شفت الحوارات بتعتهم كل دة علشان يحط زين 5000 ويخلص المخزون الى عندة بس انا حرقت دمة والتلة حط الـ 10000 برضو .ptmnlo123per154

تمام يا استاذ بدوي بس فعلا الزيت ال 10000 انا بحطه في الشتا بس لكن في الصيف بحط 5000 علشان الحر وبعدين في عربية جديدة بتاكل زيت ده اكيد مهندس مش فاهم انا عملت 11000 كيلو علي زيت ال 10000 والزيت زي ما هوه منقصش

[ابو هيما]

السلأم عليكم ورحمة الله وبركاته
أنا متابع الحوار من أوله لأخره ولسه لحد دلوقتى محدش قال لنا فين المكان أو الورشة اللى بره التوكيل واللى ممكن الواحد يسبلهم العربية يعملوا لها الصيانة وهو مطمن وبالمرة يوفر الفلوس الزيادة اللى هايدفعها فى التوكيل لأن بصراحة أنا شايف أن موضوع الضمان ومش الضمان فده موضوع فاشل وهما عندهم القدرة أنهم يلبسوهالك ويقول لك أنك انت الغلطان وأنك أنت المتسبب فى عطل قد يكون أصلأ من المصنع اللى أتصنعت فيه وأنت مالكش أى ذنب فيه ..ياريت ياجماعة وبعد أذنكم لو حد يعرف مركز صيانة أو ورشة نضيفة فى القاهرة يقول لنا على عنونها وجزاه الله كل الخير..