|
#31
02-07-2010, 05:40 AM
|
||||
|
||||
رد: كل شئ عن الديفيل.
ممكن سؤال يا أستاذ عمرو؟
هو فيه أي تعديل بسيط ممكن يتعمل لزيادة الأداء بدون أي تأثير أو إجهاد على الموتور و عمره الافتراضي؟ السؤال دة محيرني جدا ...
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?s=d82d2d4cb5b020e9d26b99b5449e923a&u=5722&type=sigpic&dateline=1317473683)
|
|
#32
02-07-2010, 05:52 AM
|
||||
|
||||
|
رد: كل شئ عن الديفيل.
فيه تعديلات بسيطة بتحسن أداء الموتور ومبتقللش من عمره الأفتراضى.
مثلا بوجيهات سبليت فاير مع الأسلاك بتاعتها, علشان تدى شرارة أقوى وتحرق بنزين كويس, وتغيير قواطيش العربية بأخرى مقاومتها أقل, علشان كهرباء البطارية متنقصش. وفيه تعديلات كبيرة, زى ال porting ود بيخرط وش السلندر علشان يوسع مداخل الصبابات ومخارج العادم ويقلل مقاومة دخول الهواء و خروج العادم من الموتور, وبيأثر تأثير خارق على العربيات ذات تصميم الموتور السئ مثل اللانوس. وممكن تغييرال connecting rod اللى بيربط عمود الكرنك بالبستم لواحد أقصر, وده هيزود سعة الموتور وهيديله عزم أكبر. ده غير فلاتر k&n الأصلى, دى مابتأثرش على عمرالموتور بل بتساعده يتنفس أحسن, ومبتدخلش بلاوى زى الفلاتر الصينى. التعديلات كتير, والتأثير على عمر الموتور مابيبقاش محسوس.
__________________
|
|
#33
02-07-2010, 07:13 AM
|
||||
|
||||
رد: كل شئ عن الديفيل.
مثلا موضوع البوجيهات دة لما يتحرق البنزين بمعدل أكبر من المصمم عليه موتور السيارة مش ممكن الحرارة الزيادة دي تأثر على سبيكة الموتور و طبعا خرط وش السلندر و طول الconnection rod و الحاجات دي من الخطورة الشديدة اللعب فيها لأن مصمم الموتور في الشركة الأم مش معقولة عدت عليه حاجة زي كدة و مش ممكن أتخيل إن حد يعمل الحاجات دي في عربية إلا إذا كانت 127 أو 128 مثلا و مستغني عنها أو بيجرب فيها على العموم أنا مش باشكك في كلامك بس هو الموضوع نقاش حر و إبداء الاراء فقط لا غير دلوقتي أنا عربيتي تويوتا إيكو موديل 2000 موتور 1000 بطة ( قصدي CC ) مش عارف كام حصان باضبط بس هي عربية جميلة جدا بس سحبها على الأول و الثاني مع التكييف و التحميل ضعيييييييييف جدا ممكن في تعديل بسيط يحسن الموضوع دة شوية؟؟
__________________
|
|
#34
02-07-2010, 07:47 AM
|
||||
|
||||
|
رد: كل شئ عن الديفيل.
حضرتك البوجيهات مش بتحرق بنزين زيادة, مثلا لو الرشاشات بتطلع 100% بنزين, 90% بيتحرق فى السلندر والباقى بيطلع مع العادم وبيتحرق فى الشكمان.
لو قدرت أحسن الشرارة ممكن النسبة تتحسن ويتحرق فى الموتور 98% ويخرج 2% بس. وأنا معك فى أن الخرط والحاجات دى ماينفعش تتعمل هنا لنقص المهارات اللازمة, أنما بره فى ناس كتير بتعملها وفى ورش خاصة كتير للموضوع ده, وال connecting rod لابد من تغييره مع أى تعديل كبير فى الموتور زى التربو. وأعذرنى, أنا عارف أن الكلام ده مكانه مش هنا. وعودة لموضوعنا, أنا شايف عموما أن موتور العربية قليل على وزنها وخاصة أنها عربية سيدان (أو هاتش) وحرام تحمل على موتور صغير زي ده تكييف ووزن وتطلب منه أداء, بس لو حضرتك ملاحظ أن سحبها كان كويس وقل, يبقى أبسط حاجة تغيير فلتر البنزين والهواء, ولو محصلش حاجة أحتمال طقم الدبرياج عايز يتغير, وأبسط تعديلين على العربية هما بوجيهات سبليت فاير والسلوك بتاعتها, والسلوك أهم من البوجيهات علشان مقاومتها أقل من السلوك العادية, بالأضافة لفلتر k&n أصلى مع الزيت بتاعه وهتلاحظ تغير فى السحب وأستجابة الموتور. 
__________________
التعديل الأخير تم بواسطة Injection ; 02-07-2010 الساعة 07:55 AM
|
|
#35
02-07-2010, 09:51 PM
|
||||
|
||||
|
رد: كل شئ عن الديفيل.
مشكور على تعبك معايا و اسف للإزعاج
هو فعلا فلتر البنزين محتاج يتغير و سامع صوت زنة ضعيفة جدا في طلمبة البنزين و على فكرة العربية عاملة أكتر من 200000 كم و لسة بطقم الدبرياج الأصلى و دي أكتر حاجة عجباني في التويوتا إن قطع غيارها و أجزاءها الأصلية معمرة جدا على فكرة العربية هاتش باك مش سيدان و في الغالب أنا مش حاغير تغييرات كبيرة في العربية لأني ناوي أغير بعد أقل من سنة إن شاء الله أنا باحط زيت موتور تويوتا الأصلي و فلتر زيت تويوتا أصلي برضه بس مش عارف إيه هو فلتر K&N دة ؟ و بالنسبة للبوجيهات و الأسلاك دي تمنها كام و بتتباع فين بالضبط؟؟
__________________
|
 |
|
|
.
