كل شئ عن الديفيل.

[Injection]

الديفيل...كلمة يطلقها أصحاب السيارات على الشكمان الأسبور سواء علبة الصوت -muffler- اوحتى على الشكمان بالكامل.

- أصل الكلمة يعود الى شركة ديفيل -Devil- الفرنسية التى تصنع اجزاء نظام العادم الرياضية للموتوسيكلات.

- أما المعنى المصرى فهو ينطبق على الشكمان الاسبور أيا كان نوعه سواء كان علبة فقط ام نظام كامل.

- فى مصر:-

1- علبة الشكمان الأخيرة (muffler): يمكنك تغيير علبة الشكمان بأخرى رياضية و توقع صوت أما رياضى او صوت عالى ومزعج حسب نوع العلبة و يجب ان تتذكر أن تغيير العلبة فقط لن يعطى زيادة ملحوظة فى الأداء, وعلب الشكمان الديفيل يتوافر منها المصرى من 150 فيما فوق و الصينى والتيوانى 200 فيما فوق و (النضيف) كال Magnaflow,Borla و الثمن من 500 فيما فوق وارد الخارج او جديد من 800 وأنت طالع.



2- الفرن أو الهيدرز(Headers): و هى الأنابيب التى تستقبل خروج العادم من كل سليندر فى الموتور على حدة ثم تجمعهم فى ماسورة واحدة, وتغييرها بأخرى أوسع فى القطر و أفضل فى التصميم يعطى زيادة ملحوظة فى الأداء.
- كلام علمى: لكى يؤدى الهيدر عمله بكفاءة يجب أن يكون مصمم خصيصا للموتور حيث ان العادم لايخرج من كل السيلندراتمرة واحدة بل يخرج من كل سليندرعلى حدة فيختلف طول كل ماسورة من مواسير الهيدر ليلائم السيارة تماما و يعطى أكثر قدرة يمكن الحصول عليها من خلال تقليل مقاومة الأنابيب للعادم.


3- تغيير نظام العادم بالكامل: وهو أقصى تعديل يمكن عمله على نظام العادم حيث تقلل الأنابيب الأوسع من الضغط داخل نظام العادم مما يسهل خروج العادم من الموتور وقد يعطى النظام حسب نوع الموتور وحجم الانابيب القديمة و الجديدة من 3 الى 10 حصان, ولكن ذلك لايعنى تغيير الانابيب الأصلية بأخرى أكبر منها 3 مرات لان ذلك سيعطى صوتا مزعجا وغير مرغوب به ولذلك يجب معرفة الأنابيب ذات القطر المناسب لحجم الموتور.


4- علبة البيئة: علبة البيئة أحدى المكونات المهمة لنظام العادم و تحتوى على عناصر و مواد كيماوية لأزالة الغازات السامة من العادم و رغم أن تغييرها بماسورة عادية سيعطى زيادة طفيفة فى الأداء ولكنى لا أنصح بذلك حفاظا على البيئة وعلى أرواح الناس و الصوت العالى المزعج الناتج عن ذلك.

دردشة: تحت أى ظرف من الظروف عند تغيير أى علبة من علب الشكمان لا تتركها لدى "أخصائى الشكمان" سواء لأنها بايظة أو لتركيب ديفيل بدلا من العلبة الأخيرة لسببين ألأول أنه بيخدعك وماعندكش حاجة بايظة وهو طبعا طمعان فى العلبة الأصلية اللى عندك والسبب التانى أن علب الشكمان غالية جدا جديدة او مستعملة خصوصا علبة البيئة بتتباع بايظة ب200 جنيه فيما فوق و الجديد منها مش موجود وغالبا بيبقى صناعة بير السلم (والراجل بياخدها منك ببلاش ويبيعها وبياخد منك فلوس علشان التركيب كمان).

- زى ماقولت قبل كده بلاش حكاية خلع علب الشكمان لمنع الأصابة بالصمم ولأن الزيادة الطفيفة فى الأداء لاتقارن بكمية الغازات السامة الناتجة من الموتور أو الصوت المزعج الناتج (عارف صوت الموتوسيكل اللى من غير علب).

- علبة الشكمان ما بتتجربش نظرا لأنها بتتركب لحام فلو قررت تركب علبة هات علبة سمعت صوتها فى عربية حد (وياسلام لو ماتوره قد ماتورك فى السعة و عدد السلندرات) أو هاتها من حد ثقة وبيشكر فيها علشان متتدبسش وصوت العربية يبقى عامل زى الموتوسيكل.

- لو عايز الشكل بس فى Tips بتتباع عند أى حد بتاع أكسسوارات من 50 جنيه فيما فوق بتتركب على الشكمان الأصلى بمسمار و بتدى شكل حلو.


- مكونات نظام العادم:-



- العلبة الأولى من اليمين هى علبة البيئة و العلبة الثانية هى ال Muffler او علبة الشكمان الأخيرة فى معظم العربيات و العلبة التالتة الريسوناتور ودى مع ال muffler بتقلل من صوت الشكمان و قد يختلف ترتيب العلبتين الأخيرتين حسب نوع السيارة.
-مواقع المتخصصين:-
http://www.borla.com/home.aspx

http://www.magnaflow.com/

http://www.flowmastermufflers.com/

http://www.dynomax.com/

http://www.gibsonperformance.com

بس خلاصptmnlo123per1100.

تسلم يا برنجي والله معلومات مفيش بعد كدا وجت في وقتها تسلم الايادي وتقبل تحياتي

[Injection]

المشاركة الأصلية كتبت بواسطة corsair تسلم يا برنجي والله معلومات مفيش بعد كدا وجت في وقتها تسلم الايادي وتقبل تحياتي

corsair وفى موضوعى كمان ,ده الواحد عدى بقى خلاص, تسلم ياريسptmnlo123per154.

[كيكووو]

مشكوووووووووووووور على المجهود وعلى المعلومات الغاليه القيمه

[dego_story]

تسلم موضوع ممتاز جدااااااااااااااااااااااا اااااااا.