شوية اكسسوارات متعرفوش عنها حاجه ... !! 50 اكسسوار بالصور

[mijodian]

المشاركة الأصلية كتبت بواسطة zing0 طبعاً أنا نفسى فيهم كلهم لوكشه واحده بس أكتر حاجه كان نفسى فيها و بأفكر أعملها ( و الأجانب أولاد التيت طلعوا عاملينها) هى المبرد إللى بيركب يضبط درجة حرارة السيارة من الداخل و الخارج vent مش عاوز أحكيلكو ما معنى كلمة لادا تقف تحت الشمس (اللهم أجرنا من حر جهنم) بجد الساونا جنبها تبقى ديب فريزر, أنا جبت مقياس للحرارة و حطيته جواها أنفجر من السخونه- الكلام ده فى الصيف طبعاً. بس مع إحترامى لأصحاب الذوق الرفيع إللى بيستخدموا الأنوار و الأضواء الخارجية (بأحس إن العربية بقت أجرة - يعنى الأخوه سواقين التاكسى و الميكروباص هما أول من أبتدع موضوع فرح العمدة إللى بيبقى فى العربية ده من كثرة الأضواء داخلى و خارجى) - بس الموضوع أذواق.

احسن حاجه في VENT
انه موجود في مصر علي فكره هلاقيه في بورسعيد وفي اليكس وممكن القاهره الله اعلم
بالنسبة لموضوع الاضواء مش كل الاضواء بتكون فرح العمده في اضواء بتكون شيك جدا وفيه حاجات طبعا بتبقي شكلها نيله خالص

والصين مخلتش .. الليد ب 5 ج والحسابه بتحسب

[فرفوش]

موضوع اكثر من راااائع فعلا ومتجمع بطريقة حلوة وشيقة ومرتبة
انا كان لي بعض الاستفسارات واعتقد انها هتفيد ناس كتير غيري
مع العلم ( سيارتي هيونداي اكسل 96 )
------------
7-التدوير من عصاة الفتيس هل ده ممكن ينفع على كل العربيات ولا العربيات الحديثة فقط
10-مرآة بها الساعة ودرجة الحرارة - 26- باركينج سنسور في المرآة هل ممكن الاتنين يكونو مع بعض ولا دي مرايا بتتباع كده وواحدة بتتباع بحاجة تاني

12-حافظة زكية للموبايل او الاوراق وخلافه فعلا باحتاجها دي اتمني الاقيها في حته واعتقد انها سهل تكون موجودة في مصر لان مفيهاش اى افتكاسات
14- كاركيت انا معرفش هو ايه بس خمنت انه زراير للتحكم في الموبايل مع فتح الصوت سبيكر في السيارة .. صح ولا لا ؟
18- فتحة سقف بانوراما تصلح لكافة انواع السيارات لان طولها استاندرد ينفع مع هيونداي اكسل 96
20- بلف مضيء مع السرعة محتاج معلومات عنه لو امكن وعن فكرته بس

28- ساعة شفافة ده تحفة فعلا واعتقد اني ممكن الاقيها في التوفيقية


شكرا لك على الموضوع الرائع مرة اخرى واتمنى الاقي رد على تساؤلاتي

[دكتور ابراهيم]

جزاكم الله خيرا على هذا المجهود الجبار
هل يمكننى الإستفسار عن ثلاثة اشياء اين يمكن أن أجدهم وأسعارهم ومن يمكنه ان يقوم بتركيبها ؟
أولاً رقم 2 زر Start stop
ثانياً رقم 16 إشارات المراّه
ثالثاً رقم 50 digital RPM
وكل عام وأنتم وأعضاء مصر موتورز بخير وسعادة

[AbOnOrA]

المشاركة الأصلية كتبت بواسطة دكتور ابراهيم جزاكم الله خيرا على هذا المجهود الجبار هل يمكننى الإستفسار عن ثلاثة اشياء اين يمكن أن أجدهم وأسعارهم ومن يمكنه ان يقوم بتركيبها ؟ أولاً رقم 2 زر Start stop ثانياً رقم 16 إشارات المراّه ثالثاً رقم 50 digital RPM وكل عام وأنتم وأعضاء مصر موتورز بخير وسعادة

كل سنة وحضرتك طيب وبخير يا دكتور

الحاجات ديه كلها موجودة فى سبير كار بكل فروعة وفى محلات الكماليات فى وسط البلد او مصر الجديدة
SpareCar

الفروع
مول سبير كار
التجمع الخامس ش التسعين مركز المدينة الاول
بجوار شركة ناتا
0127933332
وسط البلد
26 ش الشيخ ريحان امام مبنى وزارة الداخلية وسط البلد
27933331
27933332
27933334
فرع مدينة نصر
16 أ امتداد رمسيس
24023074
24028467
فرع المبتديان
8 ش جريدة السياسة السيدة زينب (المصنع)
23654315
23680153
موقع الشركة
Spare Car

[Chronaxie]

Thanks for all of your advice