|
#16
09-11-2010, 02:07 AM
|
|||
|
|||
رد: الماروتى بتاعتى اتقلبت و الحمد لله على كل حال
الف شكر يا جماعة
و انا الحمد لله سليم و دى اهم حاجة و بعتذر عن عدم وجود صور للحادثة لانى مكانش فيه تفكير او تركيز ولا اى حاجة خالص تخلينى افكر اصورها و هيه مقلوبة او و الناس بتعدلها و بتشيلها من الغيط و بتطلها فوق السور على الطريق و لا اللودر اللى جيه علشان يرفعها و لا منظر الناس و هما بيشتركوا سوا فى رفع العربية و دقلقتها فى الغيط على جنبها او منظرها بعد ما طلعت انا نفسى كنت واقف مذهول و مش مصدق اللى حصل و انى سليم و مفيش اى حاجة بتوجعنى و حتى الوقعة و الارتطام مش حاسس بحاجة خالص رغم انى ما كنتش حاطط الحزام و ممكن يكون السبب انى لما اتقلبت اتخبطت فى السقف فى دماغى و فقدت الوعى فترة قصيرة جدا فلم يكن فى ذهنى انى اصور حاجة و كان همى انى افهم ايه اللى بيحصل حواليا لانى فوجئت باعداد كبيرة من الناس حوالين العربية و بيحركوها و بيقلبوها على جنبها و بعدين بيشتركوا فى نظام لرفعها و كأنهم متفقين على طريقة العمل او متعودين يحصل كدة فى هذا المكان و دة الحاجة اللى دايما بيعملوها كل مرة فخلاص مش محتاجة تفكير او استفسارات دول حتى ما سالونيش انته عاوز تطلعها من الغيط على الطريق ولا عاوز تسيبها فى الغيط ولا انته جاى البلد غريب جاى لمين و لا اسمك ايه و لا انته اتقلبت ازاى ولا وقعت ازاى و لا اى حاجة فجأة لقيتهم بيتعاونوا و بيقلبوا العربية على جنبها و بيرفعوها فوق على الطريق و انا طلعت فوق السور لقيتهم وقفوها خلاص و اعتقد انه علشان العربية صغيرة و خفيفة فلم تستعصى عليهم او تكون حمل كبير و تمت العملية دى بسرعة يعنى تقريبا خلال 8-15 دقيقة كانت العربية طلعت من الغيط و اترفعت فوق السور و اتحطت على الطريق و ماشاء الله لسة اولاد البلد و المصرى الاصيل موجود و كنت اتوقع ان العربة ممكن تستنى فى الغيط ايام لحد ما اطلعها و اجيب عربية تشيلها و تقطرها و انى مش هاركبها قبل شهر على الاقل لكن العجيب ان العربية هتكون عندى قبل اخر الاسبوع و معمول فيها اللازم بس نفسى اروح المنطقة دى تانى و اشكر الناس اللى هناك كلهم تانى لانى طبعا لما طلعت قعدت اسلم عليهم و اشكرهم كلهم و كلهم كانوا فلاحين مفيش فيهم موظف و لا باشا و لا بيه كلهم بيزرعوا علشان يوفرولنا خضار او وجبة حلوة من ارضهم من بلدنا ناكلها بالهناء و الشفاء و نستطعم اكل و خضار بلدنا البلدى مش المستورد و من غيرهم محدش هينقذنا من الغلاء و زى ما كلنا شوفنا لما غليت الطماطم ايه كان الحال فشكر تانى لاهل بلدنا بالفيوم و كل المحافظات و شكر كبير جدا الى الدكتور حازم لمكالمته لى و رفعه لروحى المعنوية و كذلك اخى و صديقى محمد ابو زيد و محمد محسن و ممدوح بشير لاتصالهم بى و ابداء رغبتهم فى السفر الى الفيوم بمجرد علمهم بالحادثة
__________________
|
|
#17
09-11-2010, 02:17 AM
|
||||
|
||||
|
رد: الماروتى بتاعتى اتقلبت و الحمد لله على كل حال
الحمد لله على سلامتك يا باشا .. الحمد لله ..
وربنا يعوض عليك العربية معلش .. وان شاء الله تتصلح وترجع زى الجديدة كمان باذن الله ... تقبل تحياتى يا كبير ...
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#18
09-11-2010, 12:59 PM
|
||||
|
||||
|
رد: الماروتى بتاعتى اتقلبت و الحمد لله على كل حال
الف حمد لله علي سلامتك يا استاذ ايمن والحمد لله انها جت في الصاج وممجتش فيك
انت فكرتني بالحادثه اللي عملتها انا كمان بالعربيه بتعتبي علي كبري 6 اكتوبر وما ادراك بكبري 6 اكتوبر في القاهره الحدثه فيه اقل حاجه 4 عربيات يلبسو في بعض اول حاجه انا استلمت عربيتي السبت عملت الحادثه يوم الخميس ههههههههههه يعني فرحت بيها 4 ايام بس وكنت ماشي علي الكبري وانا بقالي حوالي سنتين بسوق قبل ما اجيب العربيه لاني كان عندي عربيه قبلها وكنت بركب عربيات اصحابي وفجاه قبل مني ب 3 عربيات عربيه نص نقل فرملت مره واحده واللي وراها لبس فيها واللي وراه لبس فيه وفاضل واحد قدامي وقف سليم وانا وراه وفقت سليم جت واحده ربنا يولع فيها بجاز كنت شايفها في الرايه ماسكه الموبيل ومش باصه علي الطريق راحت لبسه فيا ملبساني في اللي قدامي ملبساه في اللي قدامه في اللي قدامه ما كلنا كنا وقفين صف وراب بعض انا اول عربيه اخدة الخبطه العربيه اتدغدغت نزلت منها الباب بتاعي فتح بالعافيه ننزلت ليقت الشنطه راكبه علي الكريس اللري ورايا والكبوت متفعص بالوش اللي قدام كله والكرسي بتاعي اتفرك علي الكنبه اللي ورا لاني كنت رابط الحزام والحمد لله ده اللي اتسبب اني منخبطش في الازاز الامامي الناس كلها افتكركت اني حصل ليا حاجه والكل كان واقف مزهول وانا نازل من العربيه سليم وفيش خربوش غير خبطه في رجلي الشمال مشعارف من ايه والحمد لله العربيه اتسحبت علي السمكري واتشدت ورجعت تاني زي الاول والسمكري قلي الحمد لله الماتور سليم والشاسيه سليم كل الخبطه في الصاج والاستبن اليي في الشنطه امتص الصدمه شويه وحمي الشاسيه ولعربيه اتشدت وراحت الفرت اترش فيها الاجزاء اللي البويه بتاعتها باظت وغيرت الفوانيس كلها الواشبكه الاكصدامين وكله بقي تمام وركبت العربيه تاني بعد اسبوع من الحادثه والحمد لله نجيت منها وربنا ما يعدها ايام
__________________
|
|
#19
09-11-2010, 01:04 PM
|
||||
|
||||
|
رد: الماروتى بتاعتى اتقلبت و الحمد لله على كل حال
ألف سلامة يا باشا أهم حاجة حضرتك بخير
__________________
 تحيا مصر
|
|
#20
09-11-2010, 05:02 PM
|
|||
|
|||
|
رد: الماروتى بتاعتى اتقلبت و الحمد لله على كل حال
الف شكر يا جماعة و الف شكر يا حبيب الناس
و انا الحمد لله ربنا نجانى بمعجزة و طلعت سليم وزى ما بيقولوا فى المثل صاخ سليم و نفسى لما استلم العربية بكرة انشاء الله ابقى اتصل بيك و اروح معاك اركب لها تكييف بعد العيد انشاء الله و كل سنة و انتم طيبون و انشاء الله نكون كلنا السنة الجاية فوق جبل عرفات
__________________
|
 |
|
|
