حكايتى مع سيارتى المحبوبة بيجو 505

[HaMaDa-ToUBaR]

المشاركة الأصلية كتبت بواسطة mik اشطة اللة ينور عليييييييييك بس انت اتعلمتها ملاااكي خالص غيرك بيتعلمها نقل ههههههههههههههه

ههههههههههه معاك فعلا انا كل اصحابى اتعلموها نقل بس انا بالنسبالى كنت مقتنع بالملاكى وبس علشان كدة مركبتش غيرة

[mar mar]

متاااااااااااااابعه:w6w20 05041122473461:w6w2005041 122473461

المشاركة الأصلية كتبت بواسطة HaMaDa-ToUBaR السلام عليكم يا احلى شباب انا قولت اعمل الموضوع دة لان بصراحة عربيتى البيجو وحشتنى جدا وشوفت معاها احلى ايام وبما اننا هنا كلنا اخوات فقووووولت لازم اشاركم الموضوع دة طبعا انا مش هحكى كتير عن البيجو 505 لانها معروفة كويس ودى فعلا من اجمل واحسن العربيات الى عملتها شركة بيجو وفى نفس الوقت اكتر عربية خسرت الشركة وكانت اخر فئة فى 500 لحد وقت قريب جدا العربية دى كانت بتاعة جدى الله يرحمة والدى جابها زيرو من 30 سنة وكانت ب 11 الف ... ايام زمان بقى ... اة العربية دى قعدت عندنا 30 سنة ليا فيهم 6 سنين كانت فى عهدتى شوفو بقى هى عربية قد اية اصيلة رغم انها اتبهدلت واتهانت جااااااااامد جدا جدا اية ياعم انت هتاخدنا فى دوكة ولا اية انت قولت هتحكيلنا ع حكايتك مع العربية مش تاريخ العربية ما تنجز ياعم انت ... واااااحدة واحدة بدايتى الفعلية مع الاسد ... ايام زمااان مش زمان اوى يعنى .. المهم كنت رايح اولى جامعة فى الاجازة يعنى كنا فى مصيف وكنا دايما متعودين نصيف مع العيلة كلها .. ولكن المفجأة المرة دى كانت لوحدنا وبينى وبينكم كان اسواء مصيف وممل جدا انا ملياش اخوات فمكنش حاجة اعملها تضيع الوقت غير انى اصحى من النوم وانزل اغسل العربية ههههههههههه لدرجة ان الناس فكرونى البواب .... وفجأة وبدون اى مقدمات مستر ابليس صاحب الجنتلة كلها طلع فى دماغى انى اسوق العربية من ورا والدى وطبعا انا كنت دايما براقب والدى وفاهم كل حاجة بتاعة اية وكدة ما عدا حاجة واحدة بس الى مكنتش اعرف عنها حاجة وهى الدبرياج طبعا ركبت دورت وكلة تمام وزى الفل والحاج فوق نام وبياكل رز ولبن مع الملايكة وسايب ابنة لوحدة من مستر ابليس طبعا بعد ما دورت المفروض اديها نقلة بقى ... امسك الفتيس فوق وتحت انة ينقل مفيش فايدة فاستغربت جدااااااااا وبطلت العربية تانى اجى انقل الاقى الفتيس بينقل عادى جدا قولت وبعدين بقى فى العربية الخربانة دى يعنى الفتيس ينقل والعربية مبطلة ومينقلش والعربية دايرة .... وفجأة الذكاء العجيب اشتغل قولت بس بما انة الفتيس مش راضى ينقل الا والعربية مبطلة فانا اديلة نقلة وبعدين ادور العربية وطبعا حضراتكم عارفين اية الى بيحصل وفضلت ماشى ع الموضوع اربع مرات كدة لحد ما العربية لبست فى الحيطة . . . . . متقلقوش العربية محصلهاش حاجة طبعا .... طبعا الرعب تملكنى وقولت انا ارجعها مكانها بقى وكأن شىء لم يكن طيب ارجعها ازاى ....... زوق ياعم الحج وانا لوحدى والعربية تقيلة والارض رملة فين وفين بقى واحد شاب شافنى وكان متابعنى فنزل يساعدنى ربنا يكرمة يارب المهم حكيتلة فهمنى بقى قصة الدبرياج وكدة وركنلى العربية مكانها وشكرا ع كدة . وطلعت لوالدى وضمير فضل مأنبنى واخيرا وبعد الشاور المتين وساعة تفكير وحيرة قررت ........... يتبع ...

http://www.youtube.com/watch?v=swxes2KBQCE

http://www.youtube.com/watch?v=feSfvIJuJdM

http://www.youtube.com/watch?v=uPtpM3W6LJo

http://www.youtube.com/watch?v=r6F6ED_LpUo

http://www.youtube.com/watch?v=OSWfglvIMpY

http://www.youtube.com/watch?v=TSXOsNBY6CI

: 018A1D~146::0 18A1D~146:

[karem ali]

و الله و طلع ليك ماضى يا حماده و حشتنى لكن ليه الغيبه دى

[HaMaDa-ToUBaR]

المشاركة الأصلية كتبت بواسطة mar mar متاااااااااااااابعه:w6w20 05041122473461:w6w2005041 122473461

شكرا لمتابعتك ونورتى الموضوع