أستلمت امبارح بيجو 3008

[seamans4]

الصراحة انا الاول كنت هشتريها من المصرية بس لقيتها موديل 2011 هاى لاين بدون بانوراما بس زرار الهاند بريك مكسور دة غير ان كاوتش الباب مقطوع و ما خفى كان اعظم و كان سعرها 175000 جبت الفلوس و رحت تانى يوم قالى انت هتجيب زرار الفرامل على حسابك و كاوتشة الباب كمان دة غير البطارية و كمان العربية هبيعهالك ب 181000 جنية لأن سعرها زاد ( معرفش ازاى موديل 2011 سعرها زاد )
المهم خدت بعضى و رحت جبتها base line من معرض تانى ب 195000 موديل 2013 و قلت كدة اامن
بالنسبة لية انا بعت الكارينز بتاعتى فى نفس اليوم و لما ركبت البيجو عرفت يعنى اية اوروبى و يعنى اية كورى
التصميم الداخلى تحفة



الموتور 1600 تربو



الشنطة حلوة قوى كوسع و خامات و تقفيل



العربية عالية عن الارض



بالنسبة للأتزان بجد من غير حلفان جربت ملف نفق عمارات العبور بصلاح سالم طبعاً انا مبصتش على السرعة بس كنت حاسس ان العربية لازقة فى الارض بصورة غير طبيعية

لو عايز تشوف التسارع جرب الاول بدون الضغط على السبورت موود جامدة جداً و لو شغلت السبورت موود ( منصحكش جوا البلد )
العربية بحط فيها بنزين 92 و أستهلكها طبعاً اعلى من الكارينز بس فى المعقول و الطبيعى

السى دى صوتوا كويس

ارخم حاجة انى اتفضحت فى البنزينة لما جيت امونها علشان مش لاقى زرار تنك البنزين لحد لما واحد ابن حلال قالى لازم تدى الراجل المفتاح لفتح التنك يدوى لأن دى متطلبات امان فى العربية دى

السرعة من 0 ل 100 كم فى 11 ثانية
السرعة القصوى 202 كم

الشعور بالمطبات قليل جداً
العزل عن الاصوات الخارجية ممتاااااااااااااااااااز

العربية مصفحة من الاسفل

البيز لاين فيها 4 ايرباج

واخدة 5 نجوم فى اختبار الاصتدام
الصراحة انا حاسس ان العربية تستاهل اللى دفعتوا فيها

[spider_amrdiab]

بسم الله ما شاء الله
عربية تحفة و احسن من الاوكتافيا كماان
ربنا يباركلك فيها

[محمد فيصل]

بارك الله لك سيارتك وحفظك ويسر طريققك إن شاء الله

[mohyeldin1974]

طيب البنزين اخباره ايه من ناحية الاستهلاك والنوعيه
وعرفت ازاى انها 2011 من 2013
وايه الفرق بين الفئتين
اعتذر لكتر الاسئله

[حسام البورسعيدى]

الف الف مبروك ربنا يباركلك فيها ويبعدك عن كل شر ياتيك منها