مخنوق اوى بسبب اللى حصل النهاردة

[حمادة ونور]

النهاردة كنت ماشى بالعربية بتاعتى وفى امان الله وكنت ماشى فى شارع اسمه الترعة المردومة فى اسكندرية مع تقاطع شارع 20 المهم وانا ماشى ورايح شمال وببص فى المرايا علشان اشوف الشمال فاضى ولا لأ فجاة لقيت العربية اتخبطت من اليمين وخبطت سواق مشروع بس هو كان فاتح الباب بتاعه وانا خبطله الباب وبعد كدة لقيته عمال يخبط على العربية بتاعتى واول ما نزلت عينيك ما تشوف الا النور من الفاظ و .... المهم من هنا لهنا روحت اتصلت بواحد معرفة واتصلت بجوز اختى علشان ياجى وشوية كدة والناس اللى اتصلت بيها جت والراجل باس على دماغى هو واخوه ومشيت بس كل اللى غايظنى انى معملتش حاجة ولا حتى ضربت الراجل ده وده اللى غايظنى ومخلى الواحد مش واخد ثقة فى نفسه بس هو كان فى المنطقة بتاعته ساعتها عشان كدة هو اكلم بكل جراءة واسف انى طولت عليكو بس ده المنتدى اللى بحب افضفض فيه

[luckyman]

يا اخى لو كلب عوى عليك اكيد مش ترد علية مش ممكن كل ما كلب يعوى علينا نعوى علينا احنا كمان بص للامام وانس الاشكال والمواقف دى ونصيحة اخوية هههههه المرة الجاية ابقى لما تخبط باب حد ابقى كمل ولاه كانك خبط حد ههههه طبعا بهزر معاك ربنا يسلمك ويسلم جميع المسلمين والمسلمات ويحفظكم من شر الطريق وتقبل كل التحية

[tacker]

على فكرة انا حاسس بيك ..لأنى لما بحس انى ماخدتش حقى أو سكت بازعل قوى .. لكن نفس الموضوع دة حصل معايا بس من غير ضرب مع فيسبا المهم لم اتكلم خالص .ز واكتشفت بعد كده ان ده كان عين الصواب لأنى لو كنت اتكلمت كانت العربية اتخرشمت فقلت فى نفسى شتمه تفوت ولا العربية يحصل لها حاجة لا قدر الله ههههههه انسى وطنش وياما هتشوف الايام دى

[luckyman]

المشاركة الأصلية كتبت بواسطة tacker على فكرة انا حاسس بيك ..لأنى لما بحس انى ماخدتش حقى أو سكت بازعل قوى .. لكن نفس الموضوع دة حصل معايا بس من غير ضرب مع فيسبا المهم لم اتكلم خالص .ز واكتشفت بعد كده ان ده كان عين الصواب لأنى لو كنت اتكلمت كانت العربية اتخرشمت فقلت فى نفسى شتمه تفوت ولا العربية يحصل لها حاجة لا قدر الله ههههههه انسى وطنش وياما هتشوف الايام دى

لا والله مش علشان العربية تتخرشم لا حتى لو من غير العربية لو انسان سافل اهله ما عرفهوش يربوة ومتربى فى الشوارع انت الكسبان لانة نفسة انك تنزل لمستواه الممتندنى ويحط راسة براسك ويا سلام بقى لو راح معاك قسم بوليس وهو كلب ولا يسوى علشان يحط نفسة معاك لان معظم اللى بيسبوا ويشتموا ويضربوا ولاد شوارع مالهمش اهل انت بتحترم نفسك قبل ما تكون بتحمى ممتلكاتك او نفسك وديما المعاتبة مع الاحية والاعزاء مش مع كلاب الشوارع للاسف العهد اللى الفات والبائن افرو فئات حقيره لا تهمها لا قانون او اى وسائل ردع لانه عارف ان وسائل فرض القانون مايعة وفاسدة

[Elsebily]

مش فاهم بردو يعني هو سايب الباب مفتوح وقاعد في العربيه مش فاهم بس بردو اعتقد اني فيه نسبة خطأ مش قليله منك لاني حتي لو كان هو فاتح الباب وده غلط بردو مش معني كده انك تخش في الباب كان المفروض بردو تخلي بالك من اللي قدامك اما بالنسبه بقي لرد فعله فده العادي دلوقتي بقي كله عاوز ياخد حقه بدراعه مع اني بيتهيقلي انه لو كان اتكلم باحترام كان ممكن ياخد حقه اكتر بس يلا عامة كويس انك معملتش مشكله بس انا شخصيا شايف اني الغلط مقسوم بينكم انتو الاتنين لكن بعد الحركه الاخيره بتاعته اكيد حقك متديلوش حاجه مادام هو اختار اني حقه يكون بايده بس مقولتش عربيتك حصلها ايه ؟؟؟؟؟؟؟وعامة عادي متخدش في بالك ولا تضايق من حاجه ياما ليسه هتقابل مواقف ويومين وتنسي الموقف ده عادي بالتوفيق