ركبت طقم السرفيس

[thechemist]

كل سنة وانتم طيبين
الميكانيكى اللى انا بتعامل معاه صاحب والدى شخصيا وهو كان واخد اسبوع قبل رمضان وسافر ومش هاييجى غير بعد العيد وبصراحة طقم الكهرباء اللى فى العربية بقاله كتير والاداء بقاله فترة مش مضبوط ولأنى مسافر العيد ده قررت اركبه بنفسى والعربية بقت تخسع فى المطالع والسحب وحش (حالة الاسطوانة جيدة)

معلومات عن طقم السرفيس القديم

1. بوجيهات بوش اللى موجودة فى علبة وكل بوجيه فى كرتونة لوحده
2. ابلاتين وكوندنسر بولندى

طقم السرفيس الجديد

1. بوجيهات NJK لاحظت ان طول القلاووظ بتاعها أقل من طول ال bosch وده قلقنى
2. ابلاتين وكوندنسر فرنساوى

الصراحة انا ظبطلهم كيلومتر وبغيرهم عليه عشان اتقى شر لدعان الابلاتين فى أى مشوار

• فكيت وش الاسبراتير بمفك صليبة
• أهم حاجة فى الموضوع تضبط اتجاه الشاكوش وانا ضبطه على وش السلندر
• هتلاقى تحت جسم الاسبراتير صامولة 13 اللى هى بتقدم وتأخر الكهرباء فكها خالص وبكده الاسبراتير هيطلع معالك
• فك الكوندنسر بمفك عادة وركب الجديد
• الابلاتين وده مهم لازم تضبط الخلوص بتاع الابلاتين على حسب مواصفات سيارتك (انا بصراحة معرفش الخلوص عندى كام لكن ضبطت على ضبطة الابلاتين القدديم)
• لازم تشحم كامة الاسبراتير اللى بتفتح وتقفل الابلاتين

التركيب

• ركبت ودورت الحمد لله العربية مغيبتش فى الدوارة ومن أول لقطة
• لكن لاحظت دخان اسود خفيف جد مع تزويد الاكسراتير وبعض رزاز المياه اللى بيطع من الشكمان
• صوت الموتور هدى جدا

لكن الدخان الاسود ده ايه ممكن يكون تفسيره ياوحوش المنتدى وخلوص الابلاتين كام (شاهين 1300 الماتور الاسود)؟؟؟؟؟؟؟؟؟؟؟؟

[محمدصلاح القاضى]

الدخان الاسود دا معناه ان البنزين مش كامل الاحتراق

انت اكيد مظبتطش خلوص البوجيهات بالفيلر كنت لازم تظبتطها عشان الحريق يبقى تمام

ثانيا فتحه خلوص الابلاتين فى الاسبراتير مش بتفرق الا فى سحب العربيه وفى الدوراه
ممكن تخلى العربيه مخنوقه او تعتل فى الدواره
لكن ولو انت ركبته على الوضع القديم يبقى مفيش مشكله

واللى يقدر يفيدك اكتر فى موضوع الخلوص دا
مستر هشام الجزار او كار ادماير هما متخصصين ظبط البوجيهات والتكيهات والاسبراتير هنا ومفيش حد احسن منهم هنا فى الموضوع دا

[thechemist]

المشاركة الأصلية كتبت بواسطة محمدصلاح القاضى الدخان الاسود دا معناه ان البنزين مش كامل الاحتراق انت اكيد مظبتطش خلوص البوجيهات بالفيلر كنت لازم تظبتطها عشان الحريق يبقى تمام ثانيا فتحه خلوص الابلاتين فى الاسبراتير مش بتفرق الا فى سحب العربيه وفى الدوراه ممكن تخلى العربيه مخنوقه او تعتل فى الدواره لكن ولو انت ركبته على الوضع القديم يبقى مفيش مشكله واللى يقدر يفيدك اكتر فى موضوع الخلوص دا مستر هشام الجزار او كار ادماير هما متخصصين ظبط البوجيهات والتكيهات والاسبراتير هنا ومفيش حد احسن منهم هنا فى الموضوع دا

انا فعلا أول مرة استعمل ال NJK مع الشاهين قبل كده مكانش بيخصل الكلام ده فى البوجيهات البوش
انا حسيت بتحسن كتير بعد التركيب
(المارش كان بيعتل شويه والدوارة بتغيب انما بعد التركيب العربية دارت على طول )
ونغمة الموتور بقت مضبوطة )
معلش فى حاجة مش عارف اذا كان لها دخل أو لا كنت محتاج بنزين لأن اللمبة كانت منورة وانا راجع من الشغل قبل وقفة العيد وملقتش ساعتها غير 95 قدامى ومونت صفيحة

[thechemist]

المشاركة الأصلية كتبت بواسطة محمدصلاح القاضى ثانيا فتحه خلوص الابلاتين فى الاسبراتير مش بتفرق الا فى سحب العربيه وفى الدوراه ممكن تخلى العربيه مخنوقه او تعتل فى الدواره لكن ولو انت ركبته على الوضع القديم يبقى مفيش مشكله

أنا فعلا ضبطه على ضبطة القديم

[محمدصلاح القاضى]

المشاركة الأصلية كتبت بواسطة thechemist انا فعلا أول مرة استعمل ال NJK مع الشاهين قبل كده مكانش بيخصل الكلام ده فى البوجيهات البوش انا حسيت بتحسن كتير بعد التركيب (المارش كان بيعتل شويه والدوارة بتغيب انما بعد التركيب العربية دارت على طول ) ونغمة الموتور بقت مضبوطة ) معلش فى حاجة مش عارف اذا كان لها دخل أو لا كنت محتاج بنزين لأن اللمبة كانت منورة وانا راجع من الشغل قبل وقفة العيد وملقتش ساعتها غير 95 قدامى ومونت صفيحة

خلاص جرب تمون 80 تانى وجرب جايز يكون فرق خامه البنزين هو اللى عامل المشكله دى

المشاركة الأصلية كتبت بواسطة thechemist أنا فعلا ضبطه على ضبطة القديم

مفيش مشكله وكله كدا تمام