|
|||||||
| رينو داستر Duster 2009; A multi terrain vehicle available in 2 and 4 wheel drive versions built by Dacia The Dacia Duster is the first crossover SUV developed by the Romanian automaker Automobile Dacia. Officially revealed on 8 December 2009, it became available in Europe from 18 March 2010 |
 |
|
|
أدوات الموضوع |
|
#1
11-01-2012, 02:21 AM
|
||||
|
||||
الداستر وأه من الداستر....يبدو أنها هي ولا شئ غيرها
سلام الله عليكم - العربية دي أول ما نزلت وهي لافتة نظري بشدة لكن لم يتسنى لي رؤيتها عن قرب فضلا عن ركوبها - النهاردة كنت في مول العرب وفي معرض السيارات هناك شفت الداستر وقولت يا واد دي فرصتك - المهم ذهبت وشفتها وكانت دي ملاحظاتي - أول حاجة شوفتها وهي الأساس اللي كنت رايحله هو صاج العربية العربية مش ورق زي ما الكثير معتقد وصاجها ناشف صحيح ليست بالقوة التي تتخيلها ولكن ليست بذلك الضعف المشين - منظر العربية جميييييييييييل جدا وأعتقد ده هو اللي فارقها كثيييير عن سيارات أخرى كالكارينز والتيجو - السيارة عالية عن الأرض علو حسيت أنه فيه تناسب جميل لحجم السيارة لأنها مش عالية أوي زي اللاندكروزر ولا هي عربية سيدان عادية علوها مناسب جدا لسيارة دفع رباعي من الحجم الصغير حتى علشان ثبات السيارة - سميت الله ودخلت وهنا تذكرت أيام السعودية واللاندكروزر داخل وإنت واقف وكمان بتنزل من العربية وإنت واقف ومفيش داعي توطي لدرجة إنك تبوس الأرض قبل ما تدخل  - المهم الدواخل خامتها جيدة إلى حد كبير وليس كما يصور على أنها بلاستيك ردئ - الجلسة في السيارة مريحة وكاشفة الطريق كويس جدا وتحس فعلا إنك بداخل سيارة دفع رباعي - لكن وسع السيارة من الداخل إختلط علي الأمر فيه فياريت الناس ملاك السيارة واللي عايشين فيها يوميا يفيدونا في المسألة دي لأني بصراحة بقيت محتار هل هي واسعة ولا مش أوي ربما لأني كنت بقارنها بحاجات أوسع - وهنا عايز أسئل سؤال هي المسافة بين الكرسيين الأماميين مكان الكونصول وعصاية الفتيس مريحة وواسعة ولا ضيقة لأني حسيتها إنها عادية ولم تختلف كثيرا عن سيارتي الداتشيا97 ؟ - العدادت شكلها جميل لكن التابوه يا ريت ينزلوا التعديل اللي نازل جديد للعربية دي لأن شكله مش ولا بد كما أن الدركسيون تصميمه إلى حد ما سئ وكان ممكن يتعمل شكل أحسن من ده بكثير - جلست في المقعد الخلفي فوجدت المسافة كبيرة ومريحة - هذه كانت تفاصيل زيارة صغيرة للداستر ولأني كنت في عجلة من أمري فلم أركز في كثير من الأشياء المهم الأن أني أصبحت في حال يرثى لها من الحيرة فنحن ننوي بإذن الله شراء سيارة خلال عام إن شاء الله وكنت ناوي على حاجة من إثنين أوكتافيا فانتازيا مانيوال(لأني غاوي مانيوال)150.000 رينو داستر أعلى فئة 136.000 أنا من سكان الأقاليم والطرق معروفة كحال طرق بلدنا الجميلة  ونحن في حاجة لسيارة ذات عفشة قوية وهنا أكرر ذات عفشة قوية لأننا متبهدلين بسبب العفشة وتكون سيارة عملية لأن معظم مشاويرنا قصيرة من 1إلى 20 كيلو كحد أقصى في اليوم وأحيانا قليلة نحتاجها للسفر لمسافات طويلة وأنا هنا بين نارين الأوكتافيا الألمانية ذات الوقار والكماليات الكثيرة والعفشة القوية والثبات اللامتناهي وسيارة مجربة وقطع غيارها متوفرة وبين الداستر رباعية الدفع والعفشة القوية والأداء القوي يعني من الأخر هبهدلها في أي طرق مش هتزعل لكن مع غمار تجربة سيارة جديدة من حيث توافر قطع الغيار والصيانات فماذا تقولون فيما أنا فيه؟ التعديل الأخير تم بواسطة الصيداح ; 11-01-2012 الساعة 02:26 AM 
|
|
#2
11-01-2012, 02:51 AM
|
||||
|
||||
|
رد: الداستر وأه من الداستر....يبدو أنها هي ولا شئ غيرها
فانتازيا بأذن الله
|
|
#3
11-01-2012, 09:55 AM
|
||||
|
||||
|
رد: الداستر وأه من الداستر....يبدو أنها هي ولا شئ غيرها
المشكلة فى الداستر انها لسه جديدة .. محدش جربهاو هرسها
الفانتازيا عربية اتهرست و الناس عرفاها صلى استخارة و ربنا يهديك للى فيه الخير لو قلبك جرئ شوية ... اتكل على الله و هات الداستر
|
|
#4
11-01-2012, 09:57 AM
|
||||
|
||||
|
رد: الداستر وأه من الداستر....يبدو أنها هي ولا شئ غيرها
المشكلة فى الداستر انها لسه جديدة .. محدش جربهاو هرسها
الفانتازيا عربية اتهرست و الناس عرفاها صلى استخارة و ربنا يهديك للى فيه الخير لو قلبك جرئ شوية ... اتكل على الله و هات الداستر
|
|
#5
11-01-2012, 08:08 PM
|
||||
|
||||
|
رد: الداستر وأه من الداستر....يبدو أنها هي ولا شئ غيرها
اللي انت بتحكيه بيقول داستر... هي المناسبة لكل احتياجاتك.... بالاضافه لاسعار قطع الغيار موفرة كتير عن الفانتازيا ... على فكره,.. الرينو اتغير اوي بعد ما اتحد مع نيسان ومابقاش فيه اي مشاكل زي زمان
بس ياريت تبص على نيسان كاشكاي الجديدة... اجمل 4*4 صغيرة موجوده حاليا... ومصنوعه في انجلترا... انا قلبتها كويس... لا شيء يفوقها... هي عند سمير ريان وربنا يوفقك
|
|
|
|
