اية رايك فى سواقة السيدات

[أبو اياد]

الكلام اللي اتقال لم المفيد كلة
بس تعليقا على الستات اللي زعلانين من حكاية ان الستات سواقته وحشة وان الرجالة قاصداهم والحوادث بسبب الرجالة والكلام ده كلة
التعليق عشان يكون موضوعي هنقول ان اجمالي عدد السيدات اللي بيسوقوا عربيات في مصر كام؟
وعدد الرجالة اللي بيسوقوا عربيات كام؟
الخطوة التانية الستات اللي سواقتها وحشة عددهم كام ونسبتهم كام من العدد اللي فوق؟ ونفس الموضوع بالنسبة للرجالة ونشوف فرق النسب وعايزواحدة من الستات اللي ترد بس ماتكونش مراتي
ماحدش بينكر ان فية ستات بتسوق احسن من ميت راجل وانا قابلت اكتر من واحدةمنهم واحدة كنا في زحمة وكانت راكبة جيب بسم الله ماشاء الله على السواقة والغرز ومرتين كانت بتسوق مكروباص واحدة انسة والتانية مدام الانسة كانت ميكروباص عبود شبين الكوم بصراحة سواقة شبابي جميلة جدا
أما المدام كانت ميكروباص طنطا عبود وكانت سواقة رزينة ومظبوطة جدا زي ماتكون سواق مخضرم
وفية واحدة اسمع عنها سواقة معاها رخصة درجة أولى في سيدي كرير بتسوق تريلا وبيقولوا ان سواقين المينا بينادوها في الدخلات الصعبة جوة المينا
بس بنرجع ونقولان نسبة السيدات السواقين قليلة ونسبة الستات اللي سواقتهم بتعمل مشاكل كبيرة

[didos]

انا اكتر حاجة بتنرفزنى لما تدى اشارة يمين وتخش شمال بقيت متبرمج لما الاقى واحدة بتدى اشارة يمين اعرف انها داخلة شمال والعكس ده غير انها بتقف مرة واحدة ومتنقيش غير الاماكن اللى توقف 3 حارات مع بعض ازاى معرفش ده غير طبعا الركنة لما اشوف واحدة بتركن لازم اسحب كرسى واقعد نص ساعة اتفرج عليها ده غير واحدةكنت هانسى انها ست وانزل اضربه علشاان اوسعلها فضلت دايسةعلى الكلاكس متواصل لما خرمت ودنى واول ما اديتها سكة مسكت نص الشارع وماشية تاتة تاتة امال ايه الصاروخ اللى حسستنى انه جاى من ورايا

[mf]

المشاركة الأصلية كتبت بواسطة didos انا اكتر حاجة بتنرفزنى لما تدى اشارة يمين وتخش شمال

ودا اللي حصل معايا ماشي في امان الله لقيت العربيه اللي قدامي بتدي اشاره يمين ... دخلت من علي الشمال عشان اعدي فجأة لقيت العبيه قدامي عشان تلف في الدوران ولما مسكت فرامل كنت جبت الرفرف وحته من الاكصدام والباب ... وكانت سيارة اخويا لسه نازل بيها من السعوديه واخدتها اجربها "JMC" ونزلت لاقيتها "أنسه" ولما شفت عربيتها كانت صعبانه عليا بجد ....

اتصلت بوالدها وطلع في الميري زي حالاتي

ودلوقتي بقول "رُبّ خبطة خير من الف ميعاد " عشان هي أصبحت زوجتي

[طارق ابوذيد]

اخوانى الكرام قياده السيارات للسيدات بها جرائه اكثر من الرجال وذلك راجع الى تيقن المرأه بأن الرجال صبورين على اخطائهن والله يسامحهن على ايذائهن للرجال و المسامح كريم .

[Elawany13]

المشاركة الأصلية كتبت بواسطة mf86 ودا اللي حصل معايا ماشي في امان الله لقيت العربيه اللي قدامي بتدي اشاره يمين ... دخلت من علي الشمال عشان اعدي فجأة لقيت العبيه قدامي عشان تلف في الدوران ولما مسكت فرامل كنت جبت الرفرف وحته من الاكصدام والباب ... وكانت سيارة اخويا لسه نازل بيها من السعوديه واخدتها اجربها "JMC" ونزلت لاقيتها "أنسه" ولما شفت عربيتها كانت صعبانه عليا بجد .... اتصلت بوالدها وطلع في الميري زي حالاتي ودلوقتي بقول "رُبّ خبطة خير من الف ميعاد " عشان هي أصبحت زوجتي

ده انت كده اتخبطت 100 مرة
هههههههههههههههههههههه