|
#1
09-12-2014, 01:43 PM
|
|||
|
|||
تجربه تغيير الطنابير الخلفيه للنوبيرا الى سكاكين
الموضوع ده تعبني لحد ما تم و جربته و شغال 10/10 و العربيه اداء الفرامل بتاعها اتغير تماما
نبدأ: اشتريت جوز طنابير خلفي نوبيرا 2000 cc بالكلابلات الهاند بتاعتهم و روحت لميكانيكي جنب منطقه الاستيراد بحيث لو حبيت اغير او اشتلري حاجه مدوخش دخلت عليه قولتيلوه حنعمل حوار كذا قالي مش حنفع طبعا و ارررررغي ياعم في ناس عملاها قبلي قالي مش حينفع قولتيلوه طب اشتغل و مالكش دعوه انا مسئول المهم كنت عنده الجمعه من بعد الصلاه لحد 11.30 بالليل و محلش حاجه لان كان في عربيات قبلي وانا قولتيلوه حصبر و حقعد روحت تاني يوم السبت من 2 بعد الضهر طبعا اتكسف على دمه و بدأ يفك وانا في اليوم اللي قابله و انا قاعد احضر له الحاجه قالي عايزين خرطوم مكان اللي حيخلع روحت ادور لما دوخت وفي الاخر جبت بتاع نوبيرا امامي و بعديها احتجنا مسمار عشان اللاكور يربطه في الطنبوره دوخت عليه و في الاخر روحت جبته من من اللي عطاني الطنابير الراجل فك الجنب و خلع الماسوره بالخرطوم القديمه و خلع ويرات الهاند الكلام ده في العجلتين و بدأ التركيب ركب الطنابير و ربط الخرطوم الجديد اللاكور في الطنبوره و الصاموله في ماسوره الزيت اللي عند المساعد فوق وسحب الويارات خصوص الهاند في الجنبين لحد مدخل الهاند بريك و ركبهم بس ابن ....... شق موكيت الارضيه عند النص عشان يسحب الوايرات خلاص خلص لقينا لما بيلف العجل صوت حك و الفرامل مش تمام ( الهاند بريك ) فتح قلب الطنابير و عمل رجلاش لفرامل الهاند من جوه الطنبوره و من عند الهاند و خليته ينزل الزيت على الارض و غيرت الزيت بنوع الماني و سحب الهوا من الاربع عجلات قولتله يفتح السرر ونبوص على الرومبيل ( بلغتهم ) طبعا على مضض فتح لقيت الرومان بيلي فاضي من الشحم بيبرووووووق طبعا اديته شحم ابرو من عندي وقولتله لغوص براحتك المهم خلصنا وربكنا وكله تمام و اخره الليله قولت اسأل على رشاشات البي ام و روحت للراجل و قولتله عايز كذا كذا و قالي عندي ورايح يجبهم ولسه بقول ( عشان اركبهم في نوبيرا ) راح لافف و قالي مببعش والله اممممم ليه طيب .... كده يا استاذ.... مشيت وانا الكلمه حرقاني اوي رجعتله تاني وقولتله انت بتقولي ليه كده هوا زبون البي ام بيدفع والدايو بيبحلق يعني قالي انت حتجرب و حتوجع دماغي انا مببعش انا كنت على اخري و مصدقت الاقي حد اطلع عليه قرف اليومين دول بس في الاخر قولت كبر دماغك وسألت عليهم بره و سعرهم 200 جنيه بالمسطره اربع رشاشات صوره الطنابير  صوره الخرطوم اللي اشتريته  صوره المسمار اللي بيركب في لاكور الخركوم و الطنبوره  صوره الخرطوم و الماسوره القديم اللي حتخلعهم  صوره تانيه  صوره الطنبوره القديمه و الخرطوم القديم و مكان تركيب الجديد  صوره يد الهند بريك و مكان تركيب الويرات ( و مجزره الموكيت )  صوره نهائيه بعد التركيب و التقفيل  الاسعار: 1-جانبين نوبيرا 2000 cc بكابلات الهاند بريك 400 جنيه 2-خرطومين فرامل امامي نوبيرا 80 جنيه 3- علبيه زيت فرامل كبيره الماني 30 4- مصنعيه جنابه 200 جنيه للورشه و 50 للي اشتغل بايده التأكيدات و التحزيرات: 1- الطنابير يجوا بكبلات الهاند عشان لو مش موجودين فيها حادوخ عليها لان الفابريكه اطول من اللي حتركبه 2-مسمار اللاكور ( المسمار مخروم من الجنب و من عند سنه ) اللي في طهر الطنبوره تتأكد انه موجود ان شالله من غير الخرطوم طوز المهم المسمارين دول و تتأكد انهم نفس مقاس القلاوظ 3-بعد ماتركب افتح سرر الطنبورتين و بص على الرومان بلي و الشحم 4-صنفر الطنابير و الاتيال من جوه وبره ( تيل الهاند بريك في قلب الطنبوره وتيل الفرامل اللي من بره ) 5- بيبقى فيه رجلاش للهاند بريك من عندها و من عند الاتيال نفسها ابدأ من اللي جوه التيل و خلي وانت بتركب ويرات الهاند ترخي الرجلاش بتاعد يد الفرامل على قد ماتقدر عشان تسيب لنفسك في المستقبل براح ترجلش منه 6- التيل بقه لما احب اغيره حجيب تيل ليجانزا خلفي الانطباعات: 1- الفرامل بقيت افضل من الاول على الاقل لو مفيش تحسن انا غيرت الطنابير و خليتها منظرها احسن لان القدام كانوا مدمرين تيل و طنبوره 2-دواسه الفرامل عليت لحد النص يعني الاول كانت بتوصل لحد الاخر خالص دلوقتي مشورها قصر النص 3- الهاند لو رافعها العربيه بتعاني كتيييير في الطلعه وهيا مرفوعه ولكن لو رفعتها و هيا ماشيه العربيه بتهدي و خفيف اوي 4- لو كبست الفرامل جامد اوي العربيه العجلتين اللي قدام بيزحفوا و اللي ورا بيلفوا و مش عارف انهوا اصح كده ولا الاربعه يقفشوا و يقفوا 4- الشكل تحففففففففففه طبعا اللي عايز حاجه يسأل انا بعد اللف ده و الوقفه على ايد لولا الميكانيكي ( اسمه لولا اه ) انا ممكن اعملها تاني بايدي 
|
|
#2
09-12-2014, 03:44 PM
|
||||
|
||||
رد: تجربه تغيير الطنابير الخلفيه للنوبيرا الى سكاكين
تحفة
موضوع هايل الله ينور عليك هو دة الشغل بجد طبعا عربيتك مفهاش ABS يبقى الوضع الطبيعى ان الـ 4 عجلات يكلبشو فى الارض طب لية الاتنين اللى ورا مش بيكلبشو معرفش حضرتك جبت تيل جديد ولا اكتفيت بالتيل اللى جاى فى الطنابير ومدى حالتة وسمكة تانى حاجة اعتقد عندك فى ماستر الفرامل الرئيسي مخرجين واحد بيوزع زيت للعجل الامامى والتانى بيوزع زيت للعجل الخلفى مفروض بيكون فية خانق لمخرج العجل الامامى عشان قوة الماستر تتوزع بشكل غير عادل على الـ عجلتين الامامى والـ عجلتين الخلفى ....لان المفروض القوة فى الخلفى تكون اكبر من الامامى عموما ما تحكمش على اداء الفرامل دلوقتى ونستنى شوية يمكن يكون فى هواء فى مواسير الفرامل الخلفية يمكن التيل الخلفى لسة مطبعش يمكن فى خرطوم او اكتر متطبق وقافل بس عاوز اعرف منك معلومة الهاند بريك بتعتمد على التيل الاساسي للطنابير ولا ليها تيل فرعى جوة السورة ؟
__________________
يااااااااااااا رب إرحمنا بقدرتك علينا 
|
|
#3
09-12-2014, 03:56 PM
|
|||
|
|||
|
رد: تجربه تغيير الطنابير الخلفيه للنوبيرا الى سكاكين
بص يا عمرو بيه الموضوع ده قديم بس مكنتش رفعته
لكن الوضع الحالي : 1- التيل غيرته بتيل جديد ليجانزا 2- الفرامل العاديه حلوه جدا لاكن البريك ضعيفه و بعد لف و تفصيص وصلت لان الطنبور الخلفي يمين فيه عيب في الماستر بتاعه فا مبيمسكش كويس مهما ارجلش فا دلوقتي الهاند ضعيف لكن شغاله بس مش لدرجه الامان و الدرفتات فاهني؟ 3- الهاند بريك ليها تيل لوحديها بداخل الصره خلاف الخارجي
|
|
#4
10-12-2014, 09:37 AM
|
||||
|
||||
|
رد: تجربه تغيير الطنابير الخلفيه للنوبيرا الى سكاكين
لو عاوز تعلى كفاءة الهاند غير التيل بتعها الداخلى بس برضة مش هاتديلك اللى انت عاوزة
الدرفتات عاوزة هاند يشتغل على لقم الفرامل الرئيسية او هاند تشتغل هيدروليك بضغط زت زيها زى البدال بالظبط
__________________
يااااااااااااا رب إرحمنا بقدرتك علينا
|
 |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اسعار و جدول صيانات تويوتا ياريس من التوكيل(حازم خضر) | hazem_khidr | Yaris | 16 | 20-05-2009 09:59 AM |
