اتبنوني وحبوني معاكم اختكم جديدة في السواقة

[AbOnOrA]

الحكات ليها حلول تحسن الشكل بشكل 80 - 90% من غير ما تترش وتحافظى على دهان الفابريكا تترد على البارد بس وتتلمع

وبالنسبة للشعور بالخوف والارتباك ده طبيعى فى الاول وبيقل بشكل كبير جداً مع الممارسة وخاصة لو كانت يومية

[Eng/salwa]

المشاركة الأصلية كتبت بواسطة ام روجي الاول احلي سلام لاجدع ستات ما شاء الله بطلات حبوني معاكم واتبنوني حكيلكم حكايتي انا اشتريت عربية بفضل الله كيا بيكانتوا اتوماتيك ودة لية علشان حسيت نفسي بتلغبط في الغيارات ورجلي مش بتجيب الدبرياج للاخر المم قررت ع الاتوماتيك وانا كنت اتعلمت ع المانويل وسقت بيا كام مرة من 5 شهور يعني طبعا شكرا نسيت السواقة بس بصراحة حاسة اني بخاف من السواقة وخاصة الكباري والعربيات التريلا والاتوبيسات وما شاب ببقي مطمنة طول ما حد جنبي خايفة اسوق لوجدي اتربك ياريت حد يقلي عبارة لطيفة احطها ع الازاز الخلفي علشان السواقين يراعوني برضة تفتكروا هنجح ولا فشل ؟ واي النصايح اللي ممكنن تفيدني اليومين دول ا اخر سؤال العربية موديل 2007 ومتجرحة من بره شوية وطبعا مش عاوزة ارشها علشان تفضل فابريطة بس فيها حكة كبيرة وطبعا انا فرحانة بيا ونفسي اسوق حاجة نضيفة ل في حل بديل عن الرش

السلام عليكم ورحمة الله وبركاته

اهلا بيكى اختنا الكريمة أم روجى

اتركى السيارة فترة بدون رش الى ان تتقنى السواقه ان شاء الله
وعلى فكرة فيه هنا موضوع كان اسمه (تعلم السواقه وانت فى مكانك ) للأخت نوارة الله يبارك لها ممتاز وفيه فيديو لتعليم السواقه

القلق فى الاول طبيعى كلنا كنا كده فى بداية السواقه
ربنا يوفقك وهتكونى ممتازة لا تتوترى واهدأى وانتى بتسوقى

مرحبا بكى فى منتدانا المحترم

[ام روجي]

المشاركة الأصلية كتبت بواسطة Eng/salwa السلام عليكم ورحمة الله وبركاته اهلا بيكى اختنا الكريمة أم روجى اتركى السيارة فترة بدون رش الى ان تتقنى السواقه ان شاء الله وعلى فكرة فيه هنا موضوع كان اسمه (تعلم السواقه وانت فى مكانك ) للأخت نوارة الله يبارك لها ممتاز وفيه فيديو لتعليم السواقه القلق فى الاول طبيعى كلنا كنا كده فى بداية السواقه ربنا يوفقك وهتكونى ممتازة لا تتوترى واهدأى وانتى بتسوقى مرحبا بكى فى منتدانا المحترم

انا بقالي يومين مبرشتة في المنتدي شفت لحضرتك مشاركات وموضوعات افادتني كتير وشجعتني وحسستني ان فيه امل ان شاء الله اني اتجرا وطبعا تحية خاصة مني ليكي باعجابي الشديد بمشاركاتك

[ام روجي]

المشاركة الأصلية كتبت بواسطة احمد على 1999 طبعا تعلم السواقة مهم و خاصة تعلم الركن لحفظ الابعاد جيدا بس ياما ناس سويقة و عملوا حوادث فنصيحة مع التعلم و بعده ............ التزام الاذكار دعاء الخروج من المنزل دعاء الركوب و فى 3 ادعية حافظة موجودين فى اذكار الصباح و المساء عن تجربة دول لما بيتقالوا بايمان مفيش حاجة بتحصل و لما تركنى تستوديعها الله مع الاخذ بالاسباب من اختيار ركنة مش ملطش و تأمين العربية ضد السرقة معلش كل اللى ردوا مش من القسم اصل القسم معليهوش اقبال كبير

انا خفت اسالكم بصراحة ع العام ما صدقت لاقيت قسم للبنات
اصل شفتكم متحاملين ع الستات وخفت اخد كام كلمة في جنابي بدل ما تديني ثقة تدمرني
ومتشكرة جدا لرد حضرتك

[نبيل عبدالرحمن]

بصى يا أم روجى
أول حاجه لازم يكون عندك ثقة فى نفسك كبيرة وإنك مش أقل من أى واحده بتسوق عربيتها وبتجرى بيها بين العربيات زى القرد ، وطبعاً ده ما جاش إلا بالتمرين وبالتدريج ، وعلى فكرة كلنا كده سواء رجاله أو ستات ، المهم يكون عندك الرغبة فى التعلم ، وبلاش حكاية إنك تكتبى ورقه وتعلقيها فى العربية لإنك كده بتلفتى النظر لكى وممكن واحد رخم يعاكسك ولا يعمل حركة تزود إرتباكك
ثانياً عمليه الحكات سيبيها زى ماقلك بعض الزملاء لغاية ما تجيدى السواقه تمام وبعد كده رشيها ومش ها تتكلف كتير
وتمنياتى وتمنيات أسرة منتدى مصر موتورز لك بالسلامه ، وأهلاً بيكى فى المنتدى