اتبنوني وحبوني معاكم اختكم جديدة في السواقة

[ام روجي]

الاول احلي سلام لاجدع ستات ما شاء الله بطلات
حبوني معاكم واتبنوني
حكيلكم حكايتي انا اشتريت عربية بفضل الله كيا بيكانتوا اتوماتيك ودة لية علشان حسيت نفسي بتلغبط في الغيارات ورجلي مش بتجيب الدبرياج للاخر المم قررت ع الاتوماتيك وانا كنت اتعلمت ع المانويل وسقت بيا كام مرة من 5 شهور يعني طبعا شكرا نسيت السواقة
بس بصراحة حاسة اني بخاف من السواقة وخاصة الكباري والعربيات التريلا والاتوبيسات وما شاب ببقي مطمنة طول ما حد جنبي
خايفة اسوق لوجدي اتربك ياريت حد يقلي عبارة لطيفة احطها ع الازاز الخلفي علشان السواقين يراعوني برضة
تفتكروا هنجح ولا فشل ؟ واي النصايح اللي ممكنن تفيدني اليومين دول
ا اخر سؤال العربية موديل 2007 ومتجرحة من بره شوية وطبعا مش عاوزة ارشها علشان تفضل فابريطة بس فيها حكة كبيرة وطبعا انا فرحانة بيا ونفسي اسوق حاجة نضيفة ل في حل بديل عن الرش

[m.e.y]

المشاركة الأصلية كتبت بواسطة ام روجي الاول احلي سلام لاجدع ستات ما شاء الله بطلات حبوني معاكم واتبنوني حكيلكم حكايتي انا اشتريت عربية بفضل الله كيا بيكانتوا اتوماتيك ودة لية علشان حسيت نفسي بتلغبط في الغيارات ورجلي مش بتجيب الدبرياج للاخر المم قررت ع الاتوماتيك وانا كنت اتعلمت ع المانويل وسقت بيا كام مرة من 5 شهور يعني طبعا شكرا نسيت السواقة بس بصراحة حاسة اني بخاف من السواقة وخاصة الكباري والعربيات التريلا والاتوبيسات وما شاب ببقي مطمنة طول ما حد جنبي خايفة اسوق لوجدي اتربك ياريت حد يقلي عبارة لطيفة احطها ع الازاز الخلفي علشان السواقين يراعوني برضة تفتكروا هنجح ولا فشل ؟ واي النصايح اللي ممكنن تفيدني اليومين دول ا اخر سؤال العربية موديل 2007 ومتجرحة من بره شوية وطبعا مش عاوزة ارشها علشان تفضل فابريطة بس فيها حكة كبيرة وطبعا انا فرحانة بيا ونفسي اسوق حاجة نضيفة ل في حل بديل عن الرش

اهلا وسهلا بيكى والف مبروك ع العربية

لو عايزة تكتبى حاجة ع الازاز الخلفى يبقى عبارة عفوا السائق تحت التمرين

وان شاء الله مع التعود هتلاقى نفسك بتسوقى بسهوله بعد كدا

بس السواقه خصوصا فى مصر بتحتاج قدر معين من الجرائة لأنك لو ارتبكتى كتير لا قدر الله

هيأثر عليكى فى السواقه وقدر يحدث ضرر لا قدر الله وهذا ما لا نتمناه ان شاء الله

وان شاء الله يزول هذا الارتباك سريعا

[ام روجي]

المشاركة الأصلية كتبت بواسطة m.e.y اهلا وسهلا بيكى والف مبروك ع العربية لو عايزة تكتبى حاجة ع الازاز الخلفى يبقى عبارة عفوا السائق تحت التمرين وان شاء الله مع التعود هتلاقى نفسك بتسوقى بسهوله بعد كدا بس السواقه خصوصا فى مصر بتحتاج قدر معين من الجرائة لأنك لو ارتبكتى كتير لا قدر الله هيأثر عليكى فى السواقه وقدر يحدث ضرر لا قدر الله وهذا ما لا نتمناه ان شاء الله وان شاء الله يزول هذا الارتباك سريعا

متشكرة اوي لرد حضرتك
بس ياريت تقدر تساعدني كمان في موضوع الحكات دي في بديل عن الرش

[Marlborooo]

رايي سيبي العربية بالحكات لان اي حد في بداية السواقة بيحك ويجرح العربية
فاصبري لمدة سنة كده وابقي رشي العربية

[احمد على 1999]

طبعا تعلم السواقة مهم و خاصة تعلم الركن لحفظ الابعاد جيدا

بس ياما ناس سويقة و عملوا حوادث
فنصيحة مع التعلم و بعده ............ التزام الاذكار
دعاء الخروج من المنزل
دعاء الركوب
و فى 3 ادعية حافظة موجودين فى اذكار الصباح و المساء
عن تجربة دول لما بيتقالوا بايمان مفيش حاجة بتحصل
و لما تركنى تستوديعها الله
مع الاخذ بالاسباب من اختيار ركنة مش ملطش و تأمين العربية ضد السرقة

معلش كل اللى ردوا مش من القسم اصل القسم معليهوش اقبال كبير