|
#1
30-09-2013, 10:14 PM
|
||||
|
||||
السوست ::أدخل واعرف افضل طريقة ظبط لورق السوست الخلفية للفيات 128 و 127
انت محتار فى افضل طريقة
 أولا : سوست فيات 128 الفبريكة "اللى طالعة من المصنع" بتبقى عباره عن ورقتين فوق بعض بعرض العربية من ورا الورقة الاولى اللى هى الأم ودية لو فبريكا "أصلية" بتبقى رفيعة لكن "قوية جدااا" والثانية أقل فى الطول بحوالى 5 سم وبتبقى اسمك من الورقة الأم بملى او 2 ملى بأقصى حد وبينهم شامبر جلد" كوتش داخلى بيتقطع وبيتحط بين الورقتين" لمنع الصوت الناتج عن اى احتكاك وبيبقوا متقنطرين بارتفاع 20 سم بالظبت أولا شغل العفشة الخلفية للفيات 128 والريجاتا وال 127 بيعتمد على السوست بشكل اساسى اكثر من المساعدين لذلك انا كتبت الموضوع ده علشان الكل يعرف يظبت السوست بتاع عربيتة ويحافظ على عمل المساعدين بشكل جيد وتخليهم يقعدوا عندك مدة اكبر أولا قبل ما تعمل شغل عفشة" مساعدين او مقصات ورا للعربية " لازم تظبت الوسوت كتالى لو انت مش بتحمل فى العربية ورا ناس احجمها كبيرة او مش بتحط حاجات فى شنطة العربية اوزنها ثقيلة يبقى الحل الأمثل ليك هو نظام ورقتين يعنى النظام الأصلى بتاع العربية ذى ما هى نازلة ورقة أم + الورقة الثانية " أصغر من الأم فى الطول بحوالى 5 او 6 سم بيتقنطروا بأرتفاع 20 سم بالظبت" بينهم شامبر داخلى +شحم+ 2 افيز محترم يمسك الورقتين ويوضع تحت الافيز قطعة من شامبر لكاوتش داخلى بيتم قصها بنفس حجم الافيز لمنع الصوت الناتح عن اى احتكاك فى المستقبل لو انت بتحمل أكثر من شخصين على الكنبة اللى ورا او بتحط اشياء ثقيلة فى الشنطة بيبقى الحل بتاعك انك هتذود ورقة سويته ورقة أم + الورقة الثانية اصغر من الورقة الأم + ورقة ثالثة اصغر من الثانية "بيتقنطروا او 19 سم أو يارتفاع 19.5 على اقصى حد بالظبت" بين كل ورقة شامبر داخلى بحجم كل ورقة +شحـــم+ 2 افيز محترم يمسك الورقتين ويوضع تحت الافيز قطعة من شامبر لكاوتش داخلى بيتم قصها بنفس حجم الافيز لمنع الصوت الناتح عن اى احتكاك فى المستقبل لية احنا خلينا فى ال3 ورقات القنطرة بأرتفاع اقل من الورقتين وذلك لسببين رئيسين أولا : نظام الورقتين بيبوط أسرع من نظام الثلا ورقات ثانيا: علشان متحسش بخشانة شديدة فى العفشة من ورا لو اخد مطب او نقرة وانت ماشى أو صوت دب ملحوظة لو قنطرت السوست سواء ورقتين او ثلاث ورقات اكثر من الأرتفاع المكتوب فى الموضوع هتحس ان العربية خشنه جدا فى المطبات والمساعدين مش هيشتغلوا بكفءه لان المساعدين هيبقوا مفرودين على الأخر فى النهاية انا مستعد لاى سؤال من زملائنا الأعضاء واتمنى اكون وضحت ولو بشكل بسيط عن ظبت الوسوت فى سيارات فيات 128 وكذلك فيات 127 والفيورا  التعديل الأخير تم بواسطة star_poison ; 30-09-2013 الساعة 10:31 PM 
|
|
#2
01-10-2013, 07:16 PM
|
||||
|
||||
رد: السوست ::أدخل واعرف افضل طريقة ظبط لورق السوست الخلفية للفيات 128 و 127
كلام جميل جدااااا
__________________
مــحـمــــد الـــمــسـعـــودى  Microsoft Certified Professional MCP ID#6357858 Certified Since 2008
|
|
#3
01-10-2013, 09:38 PM
|
||||
|
||||
|
رد: السوست ::أدخل واعرف افضل طريقة ظبط لورق السوست الخلفية للفيات 128 و 127
موضوع جيد ..... تسلم ايدك
__________________
|
|
#4
02-10-2013, 01:55 AM
|
||||
|
||||
رد: السوست ::أدخل واعرف افضل طريقة ظبط لورق السوست الخلفية للفيات 128 و 127
و لكن إنت وضحت معلومة أنا ماكنتش حاططها في بالي خالص و هي إرتفاع 19 سم أو 19.5 سم فعلا الأرتفاع عندي أعلي من كدة بحاجة بسيطة و المساعدين مفرودة فعلا و أحيانا بحس بصوت الدب و لكن مش في كل الأحوال إنما لو في معايا حمولة .. أكيد طبعا مش بحس بصوت الدب لأن ساعتها الأرتفاع بيكون اقل من أما تكون العربية بدون حمولة و الصورة في توقيعي موضحة للأرتفاع إللي انا عامله و شكرا لمجهودك و شرحك الجميييييييييييييييل 
__________________
|
|
#5
03-10-2013, 02:17 AM
|
||||
|
||||
|
رد: السوست ::أدخل واعرف افضل طريقة ظبط لورق السوست الخلفية للفيات 128 و 127
شكرا على مرور الأخوه الكرام
وفى ملحوظتين مهمين - يجب قنطرة ورق السوست على البارد يعنى متخليش الراجل يسخن على ورق السوست ويدق..لانه لو عمل كدة يبقى السوست تبوظ لازم يدق عليها بدون تسخين على البارد -يشوف المقاس واحرص دائما انه يقيس جوانب السوست يمين وشمال علشان العربية متبقاش مايلة او واطية من جنب وعالية من جنب اخر
|
 |
|
|
