العودة   مصر موتورز مجتمع السيارات > منتدى الصيانة و اﻹصلاحات > ميكانيكا السيارة

ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية


إضافة رد
 
أدوات الموضوع
  #26  
قديم 26-03-2013, 07:23 AM
cars admire
Guest
 
المشاركات: n/a
Talking رد: تصليح (فتيس / كبالن / بلية العجل / مساعدين) بنفسك

AbOnOrA, ahmed_eng2001,حمدى مخترع مانيوال بدون دبرياج


رد مع اقتباس
  #27  
قديم 29-03-2013, 05:28 PM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: تصليح (فتيس / كبالن / بلية العجل / مساعدين) بنفسك

موضوع رائع و شغل نظيف
اجمل ما فى الموضوع ... انك فكيت و ركبت بنفسك .... اتعلمت حاجات جديدة
و انك صلحت الحاجات الى وجدتها عاوزة تتصلح فى سكتك و انت ماشى
من الحاجات الى تحط عينك عليها .... الكبالن ... تشيك على الجلدة الخارجية باستمرار علشان ان شاء الله تعيش معاك
ربنا يكرمك و يوفقك و ان شاء الله الفتيس يمشى معاك تمام
__________________

رد مع اقتباس
  #28  
قديم 29-03-2013, 06:44 PM
الصورة الرمزية Hisham.Elgazzar
Hisham.Elgazzar Hisham.Elgazzar غير متواجد حالياً

من انا؟: الفقير إلى الله
هواياتي: جميع الأعمال اليدوية-IT
 
تاريخ التسجيل: Dec 2011
الموقع: مكـــــــ عين شمس-م.نصر-التجمع الأول ــــــانى
المشاركات: 5,061
Hisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond repute
افتراضي رد: تصليح (فتيس / كبالن / بلية العجل / مساعدين) بنفسك

شغل جميل ماشاء الله ربنا يوفقك
بس مكانش لازم تبوظ الطبخة عشان شوية ملح ماينفعش الإسطوانة تركب من غير عمود دريك الصورة اللى مرفوع فى الموضوع الإسطوانة مشفته لفوق بس أهم حاجة يكون الفتيس مربوط كويس وربنا يسهل الباقى سهل جدا بإذن الله
رد مع اقتباس
  #29  
قديم 29-03-2013, 07:09 PM
cars admire
Guest
 
المشاركات: n/a
انذار ضرورى جدا ولازم كاوتشة تراب لافيه الفتيس تتركب كويس !!!!!!!


المشاركة الأصلية كتبت بواسطة adham.com مشاهدة المشاركة

الجزء الثاني
عملت دورة غسيل للفتيس من الداخل بالبنزين كويس كذا مرة
و نزل كمية وساخة مايعلم بيها إلا ربنا
(تراب و طين و شحم + رايش حديد + رولمان بلي بتاع صليبة الكوبلن + خيوط محشورة + سيليكون من آثار لحام الجوانات من زمان )

و المفاجأة ان لقيت عصاية الفتيس إشتغلت ... و التحجيرة راحت
شوفوا الفيديو دة بس محدش يضحك عليا هههههههه


يا تري بعد كل دة

أودية لبتاع فتيسات و أخليه يفكه و يشوفه طالما هو بره العربية
ولا أركبه و أحط زيت جديد و أغير الديسك و الأسطونة و بليه
جديد في جديد .... و أمشي علي كدة و خلاص

أخذت رأي الأعضاء أولا .... و هم مشكوووووووووورين جميعا علي وقوفهم جنبي و مساعدتهم ليا ومتابعتهم للموضوع أول بأول

ahmed_eng2001
cars admire
حمدى مخترع مانيوال بدون دبرياج


و كان رأي البعض إني أركب و خلاص
و رأي البعض الأخر ... وديه لبتاع فتيس عشان تبقي مطمئن

حاولت إني أفك الفتيس كدة و أشوف شكله ههههههه فكيت كام مسمار و لقيت في مسامير صعب فكها
محتاجة صنايعي و محتاجة (مفك كومبروسر)
المهم وديته لبتاع الفتيسات و فك و قاللي محتاج (غويشتين و أويلسيل و ترس الغيار الثاني)
و قاللي حاجة عالترس بتاع الغيار الثاني
إما تشتريه إستيراد ب 150 جنيه
أو يتظبط عند خراط ب 30 جنيه (مش فاهم يعني إيه)
قولتله أيهما أفضل ... قاللي الأتنين واحد

المهم عملته ب 30 جنيه
و الصنايعي مصنعيته 80 جنيه
و الغويشتين إشتريتهم ب 50 جنيه
و الأويلسل دوخت عليه في التوفيقية كلها و شارع شامبليون كله (ملقيتهوش جديد)
إضطريت أشتريه إستيراد ب 80 جنيه (بعد ما كان البائع بيستهبل و بيقول 150)

يعني من الأخر تكلفة تصليح الفتيس (240 جنية)

و آدي صورة للغويشتين و الأويلسيل (الرخم)


و طبعا أثناء الجولة في التوفيقية إشتريت كل إللي كانت محتاجاه العربية


كاوتش كوبلن داخلي + الكوتشة الرخمة اللي بتركب في عصاية الفتيس + نص كيلو شحم بترومين + فلتر زيت + علبتين إبرو + صليبة كوبلن + بليتين للعجل + بلية دبرياج جديدة + ديسك إستيراد + مليت الأسطوانة تيل جديد + علبة إسبراي فضي + أوكرة باب عشان القديمة مكسورة

الديسك جديد كان عامل 130 جنيه و جبته إستيراد ب 50 جنيه
الأسطوانة جديدة ب 85 جنيه و مليتها ب 40 جنيه تيل ألماني

ركبت الديسك و الأسطوانة و بدون ما أستخدم (عمود دريك عشان السنتر) السنتر ممكن يبقي أسهل من كدة
انا مسكت الأسطوانة من الثلاث أطراف بتوع الديسك (المفتوحين) و ظبتها تمام


ركبت الفتيس أنا و معايا إخواتي الأثنين (الموضوع سهل جدا) بدون أي مشاكل

برغم اني اشتريت اسبراي فضي ... لكن كسلت ارش الفتيس لأنه كان محتاج وقت عشان يتصنفر بالفرشة السلك و بصراحة كان عندي (ظروف صعبة شوية) عشان كدة كسلت و قولت أنجز

و ركبت قاعدة الفتيس في القنطرة الأول ... ثم ركبت القنطرة تحت الفتيس


ركبت الكاوتشة دي و ربطت معلقة الفتيس
لكن الرخامة اني معرفتش أركب الكاوتشة في الأويلسيل (في الأخر سبتها بعد محاولات كتير)


نظفت الكوبلن إللي كان كاوتشته مقطوعة ... و غسلت الكوبلن بالبنزين عشان أشيل الشحم و حطيت شحم جديد و قفلت الكاوتشة الجديدة و حطيت الكاوتش الداخلي و صلايب الكوبلن و التيلة الصغيرة



بعد كدة بلي السرة
شيلت البلي القديم و جبت صنفرة و صنفرت مكانها و نظفت كويس و روحت للخراط عشان يكبسها
البلي لازم يتكبس عند الخراط (عشان يبقي عمره أطول)



و تم التقفيل لكل حاجة علي نظافة
و أخيرا حطيت زيت الفتيس (140 موبيل)
و غيرت زيت الموتور و حطيت الدلفاك الجديد و علبة الأبرو


تم بحمد الله
و سأوفيكم بالنتائج مع الوقت إن شاء الله
:14 0109~347: :018 A1D~146::14FE AD~151:

ضرورى جدا ولازم كاوتشة تراب لافيه الفتيس تتركب كويس والا هيلم تراب ورايح جاى ويمين وشمال هيعمل تاءكل فى جلبته والفتيس هيسرب زيت من نفس مكان الجلبة !!!


التعديل الأخير تم بواسطة cars admire ; 29-03-2013 الساعة 07:42 PM
رد مع اقتباس
  #30  
قديم 29-03-2013, 08:51 PM
حمدى مخترع مانيوال بدون د حمدى مخترع مانيوال بدون د غير متواجد حالياً
من انا؟: فنى ميكانيكا السيارات
التخصص العملى: لم يحالفنى الزمن لاتمام الدراسة
هواياتي: اى حاجة فيها فكر ومنطق
 
تاريخ التسجيل: Apr 2012
الموقع: محافظة الجيزة
المشاركات: 736
حمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond reputeحمدى مخترع مانيوال بدون د has a reputation beyond repute
افتراضي رد: تصليح (فتيس / كبالن / بلية العجل / مساعدين) بنفسك

الله ينور عليك يا ادهم بس لازم تركب الكوتشة زى ما قلك استازنا ادميار حتى ولو بكوليه شريط بلستك يعنى
__________________

رد مع اقتباس
إضافة رد

الكلمات الدليلية
مساعدين, فتيس, كبالن

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:28 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017