مجرد فضفضة فى زمن الإخوان

[ezzat2002mo]

المشاركة الأصلية كتبت بواسطة Eng/salwa يا فندم جزاك الله خيرا على إعتذارك لاننى فعلا تألمت جدا من مشاركتك اللى قلت فيها انى دبلوم تجارة بالرغم ان اللى مؤهله دبلوم ده برضه انسان وله حق العلاج فى بلده ودبلوم التجاره ليس سبة او شتيمه فأنا احترم الأمى واللى لم يتعلم فى بلدى أكثر من المؤهلات العليا ودكاترة الجامعه لانهم كان الله فى عونهم لان أستاذ الجامعة تعبان فى البلد يبقى همه عاملين ايييه ولكن ما اغاظنى انك كل اللى لفت نظرك فى الموضوع من اوله انى ممكن اكون لست مؤهلة علميا علشان أقول آآآآآآآآه الألم يا فندم يشعر به المتعلم والجاهل المرض اللى انا دايخة بيه الآن يؤلم المتعلم والجاهل تكاليف العلاج الخرافية تعجز المتعلم والجاهل المطالبات المالية من طوارئ المستشفيات يعجز عن دفعها المتعلم و الجاهل الجلطة فى المخ لا تفرق بين متعلم وجاهل او دبلوم ودكتوراه تغيير صممات القلب اللى تعب فى البلد بتتغير للمتعلم والجاهل لما تكون عجزت عن الاخراج الطبيعى وتعمل الاخراج بالقسطرة ده بيوجع المتعلم والجاهل سرير المرض اللى النوم عليه يصيب تقرحات الفراش يصيب دبلوم التجارة و الدكتوراه لما تكون موجوع ومتحسر على أعز انسان عندك ورفيق عمرك وأبو أولادك وحبك الأول و الأخير ومش عارف تشيل وجعه إزاى ساعتها مش هتقول الله يكون فى عون مرسى و لا مبارك هتقول حسبى الله ونعم الوكيل فى مرسى ومبارك وكل الرؤساء لما تبكى بدل الدموع دم مش هتقول خليكى منصفة و إعذرى الأخوان هتقول ربنا ينتقم من كل مقصر فى عمله ايام مبارك ولا ايام مرسى انا لا يهمنى مبارك ولا مرسى ولا احب مبارك و لا مرسى ولا غيرهم انا لا احب الكلام فى السياسة أصلا انا أحب فقط زوجى وأولادى و أسرتى ومش عاوزة غير حياة آدمية ومستشفى آدمى أتعالج بكرامة و عزة نفس مش قادرة بصراحة أقولك اتقى الله انت ومش قادرة اقولك لما تجيلك جلطة تبقى تحس بالمصيبة ولكن ربنا يسلمك انت وكل الاعضاء من أى مرض انا بتكلم فى وادى وحضرتك فى وادى تانى خالص انا لا عاوزة اهاجم الاخوان ولا مرسى ولا مبارك ولا تهمنى السياسة برمتها ومش عاوزة ادخل فى جدال سياسى ومين صح ومين غلط وبصراحة انا عانيت كتييير واتوجعت كتييير فى زمن مبارك ولا زلت أعانى واتألم فى زمن مرسى و الاخوان وفى حاجات كتيييير لو أنا مكان مرسى كنت هعملها وأكيد أعضاء كتييير هيردوا على حضرتك فى الموضوع ده أبسط شئ يا فندم انى اوفر للمواطن البسيط العلاج - المستشفى للطوارئ دى سيارة الاسعاف بتأخذ 200 جنيه للنقل للمستشفى من 6 أكتوبر للقصر الفرنساوى دى تكاليف عملية قلب بأتعاب الطبيب تصل لأرقام لا تتخيلها اييييه ده أى بلد دى أنا سافرت خارج مصر المريض آدمى والتكلفة ليست بهذا الشكل وبعدين بدل الدفاع العميانى ده كده قولنا حضرتك ايه اللى اتصلح فى البلد فى مجالات ( الصحة - التعليم - الأمن - الغذاء وسعره - البنزين غيره وغيره ) ومحدش يقولى الصبر الصبرالصبر أنا صبورة جدا ولا احب التجاوز برضة او الشتيمه فى رئيس او غيره ولما بتناقش بيكون نقاشى محترم بس خلاااااص فاض بيه وطفح الكيل M AD

السلام عليكم
اولا انا ردى كان على الاستاذ اللى بيقارن بين ايام السادات ومرسى فقط بعيد عن كلام حضرتك اللى فى لاول
ثانيا انا مع حضرتك ومقدر المعاناة اللى حضرتك فيها لكن لازم كلنا نفهم ان الرئيس علية ضغوط لازم كلنا نفهمها واللى بيقول فين الصحة والتعليم وغيرة اقوله
كل دة عاوز اعتمادات ومليارات هيجيب منين وهوة مستلم البلد متنيله وعليها ديون ومليارات ومش كدة وبس ده حتى الشعب مش مقدر ايوة الشعب واقولها بالفم الميان
بعد الحرب العالميه الثانية وانهزام اليابانيين فى الرحب كانوا بيطلعوا العمال من المصانع بخراطيم المياة علشان العمال كانوا بيرفضوا يروحوا وعاوزين يشتغلوا ويكبروا اقتصاد بلدهم لكن احنا (قطع طرق- اضراب فى كل القطاعات وطلبات شبة مستحيله ومتحكمه - اعلام فاسد يطلع ناس تولع فى البلد وتمسك سلاح الى ويقال عليهم ثوار ولما يتسابوا يقول مفيش امن ولما يتمسكوا يبقى حقوق انسان) الراجل هيعمل ايه دلينى
وكمان لازم نعرف ان الرئيس هو رئيس السلطة التنفيذية ومهمته الاولى الان هى اكمال مؤسسات الدولة واخرها مجلس الشعب اللى الاعلام مش عاوز يدى فرصه ان الانتخابات تتعمل وعاوز البلد زى ماهية ملخبطه ومضطربة وبعدين مجلس الشعب هيراقب ويشرع ويقوم بدورة انما نمشى ورا كلام ناس يقول هرجع الامن فى يوم والكلام الهجص ده معلش فى التعبير والتانى يقولى هخلى مصر دولة عظمى مش عارف فى 3 سنين كلام لايقره عقل ولا منطق ولا واقع

وفى الاخر عاوز اقول كلمه واحدة وانا واثق منها

لو الشعب المصرى كلة عندة احساس بالمسئوليه كنا حلينا كل المشاكل بتاعتنا فى ظرف اشهر

[magdy_c_c]

المشاركة الأصلية كتبت بواسطة nktis that wont happen in shaa Allah

I hope so,
I wish I could introduce happiness for all
Egyptians rather than a madness hospital
But this is impossible in the time of the Muslims Brotherhood ( demons ) which control everything in our lives
:TH E_PR~18:

[nktis]

يقولى هخلى مصر دولة عظمى مش عارف فى 3 سنين كلام

نجرب و لو معجبناش .,,,. يتحاسب ....

ضغوط لازم كلنا نفهمها

مش قدها .,,,. يسيبها للقادر .؟؟؟.

على الاستاذ اللى بيقارن بين ايام السادات ومرسى

اولا انا دكتور.,,,.
ثانيا عايزني اقران بالسادات و لا عبد الناصر و لا مبارك ( اختار سيادتك و الشعب كله هيقارن ) ...

[lifedream83]

كلامك رائع بجد و بما انك فتحتي سكة الصحة و انا للاسف طبيبة احب اقولك انها مش معضلة ولا حسبة برما اطباء مصر لما عملوا جنازة للصحة ف مصر كانوا فاهمين كويس المعني اللي عايزين يوصلوه للشعب المعادلة بسيطة اوي حاكم مسئول و عارف مسئوليته كويس وعنده نية ف الاصلاح اكيد هيمشي ف السكة دي حتي لو كانت طويلة و محتاجة امكانيات كتيرة لكن حاكم مسئول و مش عارف مسئوليته كويس و بيتهرب دايما من المسئولية و عنده من يبرر له كل اخطاؤه و هفواته (و الكمال لله وحده محدش معصوم يعني) يبقي مفيش اي نية ف الاصلاح و اوضاعنا هتفضل من سييء لاسوء .

[hamaad]

المشاركة الأصلية كتبت بواسطة محمد صالح - المحامى انا بضرب نفسى 100 جذمة لانى انتخبت مرسى اكتشفت اننا انتخبنا مبارك بس بدقن واكتشفت ان الاخوان كل هدفهم هو السلطة واكتشفت انهم كذابين ومفيش حد من الحرامية هيتحاسب ============= بالنسبة لموضوع انه استلمها خرابة بعد مبارك السادات كان مستلم الجيش على المحارة ومقعدش يندب حظة زى الاخوان وحقق اعظم نصر فى تاريخ الجيش

السادات استلمه بعد حرب الاستنزاف اللى عبد الناصر بتكوين الجيش ولم شمل الشعب المصرى وراره هل احد يقف وراء مرسى طبعا يقال كل يوم جماعته بل نحن مفروض نقف وراه لان حادثة كافور المعادى من بضع ساعات كان المفروض نقف جميعا ولكن نحن فى وادى اخر