فضيحة شركة الامل

[minoeyes]

المشاركة الأصلية كتبت بواسطة الهولندى الطائر كل مصر كل المصريين فرحانيين بالصينى وما حدش سأل نفسه ليه اوروبا وامريكا عامله حظر على السيارات الصينى لو حد كان سال نفسه ودور على الاجابة كنا اتفادينا كل الحوادث دى السبب ان السيارات الصينى بجميع انواعها ليست مطابقة لمواصفات الامان الاوروبية والامريكية والاخطر من كده ان الصين بتطور التصميمات والنماذج الاوليه على البشر فى الشرق الاوسط والهند وبلاد العرب يعنى عاملنا فيران تجارب شوف لدرجة ايه المهزلة وتلاقى الواحد منهم مبهور بالعربية وهو ما يعرفشى انها لم تخضع لاى اختيارات امان فى التصميم او فى التنفيذ او فى التجربة تحيا الصين اللى لبستنا العمه وياما هنشوف حمدلله على سلامتك وانت واسرتك اغلى من اى شىء بس ياريت ترفع عليهم قضية وتقاضيهم وتاخد حقك لان دى ما يتعداش بالساهل ابدا

اوروبا وامريكا ايه اللى عامله حظر عالصينى
شكل حضرتك مش متابع لاى اخبار
الصينى يغزو العالم
امريكا مهدده فى صناعه السايارات بسبب الصينى
شركات كبرى مثل مرسيدس تتحد مع byd لصناعه سيارات هجينه
اوروبا مليئه بموديل f3
المقارنه الاوروبيه بين الموديل ده والاوبترا لصالح f3
اختبارات تصادم اوروبيه يحصل على 3 من 5
اختبار روسى للتصادم يحصل على 10.6 من 16
المشكله اننا لما بنجمع عربيه بنبهدلها
كاوتش اى كلام
وبنخلع اغلب الكماليات
انت عارف ان الكراسى الصينى بتاعت العربيه دى الاحد ب 7000 جنيه
انما احنا بنغيره
وغير الحساسات اللى بنخلعها وغيره
رجاء بلاش كلام ليس مبنى على صحه قول
الصينى زيه زى اى صناعه ولكن التجربه اثبتت اننا احنا اللى بنجيب اسوا ما فى الصينى
وشكرا

[hal71]

أولاً: ألف حمد لله على السلامة قدر الله و ما شاء فعل
ثانياً: يا ريت تنشر الموضوع ده في كل مكان تقدر تتواصل فيه
ثالثاً: بإعتبار حضرتك كمحامي إيه الإجراءات القانونية التي يمكن إتخاذها في هذه الحالة؟؟
رابعاً: ما هو نوع الكاوتش نشراً للمنفعة بين أعضاء المنتدى و لمقاطعته
و شكراً و ثاني ألف حمداً لله على السلامة

[lonedoctor]

اخى الفاضل حياك الله
انفجار كاوتش السيارة يحدث فى اى سيارة سواء اكان سعرها رخيص او مئات الالوف وانا احد اقربائى توفى فى سن صغير جدا بسبب انفجار اطار سيارته بى ام دبليو وانقلبت به السيارة وكانت جديدة تماما وفيها افضل انواع الاطارات فليست هذه فضيحة للبى واى دى التى ملئت شوارع القاهرة ملاكى وتاكسى وليس ما حدث لك امر يمكن تعميمه
وانا سافرت على طريق اسيوط الغربى على سرعة 180 ك/س وكانت السيارة ثابتة جدا على الطريق ومعظم قيادتى للسيارة على سرعة 140/150 ك/س
اخيرا اطار السيارة من نوع جى تى وهو نوع متوسط الجودة ومتوفر فى كل محلات الاطارات وكثيرا من الناس يستخدمونه فى سياراتهم بدون مشاكل ووارد يكون بعض الاطارات فيها عيوب تصنيع
انا عن نفسى غيرت الاطارات الامامية بنوع بردجستون لاعتقادى برداءة نوعية هذه الاطارات بشكل عام
هات لى اى سيارة فى مصر سعرها 100 جنيه يضعون اطارات ذات جودة مرتفعة غير بى واى دى
ربنا يخلف عليك ويجيرك فى مصيبتك ويعطيك خير منها
تقبل تحياتى

[sharooo]

يا جدعان محدش يرمي عفلوسه في الارض ويجيب عربيه صيني

http://www.youtube.com/watch?v=Mbe5ILICT4M

شوفو الفرق

http://www.youtube.com/watch?v=yEdvv...endscreen&NR=1

اعمل محاضر بوليس وحمايه مستهلك
وهات تقرير مختوم من الشركه بالكلام الاهبل الي قالوه
وارفع قضيع عليهم

[ehabpopo]

الف حمدالله على سلامتك ... المهم انت والاسرة تكونو بخير ...
اما موضوع كاوتش السيارة ... تأكد ان اغلب الانواع اللى فى مصر مش ممتازة .... وحوادث كتير بتحصل زى دى ... بسبب الكاوتش ...
المهم تطمنا عليك وتقولنا عملت اية ؟؟؟؟