مطلوب نصيحة مهمة جدا

[mahmoud_commander]

أنا قررت أنى أجيب ريس علشان أنا بعشق الموتوسيكلات جدا والسرعة والمغامرة وخاصة النوع ده من الموتوسيكلات وهى ستايل الحياة اللى بفضله
ولكن لسه متعلمتش التمكن التام في سواقته وأنا داخل على 20 سنة
فتنصحونى بأى نوع يكون مناسب ليا في بداية السن ده وأقدر أتحكم بيه صح ويكون كام سي سي
وياريت لو فى أى حد يقدر يفيدنى برده بالرخصة يعنى المفروض أعمل إيه ومطلوب منى ايه
مستنى ردكم ضرورى

[crash_baskota]

لو حاسس انك هتبقى متمكن اوي منه بسرعه وبتسوق عجل كويس يعني هتعرف توازن حلو وسقت عربيات جير عادي يعني عارف نظام الدبرياج والنقلات وكده

انصحك تجيب هوندا 400 علاطول حلو وهيعيش معاك وعقبال ما تتطور في سواقتك هتكون قضيت معاه وقت حلو ..

لاكن لو ملكش في اي حاااجه من دول خالص عليك بال 250 ... ومعلومه ال 400 اتقل من ال250 اعمل حساب ده

وربنا معااك

[mahmoud_commander]

المشاركة الأصلية كتبت بواسطة crash_baskota لو حاسس انك هتبقى متمكن اوي منه بسرعه وبتسوق عجل كويس يعني هتعرف توازن حلو وسقت عربيات جير عادي يعني عارف نظام الدبرياج والنقلات وكده انصحك تجيب هوندا 400 علاطول حلو وهيعيش معاك وعقبال ما تتطور في سواقتك هتكون قضيت معاه وقت حلو .. لاكن لو ملكش في اي حاااجه من دول خالص عليك بال 250 ... ومعلومه ال 400 اتقل من ال250 اعمل حساب ده وربنا معااك

حلو أوى الكلام طيب سؤال
هو مش المفروض أن كل ما كان أتقل كل ماكان أحسن
وخاصة في المنحنيات والمنعطفات القاسية لأن ال 400 عنده قدرة أنك تنيمه على الأرض وتنعطف بسرعة أكتر من ال 250 لأنه أتقل ولا دى معلومة غلط

[nktis]

اتقل يبقي اكثر استقرار علي الطريق وطبعا افضل من الخفيف...
بس بالنسبه لواحد لسه بيتعلم لاول مره البايك التقيل هيتعبه ...وربنا يوفقك..