|
#11
09-02-2009, 11:23 AM
|
||||
|
||||
رد: فيرنا 1600cc
متشكر جدا على الكلام الجميل ده
هو احنا هنا فى المنتدى ده ليه علشان نفيد و نستفيد صح اكون سعيد بطرحك للتساؤلات و الاستفسار عن اى شيى أحمد أبوزيد
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#12
09-02-2009, 12:31 PM
|
||||
|
||||
|
رد: فيرنا 1600cc
اشكرك على الرد -- وعندى استفسار عن مميزات وعيوب الفيرنا الاتوماتيك لإن فى كتير بينصحونى بشراء الاتوماتيك وبلاش المانيوال فإيه رايك ؟؟؟؟ وكمان
هيونداى i10 ايه مميزاتها وعيوبها لو سمحت وخصوصا ان سعرها كان معلن عنه 55 الف جنيه يعنى معقولة
|
|
#13
10-02-2009, 12:00 PM
|
||||
|
||||
|
رد: فيرنا 1600cc
بصراحه الناس فى مصر كلها بتقول ابعد عن الفتيس الاوتوماتيك الكورى و انا عن نفسى ماجربتهوش علشان كده ماقدرش افد فيه لكن اللى اقدر اقوله ان موتور الفيرنا هو هو ماتور الماتريكس و نفس الفتيس برضو
و الماتريكس ناس كتير جايبنها اوتوماتيك و ماحدش اشتكى منها خالص حتى الان لحد علمى و برضو استاذ احمد انور معاه واحده اتوماتيك ابيشكر فيها و ليها صديق برضو مطلع عنيها و الحمد لله ماشيه زى الفل مره احمد انور سال المهندس محمد بيومى عن الفتيس الاوتوماتيك بتعا الفيرنا فقاله الفتيس ده لو راعيت الصيانه بتاعته كويس اللى هيه زيوت و فلاتر و كده و طبعا مش بتقرص كتير و بتعمل كيك داون اضمنلك انه يعيش معاك لحد 200 الف بالنسبه للعيوب و المميزات العربيه هيه هيه المانيوال مافيش فرق خالص غير الفتيس و بيكون فيها جنوط 14 غير المانيوال بتكون 13 و ايضا فوجات بالنسبه لاى10 من اهم مميزتها انها تقفيل كورى و العربيه فعلا ممتاز ممتازه من اراء ملاكها انا عن نفسى لسه مجربتهاش بنفسى لكن ملاكها بيشكروا فى موتورها و سحبها كويس جدا جدا و كمان الثبات بتعها جيد بالنسبه لسياره فى الفئه دى
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#14
10-02-2009, 10:49 PM
|
||||
|
||||
|
رد: فيرنا 1600cc
طبعا انا بشكرك جدا على معلوماتك القيّمة وعلى فكرة انا قريت المقال الخاص بالمهندس محمد بيومى بالصيانة واستغلال التوكيل وبصراحة يابختكوا بيه واللهم لا حسد ** وعايزة النصيحة الاخيرة لو سمحت هل اشترى i10 على اساس سعرها كويس وصغنتوتة وشكلها شيك وتستحمل وكدة كدة كورى ** واللا اشترى الفيرنا الاتوماتيك رغم انك قلت ان مافيش فرق كبير بينها وبين العادى -- واللا اشترى العادى -- واللا اعمل ايه؟؟؟؟؟ وخصوصا انى عايزة اشترى عربية كويسة وبسرعة بس ما تطلعش عينى بعد كدة --- وشكرا على مجهودك ---
|
|
#15
11-02-2009, 11:18 AM
|
||||
|
||||
|
رد: فيرنا 1600cc
'طيب احب اعرف حضرتك محتاجه ايه من العربيه سفر كتير و خروج و كده ولا شغل و خلاص و لو مشوار يبقى مره فى الاسبوع
لو سفر و خروج كتير و كده و ممكن تشيلى حاجات كتير معاكى فى العربيه يبقى الفيرنا اتوماتيك او مانيوال مش هاتفرق (انا بحب المانيوال ) لو هو مشوار الشغل بس و كام مشوار فى اخر النهار يبقى i10 و ده مش علشان الi10 وحشه لكن صغيره و بتاعه مشاوير للحضانه الشغل طالب رايح الكليه مش اكتر من كده لكن بهدله كتير ما اظنش على فكره ال i10 هندى الفيرنا الواحد بيبهدل فيها براحته و مش بتشتكى خالص طول ما الواحد بيعمل الصيانه فى ميعادها
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
التعديل الأخير تم بواسطة AHMEDCAR ; 11-02-2009 الساعة 11:57 AM
|
 |
| الكلمات الدليلية |
| عيوب سيارة, هيونداى, هيونداى اكسنت, هيونداى غبور, هيونداى فيرنا, نيو اكسنت |
|
|
