*ـ* مشروع تنمية إقليم قناة السويس *ـ* Suez Canal Region Development Project *ـ*

[tamer.koko]

الغريب يا بشمهندس احمد ان مهما المشروع كان له فوائد سواء صحيحه او فوائد ذو الطابع التجميلي والخيالي الكاذب بتاع الاخوان ان الناس مبقتش تصدقكم
وعشان اكون صادق اكتر فاانا عن نفسي مبقدرش اسمع للاخوان مش اصدقهم
واعتقد ده رائي وانا حر فيه

[ابوشيماء]

هذا سم فى العسل كما قال الاخ لانى مشروع القانون فية خوزيق كبيرة يجعل من منطقة القناة اقليم منفصل عن مصر

[ahmed_eng2001]

ممكن حد من الاخوة الاعضاء . يشرح لنا ايه الى مش كويس فى قانون مشروع اقليم قناة السويس ده ؟؟؟ انا قرأته و مفهمتش ايه المشاكل الى فيه !!!!
انا خلفيتى مش قانونية ... و لما اقرا القوانين المعقدة دى بتوه

[ahmed1981]

المشاركة الأصلية كتبت بواسطة tamer.koko الغريب يا بشمهندس احمد ان مهما المشروع كان له فوائد سواء صحيحه او فوائد ذو الطابع التجميلي والخيالي الكاذب بتاع الاخوان ان الناس مبقتش تصدقكم

تصدقكم ؟؟؟؟؟؟؟؟؟؟؟؟ !!!!!!!!!!
أنا عمري ما قلت أنا إخوان عشان تجمعني معاهم وتقول (تصدقكم) ؟؟؟
مع إن ده مش عيب ولا حاجة

المهندسين والمستثمرين اللي شافوا المواقع والعمل والدراسات صدقوا وطبعاً مش كلهم إخوان (والمشروع معروف للمتخصصين من ثلاثين سنة)
وهذا هو المهم
أن يصدق أهل التخصص

لكن واحد مشافش ومش متخصص ولا مستثمر
رأيه في الحالة طالما مش عايز يسمع دي لا يقدم ولا يؤخر

وبخصوص كذب الإخوان
شئنا أو أبينا فالإخوان الآن على كرسي الحكم
فالإنسان المخلص الفاعل للبلد بيتعامل معاهم لمصلحة البلد
والإنسان السلبي بيقعد يتفرج على برامج النواحة ويكرر كلامهم ويلطم وراهم

المشاركة الأصلية كتبت بواسطة tamer.koko وعشان اكون صادق اكتر فاانا عن نفسي مبقدرش اسمع للاخوان مش اصدقهم واعتقد ده رائي وانا حر فيه

أكيد إنت حر في رأيك زي ما الإخوان أحرار في سياسة حكمهم للبلد
طالما بنفترض فيكم كلكم الإخلاص
ولكن كل بفكره
في واحد بيشتغل
وواحد بيحشي ودانه قطن

-

[ahmed1981]

المشاركة الأصلية كتبت بواسطة ابوشيماء هذا سم فى العسل كما قال الاخ لانى مشروع القانون فية خوزيق كبيرة يجعل من منطقة القناة اقليم منفصل عن مصر

ولماذا لا توضح للناس السم طالما إنت عارفه

لكن الكلام العام الغير محدد المتأثر بغسيل المخ الإعلامي برضه لا يقدم ولا يؤخر

-