محتاج إضافة زيت الفتيس الاوتوماتيك دى

[edebawy]

يا جماعة محتاج إضافة زيت الفتيس الاوتوماتيك دى جداً فاذا كان حد يعرف الاقيه فى مصر ولا لأ و اذا كان موجود بيبقى فين يكون مشكور يقولى على مكانه .............. لانى ماليش فى حكاية الشراء من برة عن طريق الانترنت

اسمه Lucas transmission fix

كل المعلومات عنه فى الرابط ده
http://lucasoil.com/products/transmi...ansmission-fix

[AbOnOrA]

معرفش مكان بيبع النوع ده تحديدا بس فيه بدائل عند موزعين زادو وليكوى مولى وممكن ماركات تانية لو عايز ابعتلك التفاصيل

[edebawy]

وأكون متشكر كتير لحضرتك و منتظر أى معلومات عن أى بدائل تؤدى نفس الغرض لان فى مشكلة فى الفتيس الاونو بتاع النوبيرا 2 ان فى تفويت خفيف عند النقل من الثالث للرابع و طبعاً تم تغيير الزيت و الفلتر للفتيس فده حد من المشكلة نوعاً ما واصبحت احياناً موجودة بشكل بسيط و احياناً مش ملحوظه
وبعد ابحاث مستفيضة و بدراسة الفتيس نفسة من الداخل من ال Exploded view من على النت اتوقع و ده رأى شخصى ان هناك ضعف فى المادة الاحتكاكية المبطنة لل band الخاص بالسرعة الرابعة ... و بما ان الظروف لا تسمح حالياً باصلاح الفتيس اللى ممكن يؤدى الى سوء حالته اكثر بعد دفع مبلغ محترم و لا تسمح ايضاً بتغييرة لان المبلغ هايكون اكثر احتراماً ....
فبحثت على الانترنت فوجدت ان الاضافة دى تؤدى الى نتائج اكثر من رائعه لانها بتزيد من ضغط الزيت فيتم الضغط بقوة اكبر على الكلاتشات و الباندات لمنع التفويت وايقاف التاكل وتحتوى على مادة تعالج المادة الاحتكاكية لزيادة معامل الاحتكاك لزيادة السحب و اطالة عمر الفتيس وهى ممكن تستعمل مع الفتيس السليم و الجديد للحفاظ عليه ( لكن ليس لها فائده فى حاله وجود كسر اوتلف تام لاحد الاجزاء الداخلية ).
معلش طولت شويه بس قولت احكى الموضوع بالتفصيل علشان اوضح المشكلة و ليه وقع اختيارى على النوع ده من الاضافات و دى بعض الفديوهات لتوضيح الفكرة

[edebawy]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟