محتاج رأي الخبراء ضرورى يا رجال مصر موتورز

[@واحد من الناس@]

كنت ماشى بعربية بتاعت واحد معرفه (بس كنت مأجرها) وبعدين وقفت فى ملف لقيت واحد عبقرى بموتوسيكل جيه من ورايا وعمال يقرب بسرعة فى المراية طبعا أنا إتخضيت مهو يإما أرجع إلى الوراء وأخبط فى اللى ورايا يإما أكسر على العربيات اللى جيه النحية التانية واللى يحصل يحصل وده برضه إختيار صعب يإما أستناه لحد ما يجي يحضن الباب البيه بقه فضل داخل ومرة واحدة لقيته تحت الباب اللى عندى (باب السائق) الحمد لله هو لحق وفادى نفسه ودخل بجنب والباب إتحفر حفرتين صغيرتان جدا بس من فوق والمرايا إتفرددت الناحية التانية بس جت سليمة المشكلة بقه فى الحفرتين دول يكلفوا حوالى كام بالتقريب يعنى هى المسكلة إن العربية فبريكا برة وجوة ومتلمستش قبل كده ده بس اللى مزعلنى جدا بس الحمد لله على كل حال

[hyundai2005]

للاسف طالما اتفحرت يبقي قدامك حلين
1- تفك فرش الباب وتترد من جوه وخلاص
2- او ممكن حته معجون صغيره وبعدين تلقطها بقلم بويه

[AMMI]

اللى بيسوق موتوسيكل ( الا من رحم ربى ) بيبقى مستغل ان الموتوسيكل هيعدى ويبقى الطريق كله واقف وهوه عمال يقدم عجله عجله وفى الاخر لما يخبط العربيه يقولك لامؤاخذه

[@واحد من الناس@]

المشاركة الأصلية كتبت بواسطة hyundai2005 للاسف طالما اتفحرت يبقي قدامك حلين 1- تفك فرش الباب وتترد من جوه وخلاص 2- او ممكن حته معجون صغيره وبعدين تلقطها بقلم بويه

بالنسبة لرقم واحد ده اللى هيعمله صاحب العربية وده هيكلف كام
وبالنسبة لرقم إتنين برضه هيكلف كام

[@واحد من الناس@]

المشاركة الأصلية كتبت بواسطة AMMI اللى بيسوق موتوسيكل ( الا من رحم ربى ) بيبقى مستغل ان الموتوسيكل هيعدى ويبقى الطريق كله واقف وهوه عمال يقدم عجله عجله وفى الاخر لما يخبط العربيه يقولك لامؤاخذه

يا ريته كان غلط ده أنا كان نفسي يغلط اما هو طلع راجل محترم للأسف