|
|||||||
| جيلى اميجراند - مابلEmgrand Geely احدى اكبر الشركات الصينية التى تسعى بخطى ثابتة لتطوير منتجاتها والدخول بها الى اكبر الاسواق العالمية بعد ما تحقق لها من نجاحات فى الاسواق الشرقية و تتبعها سيارات مابل واميجراند Emgrand |
 |
|
|
أدوات الموضوع |
|
|||||||
| جيلى اميجراند - مابلEmgrand Geely احدى اكبر الشركات الصينية التى تسعى بخطى ثابتة لتطوير منتجاتها والدخول بها الى اكبر الاسواق العالمية بعد ما تحقق لها من نجاحات فى الاسواق الشرقية و تتبعها سيارات مابل واميجراند Emgrand |
|
|
|
أدوات الموضوع |
|
#1
20-04-2012, 09:51 PM
|
||||
|
||||
اخيراً تقريرى للسيارة جيلى CK-2 عن تجربة
السلام عليكم
معلش بقى اتأخرت شوية فى التقرير بس جبتلكم الصور كمان اهـى بسم الله نبدأ  اولاً ::: التصميم ::: تنفرد جيلى بتصميمها الانسيابى الذى يضفى اليها الابهار والفخامة منذ الوهلة الاولى كما تتميز بتصميمها الداخلى الذى يجسد الراحة والرفاهية من خلال امكانيات متعدده وسعة داخلية تزيد المتعة فى قيادة السيارة يعنى من الاخر عربية شكلها حلو اوى اوى وانا بحس انها من ادام شبه المرسيدس العيون ومن ورا شبه التويوتا كورولا 2006 تقريباً ودول صور للعربية من ادام وورا والجنب     ::: الثبات ::: تتميز السيارة بنظام تعليق متطور ماكفرسون امامى وعامود خلفى ليساعد على ثبات السيارة واتزانها فى الطرق الغير ممهدة ومطابقا للاجواء المصرية يعنى انا بمشى بيها فى شوارع استغفر الله العظيم ههههههه والحمدلله زى الفل اهـى وهى بالنسبة لى عربية اعلى من الفيرنا الى كانت معايا الفيرنا كانت بتحك فى المطبات والارض فا دى اعلى منها كمان وباين فى الصور شوى ::: القوة ::: 1300 سى سى و 86 حصان عربية عفية جدا غم انها 1300 سى سى والماتور بتاعها كويس جدا والتكييف شغال عليه تحفة يعنى ولا بيتعب الماتور ولا حاجة من الى بنسمعها دى وانا جربت التكييف لمدة ساعتين متواصل ولا حصل اى مشكلة هو والكاسيت كمان دى صورة للماتور الى اتقالى انه بتاع لانسر وفى ناس بتقول بتاع تويوتا  ::: الامــــــــان ::: عجلة قيادة تعمل بالقوة المساعدة وممتصة للصدمات احزمة امان امامية وخلفية مراية الرؤية الخلفية الداخلية ممتصة للضوء ضوء ستوب خلفى مرتفع اقفال امان خلفية بالابواب لحماية الاطفال ::: الهـــــدوء ::: الماتور هادى جدا ومش بسمع له صوت نهائى سوبر سيلنت ::: التـــــوفيــــر ::: يستخدم نظام الحقن الالكترونى من بوش الالمانى مما ينعكس على استهلاك الوقود الذى يصل الى 6.5 لتر لكل 100 كم لتعد الاقتصادية فى فئتها انا حطيت اول مرة فول تانك 92 فضل معايا لحد من يومين وكل يوم بخرج بيها مسافات كبيرة فا موفرة جدا ::: التجهيزات ::: زجاج كهرباء امامى وخلفى اقفال امان مركزية مرايات كهربائية مذيب صقيع للزجاج الخلفى ريموت كنترول ( واحد بس والمفتاح التانى اسبير ولو هغيره لازم فى التوكيل اى مكان برا هيشيل السيستم ويحط غيره ) فوانيش شبورة ودول صور للعربية من جوه بس معلش عشان متصوريين بموبايل بقى  العدادات  التابلوه  ده مكان اير باج بس يمكن اضافة اير باج انما العربية مفيهاش اير باج الكاسيت والتكييف ( ملحوظة الكاسيت ده متركب هو والساوند سيستم على حسابى يعنى العربية نازلة من غيره )  الهاند بريك والفتيس  مكان الولاعة ودرج جنبها مغلق  وده وهو مفتوح  الدركسيون  فتحات التكييف  المرايا  تحكم المرايات الكهرباء  تحكم الزجاج الكهرباء كل الابواب من عند السواق  كده الصور خلصت تقييمى للعربية : 1- عربية تصميم جميل جدا وجذاب وعالية عن الارض 2- كماليات حلوة بالنسبة لسعرها 3- العفشة بتاعت فيرنا وده الى كذا حد قالوا ليا بيفهموا بالعربيات 4- قطع غيار سعر مناسب برا وجوا التوكيل 5- العربية خفيفة جدا وناعمة فى السواقة وصوت الماتور هادئ جدا يعنى مش مسموع نهائى 6- مشكلة قابلتنى فيها ان البنزين عالى شوية والدبرياج عشان العربية بتجرى جامد حتى لو بطلع على الاول لسه ودايسة على الدبرياج 7- مشكلة ان العربية نازلة من غير كاسيت وسماعات ولا دواسات معرفش ده عندى ولا عند الكل 8- العربية سعرها 54,900 جنيه مصرى كده تمام ويارب اكون كتبت تقرير مفيد 
__________________
|
|
#2
20-04-2012, 11:51 PM
|
||||
|
||||
رد: اخيراً تقريرى للسيارة جيلى CK-2 عن تجربة
تقرير رائع
وماشاء الله والله أكبر  ربنا يديك خيرها
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
#4
21-04-2012, 11:26 PM
|
|||
|
|||
رد: اخيراً تقريرى للسيارة جيلى CK-2 عن تجربة
جزاك ألله خيرا على التقرير واذا سمحت سانقل التقريرالى منتدى اخر ليستفيد منه اكبر عددمن الناس وليعرفوا حقيقة الصيني يقول نبينا محمد صلى ألله عليه وسلم((من سن سنه حسنه فله اجرها واجر من عمل بها الى يوم القيامة))
|
|
|
|
