الحيرة هتموتنى انقذونى

[mr_astra]

المشاركة الأصلية كتبت بواسطة shababhost توضيح اكتر هعشغلها تكسى وانا الى هشتغل عليها علشان شغل برمجة الويب خلاص كان عصر وانتهى

لا حول ولا قوة الا بالله
ربنا يوفقك فى مشروعك
الحل مش فى نوع العربية لان كل العربيات لو بى ام هاتعطل انما فكر فى قطع الغيار الارخص
انت ممكن تشترى سيارة فى اى فئة سعرية انما الاهم هاتقدر تصرف على العربية ولا لا
شيل من دماغك ان العربية دى بتعطل اقل من العربية دى ما تخليش دة المعيار بتاعك وانما خلى المعيار هو ما بعد البيع
كل العربيات المقترحة كويسة ولا يختلف عليها اتنين من اول الفرنا اللى حلت محل الـ 128 عربية يميزها موتور يشد قطر وموضوع الثبات مش فارق اوى داخل القاهرة مع انى كل مشاويرى سفر وكانت معايا وعمرى ما اشتكيت من عدم ثبات ( الفكرة فى اللى بيسوق صدقنى مش العربية ) مع التحفظ شوية على قطع غيارها وصالونها اللى يعتبر ديق حبتين علاوة على ارتفاع استهلاك البنزين ....... لانوس لا تختلف عن اخوتها الفرنا لو قلنا مية واحد اشترو عربيات هتلاقى نصهم فرنا ونصهم لانوس ،،،،لانوس قطع غيارها فى اى مكان وتقدر تقول انها رخيصة اوى واستهلاك بنزين منخفض بدرجة كبيرة انما اعماديتها اعتقد مش زى الفيرنا
الـ 516 عربية واسعة جدا جدا جدا من الداخل بها صالون تقدر تقول علية اربع اوض وصالة وشنطة واسع عن جد ..... استهلاك بنزين منخفض للغاية ثبات غير عادى على الطرق السريعة والاوبشن بقى حدث ولا حرج عربية فعلا ممتازة وشغالة تاكسى كتير اوى بس عبها سعر اعادة البيع النهردة تجبها بـ 40 الف موديل 7
انا لو منك هاجيب فواتير صيانة لل3 عربيات والارخص فيهم هاعتمد على الله واجبها

المشاركة الأصلية كتبت بواسطة shababhost انا شاكر على الردود بس بيقال ان الفيرنا بها عيب فى الشاسيه وبتعوم بعد 100 كيلو والفرامل لا يعتمد عليها ويقال عن لانوس ان هيا مش عمليه وعامله زى البطه البلدى والاسبرنزا برده بيقولو مشاكل كتير انا عايز حاجه تشتغل على الاقل 12 ساعه يوميا لف داخل القاهرة ومتتعبنيش صيانه المنتدى خوفنى من كل العربيات وشكرا على الردود انا مبسوط بمتابعة الموضوع

انتا كدا جيت للمفيد يا زعيم الصيني مش بتاع مرمطة شغل 12 ساعة حتي لما تشتري اي حاجه صيني يقولك اهم حاجه حافظ عليها ومتهلكهاش علشان تعيش معاك وانا بنصحك الفيرنا عملية بس هتعليها علشان تعرف تشتغل بيها علشان متحكش معاك في المطبات يا ما تجيب لوجن وتريح دماغك خالص وبعدين انتا هتشغلها تاكسي يعني مش هتبقي رايح جي علي طرق سريعة يعني مش هيفرق معاك الثبات اوي ده مش معناه ان الفيرنا مش ثابته علي فكرة انا سوقتي في السفر لا تقل عن 140 والعربية بسم الله ما شاء ذي الالف بدون اي تعديل

لاكن انتا لو ركبتلها علايات وجنطها 14 عريض انسي موضوع التعويم ده خالص

ومتسمعش كلام حد في موضوع الشاسيه والكلام الفاضي ده الشاسية بتاع الفيرنا ممتاز ولو كان في اي مشكلة مكنتش فضلت العربية رقم واحد مبيعا في مصر وبقيت ذي الرز في الشارع

[khaled_1993m]

بص انا معايا اسبرينزا 516 و انصحك طبعا بيها هي بلا شك احسن من الفيرنا او الانوس في كل حاجة و كمان حمالة اسية و انت ساعت ما تركبها هتشيل من دماغك خلاص موضوع المطبات لانها عالية شوية عن الارض و غير كده ساعات كتير العربية كانت بتفضل شغالة 9 ساعات متواصلة و زي الفل بس بردو انت اركبها و انت هتحكم

[YahiaAshraf]

يا باشا طالما مختار لانوس او فيرنا طب مافيه الارخص عندك الرينو لوجان او البروتون ساجا عربيات فخمه جدا و تستحمل معاك العمر
بالنسبه للاسبيرانزا فكل الموديلات فاشله بكل المقايس
احسن موديل فى الاسبيرانزا a113 ده بامانه اللى عاوز يجيب اسبيرانزا يجيب النوع ده

[fineart607]

اعتقد ان 516 دلوقتى اصبحو مهره فى تجميعها واعتقد ان شاء الله انها مناسبة واستخير ربنا