مشكله فى سياره فيات 127

[tonyleo80]

الساده الافاضل مشرفين واعضاء المنتدى الكرام

هذه اول مشاركه لى فى منتداكم العظيم وارجو المساعده حيث انى عندى مشكلتين بالسياره ومش عايز اروح للميكانيكى وانا مش فاهم ويستغلنى او ميكنش فاهم العيب صح فانا اسف انى هطول عليكو شويه فى الشرح ولكن هذا للتوضيح

المشكله الاولى : وانا اعتقد انها بسيطه وهى انى بشم ريحة بنزين دايماً وانا فى العربيه سواء كنت مفول العربيه او لا ومش عارف السبب ايه

المشكله الثانيه : هى انى عندى مؤشر البنزين عندى بايظ وكنت هروح للميكانيكى يفكلى تانك البنزين ويغيرلى العوامه على حد كلامه عشان المؤشر يشتغل المهم انى انشغلت ومعملتهوش وحصلت مشكله والبنزين خلص منى وانا اعتقدت ان العربيه عطلت فزقيت العربيه وقعت احاول ادورها ولكن دون جدوى و بعدين افتكرت موضوع البنزين فزقيت العربيه لاقرب بنزينه و حطيت بنزين 92 مع العلم انى علطول بحط 80 ولكن اللى كان موجود ساعتها وبردو مدرتش زقيتها شويه وبعدين دارت بس كانت بتقطع جامد روحت للميكانيكى وفك العمه بتاعة العربيه لاقى ان فى بنزين زياده شاله ونظف الاسبراتير وعمل حاجات انا مش فاهمها لانى مبتدئ المهم العربيه دارت تمام وكان صوتها احسن من الاول كمان وبقت بتسحب معايا اكتر بس لما مشيت بيها وجت ان العربيه بتبطل منى وانا ماشى وبسرعه عاليه وممكن اكون لما بدوس فرامل بس انا عايز اعرف هل المشكله من البنزين وترسبات فى التانك او فلتر البنزين محتاج يتغير او البوجيهات عرقت بنزين او خرطوم السيرفو محتاج يتغير بس الملاحظه اللى عايز اوضحها ان قبل ما يحصل موضوع البنزين العربيه كانت ماشيه تمام ومكنتش بتبطل

اسف انى طولت عليكو ولكن ارجو المساعده

[mr_astra]

مشكلة ريحة البنزين اللى بتشمها اعتقد انها راحت بعد شوية الشغل اللى عملتهم فى الكربراتير .....وبرضة حاول تغير كاوتش الشنطة لانة مصدر من مصادر الريحة داخل العربية

موضوع التبطيل حضرتك اعتقد خرطوم السيرفو يا مقطوع يا مش راكب مكانة

[tonyleo80]

للاسف الريحه لسه موجوده بس انا عايز اعرف ايه هى كوتشة الشنطه اللى اغيرها هل قصدك الكوتشه اللى حولين باب الشنطه بتاعة العربيه ؟؟ وايه علاقتها بريحة البنزين

اما بالنسبه لخرطوم السيرفو هل الميكانيكى ممكن يكون فكه لسبب ما وهو بصلح كما شرحت ونسى يركبه ولا ده ملهوش علاقه باللى انا عملته

[mr_astra]

المشاركة الأصلية كتبت بواسطة tonyleo80 للاسف الريحه لسه موجوده بس انا عايز اعرف ايه هى كوتشة الشنطه اللى اغيرها هل قصدك الكوتشه اللى حولين باب الشنطه بتاعة العربيه ؟؟ وايه علاقتها بريحة البنزين اما بالنسبه لخرطوم السيرفو هل الميكانيكى ممكن يكون فكه لسبب ما وهو بصلح كما شرحت ونسى يركبه ولا ده ملهوش علاقه باللى انا عملته

تمام
كلام حضرتك فعلا اللى انا اقصدة
كاوتش الشنطة هو الكاوتش على فرام باب الشنطة لان الشكمان بيعمل دوامات حولين منة وبتدخل جوة صالون العربية من خلال الشنطة
مشكلة التبطيل انا اتوقع ان الخرطوم مش راكب تمام او انة اتقطع