اخوكم محتاج مساعدة فى مشكلة فى الفتيس ارجوكم ...

[احمد على 1999]

بناءا على ايه الميكانيكى قال كدا ؟ كشف و لا بوصفك ؟ و لا سمع صوت ؟ ( لان منكرش انا شكيت فى كدا ) بس ايه الصدف العجيبة ديى ؟ !! الاقرب للمنطق التوكيل شغله يتراجع سواء مستوى و نوع الزيت او علو الدبرياج و رجلاش العصايا لو كله تمام يبقى فعلا تشك فى الغويشة

[memodina1]

المشاركة الأصلية كتبت بواسطة eng/walaaeldeen السلام عليكم هو الطبيعي ان تعطي الثاني عند سرعه اقل من 40 طيب لو اعطيتها عند 20 او 30 بيعض برضه ولو انت على الرابع ونزلت على الثالث عند 60 مثلا بيعض الغيار برضه ولا لأ والله المستعان

بص انا لو على الاول ووصلت حتى 45 كيلو وجبت التانى ولا بيحصل اى اى حاجة عادى جدا
لكن لو على التالت وجبت 50 ونزلت اجيب التانى على 40 بيحصل المشكلة دى نعرة ورزع فى الفتيس كانى تروس بتحك فى بعض
وهكذا الرابع مثلا لو جبت 80 ومورت ووصلت لحد 40 وجبت التانى نفس الكلام
لكن لو على 20 بيجيب عادى على التالت او الرابع عادى جدا ولا كان فى حاجة خالص طالما السرعة 20 اكتر من كدة يعض جامد ولو اكتر شوية يحصل بقى صوت التروس دى

[memodina1]

المشاركة الأصلية كتبت بواسطة احمد على 1999 بناءا على ايه الميكانيكى قال كدا ؟ كشف و لا بوصفك ؟ و لا سمع صوت ؟ ( لان منكرش انا شكيت فى كدا ) بس ايه الصدف العجيبة ديى ؟ !! الاقرب للمنطق التوكيل شغله يتراجع سواء مستوى و نوع الزيت او علو الدبرياج و رجلاش العصايا لو كله تمام يبقى فعلا تشك فى الغويشة

بص يا استاذ احمد انا كنت واقف فى التوكيل وببص على العربية بنفسى كل اللى الراجل عملة انة غير زيت ادامى بالمكنة الرفع وشكرا وظبط او على الدرياج جربت لقيت الموضوع قام قالى هرجعهولك تانى مكانة وحصل بالفعل وبرضة نفس الكلام
انهاردة راجعت على الزيت عند البنزينة ومظبوط والراجل قالى تمام جدا مش عارف اعمل اية الناس تقولى غويشة وانا مش عارف هل دى اثارها طيب من اية اية العيب اللى انا عملتة غلط عشان تجيب غويشة وهل التوكيل كدا لية دخل فى الموضوع
بصراحة محتار ومخنوق جدا

[ramy safwt]

دية غويشة و تخشينه على سنون الغيار هتلاقى ده مكنش باين اكمنها عايمه فى الزيت القديم و مدارى بلاويها و انت اكيد شوفت الرايش اللى نازل من الفتيس و الراجل بيغير الزيت

و متزعلش ربنا هيعوضك ان شاء الله ان الفتيس هيرجع بعد التصليح و التنضيف لحالته الاصلية و ده شئ ايجابى تكلفة الترس عند الخراط حوالى 180 ج و 40 ج مصنعية و ان شاء الله تطلع بس تخشين و الراجل ينضفها بدون ما يعمل ترس جديد تكلفة الغويشة بسيطة فى 50 ج ولا حاجه الاسعار دية قديمة شوية معلش و لو حبيت تكرم عربيتك هات تيش فتيس و اظبط ريجلاش العصاية و انصحك تبداء ده بالعكس ريجلاش و تشحيم و بعدين تيش و بعدين تفك الحلة بقى و تطلع التروس

الموضوع هياخد 48 ساعة و الميكانيكى حسب صنعته بيحاسبك بس مش هيعدى ال 200 ج طالما بقية التفاصيل سليمة

الزيت الجديد يا ريت تحتفظ بيه و تصفيه لأنه اخد رايش اكيد من العض ده بس حرام يترمى

ربنا يعوضك خير .. متابعين

[memodina1]

المشاركة الأصلية كتبت بواسطة ramy safwt دية غويشة و تخشينه على سنون الغيار هتلاقى ده مكنش باين اكمنها عايمه فى الزيت القديم و مدارى بلاويها و انت اكيد شوفت الرايش اللى نازل من الفتيس و الراجل بيغير الزيت و متزعلش ربنا هيعوضك ان شاء الله ان الفتيس هيرجع بعد التصليح و التنضيف لحالته الاصلية و ده شئ ايجابى تكلفة الترس عند الخراط حوالى 180 ج و 40 ج مصنعية و ان شاء الله تطلع بس تخشين و الراجل ينضفها بدون ما يعمل ترس جديد تكلفة الغويشة بسيطة فى 50 ج ولا حاجه الاسعار دية قديمة شوية معلش و لو حبيت تكرم عربيتك هات تيش فتيس و اظبط ريجلاش العصاية و انصحك تبداء ده بالعكس ريجلاش و تشحيم و بعدين تيش و بعدين تفك الحلة بقى و تطلع التروس الموضوع هياخد 48 ساعة و الميكانيكى حسب صنعته بيحاسبك بس مش هيعدى ال 200 ج طالما بقية التفاصيل سليمة الزيت الجديد يا ريت تحتفظ بيه و تصفيه لأنه اخد رايش اكيد من العض ده بس حرام يترمى ربنا يعوضك خير .. متابعين

طيب معلش استحملنى لانى كذا واحد قالى كدة اولا التوكيل لية علاقة بالموضوع ولا هو برئ من الموقف على العلم زى ما قلت العربية متحركتش من مكانها وانا اللى مودى العربية للتوكيل ومدخلها هو بس ادها حوالى 20 متر للكورريك الرفع وغير ونزل وشكرا
تانى حاجة يعنى اية ريجلاش عصاية تقصد تعلية او توطية الدبرياج مثلا
واخيرا رحت لواحد متخصص فنى للفتيس وقالى هتتعب نفسك وتجيب التروس مع بعض كلها كاملة استيراد احسن ما نعمل خراطة والكلام دا كلة ود اريح ليك..
طيب تالت حاجة هل فى ضرر انى امشى عليها ومعملش حاجة واستحمل الغيار ومخلهوش يعض ولا يعمل الحركة دى واحول التانى على 20 وخلاص علما انة مش عاملى مشاكل فى المشى نهائى غير انى مش هعرف اعمل كيك داون علية وتانى حاجة مش هعرف انقل علية استعدادا للطلوع لو ماشى تالت وهجيب تانى الا لو السرعة قلت 20
لو مفيش مشاكل امشى علية وخلاص لو فية قولى هيعمل اية وهل باقى الغيارات هتعمل كدة بس بالتدريج مثلا
اتمنى تجاوبنى او اى حد عندة خبرة يقولى لانى الموضوع مخلينى مش مستريح لانى العربية حاليا مهمة جدا ليا اكتر من الاول بكتير وشكرا ليك
الاسعار التقريبية للموضوع لما سالت
تروس كاملة للفتيس استيراد 1200 مصنعية فك وتركيب 350
لو هغير التانى بس هيكلف كامل 800 جنية بالخراطة