|
#11
05-11-2010, 01:55 PM
|
||||
|
||||
رد: طيب قولولى مبروك
الف مبروك يا باشا
ربنا يعطيك خيرها ويكفيك شرها اول نصيحة طبعا زي ما مهندس محمد قالك تتأكد من كل حاجة في العربية خصوصا سير الكاتينة كل اللي قالو كوم وسير الكاتين ةده لوحده كوم تاني لان لو لا قدر الله متغيريش بقاله فترة طويلة تقريبا معدل 40 الف كيلو ممكن يقطع منك لا قدر الله وانت ماشي ويحصل مشاكل كتير في الماتور انت في غني عنها اول حاجة كده بعد الصلاة تنزل تروق العربية وتشوف اخبارها ايه وتلفلك لفتين بيها وبكرة ان شاء الله تشوف ميكانيكي تثق فيه او تشوف لو العربية كانت عند ميكانيكي معين تروحله هيكون عرفها اكتر من اي حد وتكشف على السيور وتشوف منها ايه عاوز يتغير ومنها ايه ينفع يتساب الزيت اكشف عليه لو لقيت لزوجته كويسة يبقى لا داعي لتغييره دلوقتي لكن لو لقيت لونه غامق قوي ومحروق او لزوجته مفيش يبقى تخبط مشوار لاي يبنزينه تغير الزيت واعتقد من الأفضل في التوقي تده لغايه لما ترعف نظام العربةي ايه تجيب زيت 10000 موبيل التكييف اعتقد مش محتاج تكشف عليه دلوقتي لكنك في الخطة تعملحسابه برضة على شهر 2 او 3 القادم العفشة لازم تبص عليها مع المياكانيكا وتشوف اخبارها ايه وهتبان معاك في اول مشاوير فيها مشاكل والا كويسة لكن على كل حاجة محتاج تبص عليها على الاقل تربط عليها على ابسط تقدير وتأكد على الفرامل وتشوف اتزان العربية علشان لو محتاجه ضبط زوايا الرادياتير هتشوف العربية عامله ايه في المشاوير الطكويلة بتسخن والا لأ علشان لو فيها مشكلة تعملها المياه بتاعتها لو كان صاحبها بيغيرها بمياه بيضاء يبقى تكمل زي ما عامل هو كان بيغير مياه خضراء يبقى تبص عليها تشوفها ناقصة والا ايه ظروفها وممكن تزودها بمياه مقطرة او علشان تطمن خالص تفضيها خالص من الرادياتير وتجيب مياه خضرا من جديد وتعرف نوعها علشان بعد كده تجيب من نفس النوع تزود بيه اي مشاكل بقى فيها هتبان مع الوقت وتعرفها اول باول بس اهم حاجة تشوف المصيبة اللي اسمه سير الكاتينة ده وتأكد عليه علشان كل حاجة كوم وده لوحده كوم تاني وان شاء الله مش هتلاقي فيها حاجة وتطلع كويسة من غير اي مشاكل مرة اخرى الف مبروك وربنا يعطيك خيرها ويكفيك شرها
__________________
ولا نقول إلا ما يرضي ربنا إنا لله و إنا إليه راجعون
|
|
#13
05-11-2010, 02:55 PM
|
|||
|
|||
رد: طيب قولولى مبروك
اولا 1000 شكر لحضرتك يا استاذ حازم على ذوقك و مجاملتك
 و يارب تكون العربية وش خير على ثانيا العربية ما كنتش بافكر فيها خالص انا كنت رايح اشترى دايو لانوس من كذا معرض و ميكانيكية و كان معاى حماى و ميكانيكى ....المهم و احنا ماشين نتفرج شفنا العربية دى كورولا عيون بصراحة انا اول ما شفتها مكنتش مرتاح لشكلها لان كانت مش متروق عليها المهم ركبتها حسيت بنعومة رهيبة و سحب ممتاز و مش سامع صوت موتورها خالص و هى فابريقة من جوه و بره و مفيهاش زجاج كهربا ..... المهم رحت شفت كام واحدة لانوس و ركبتها حسيت بفرق فى وسع الصالون و الموتور و نعومة العربية .....و حسيت بفرق كبير بس بصراحة كنت محتار جدا: ليه؟؟؟ اللانوس شكلها حلو و حديثة و منتشرة جدا اما الكورولا 99 العيون فشكلها مش عاطفى خالص و لكن اداء عالى جدا و متانة .. بس انا شاب و صغير ...طيب اركب ايه؟؟؟ المهم حمايا اقنعنى بالكورولا خصوصا ان هو معاه كورولا 92 خليجى و مش ناوى يبيعها حتى لو جابولوه زيرو مكانها رجعنا تانى للراجل بتاع الكورولا و انا فى قمة الحيرة و فى الوقت ده كلمت الست مراتى  ربنا يخليها و باستشيرها لقيتها محتارة اكتر منى....قامت فى التو و اللحظة و صلت صلاة استخارة و دعت ربنا ان يهدينى للافضل....المهم لما رحنا تانى لصاحب الكورولا قالنا العربية بتتغسل و بتتزبط و جايه بعد شوية تصدق بجد يا استاذ حازم ان لما العربية جت تانى و شفتها حسيت انى ارتحت لها ازاى ما اعرفش مع انى كنت متضايق من شكلها.... قلت لصاحب العربية انا عاوز اركبها تانى شوية...ركبتها انا و الميكانيكى اللى معايا و مشيت بها ...بصراحة ارتحت اكتر و الميكانيكى اقعد يقنع فى انى اشتريها مع العلم ان الميكانيكى ده معاه عربية لانوس 2007 و قالى لا يعلى على اليابانى يا دكتور و هى افضل من اللانوس اللى معاه.... رجعت و اتفقنا مع الراجل صاحب العربية و دفعنا عربون و امبارح خلصنا كل حاجة بس اللى ضايقنى فيها ان عرفت بعد كده ان اعادة بيعها صعبة شوية فقلت اتأكد من حضرتك؟؟؟ مع انى ناوى ما ابيعش الفترة اللى جاية-يعنى مش قبل من 4-5 سنين نسيت اقولك انى اشتريتها ب 48000 فايه رأى حضرتك فيها و فى سعرها و فى اعادة بيعها؟؟ تقبل تحياتى اخوك د. محمد
|
 |
|
|
