سياسة الشعب المصرى فى شراء السيارات

[Andrew_97]

المشاركة الأصلية كتبت بواسطة syd_mahmoud زي ما اتفضل الاستاذ viva4ever ان معظم الناس بتمشي مع الهوجه من غير ما تفكر احتياجاتها الفعلية اه وفي عربيات انتشرت في السوق وبقى ليها بيع رغم انها متسواش بسبب الثقافة دي

فعلا يعنى عربية زى الهيونداى النترا 2008 ب 80,000 و مافيهاش ولا ايرباج ولا اى نوع من السفتى

[dr.wael7yran]

اهلا بيك في المنتدى
و صدقني هتستمع ...انا بدأت ابقى مدمن
انا عندي نظرية
الفقير مبذر
يعني من الاخر فوق ال 160 الف فيه ايه كوري او صيني بيتباع ؟

سوناتا ... اوبتيما ... و موش فاكر اسماء تانية
مفيش حاجة منهم بتتباع اصلا
كل الناس عارفة ان الاوروبي و الياباني و الامريكي (اللي موش عندنا اساسا) هي دي العربيات
بس بكااااااااااام ؟
اللي بيجرنا للكوري و الصيني السعر يا صديقي
يعني احنا هنعمل ايه ...اقعد احوش عشر سنين علشان اشتري اوروبي
و لا اروح اشتري واحدة اوروبي ب 100 الف مستعملة و يطلع فيها مقلب كبير و اقعد اعيط جنبها
انا ركبت ياباني و كوري و الماني
و الالماني لا يعلى عليه ...احسن عربية ركبتها في حياتي
بس انا بدور على عربية جديدة و امكانياتي لا تسمح لي الا بالكوري
انا عارف انه موش حلو بس هاعمل ايه...امكانياتي كده
و ده اللي بيمشي العربيات دي عندنا...و بلدنا هي السبب
من ناحية مواصفات الامان المفروض تبقى استاندراد عندنا ده احنا عندنا اكتر نسبة حوادث و انا طبيب و بقول يا جماعة الحاجات دي و الله بتفرق
و من ناحية تانية الجمارك فيها استعباط رسمي
و من ناحية تالتة الطرق و المرور بقت زبالة و مسمعناش و لا مرشح من بتوع الرئاسة في دماغه الموضوع من اصله و لا عايز يحله
و من ناحية رابعة جشع التجار و ضعف جهاز حماية المستهلك
و من ناحية خامسة احنا نفسنا فينا مشاكل كتير
انت هتجيب ااوكتافيا هتعيش مبسوط ومتكيف و متأمن كويس ...هتدفع كتير في قطعة الغيار بس هتعيش 3 او 4 مرات اد اللي عاشته الكوري
موش هتفكر في اعادة البيع الا لما يكون معاك تجيب حاجة اكبر (و وقتها موش هتنقى فارقة معاك )
بس الفكرة
معاك 150 الف جنيه ؟؟
و تقبل سلامي

[Andrew_97]

المشاركة الأصلية كتبت بواسطة dr.wael7yran اهلا بيك في المنتدى و صدقني هتستمع ...انا بدأت ابقى مدمن انا عندي نظرية الفقير مبذر يعني من الاخر فوق ال 160 الف فيه ايه كوري او صيني بيتباع ؟ سوناتا ... اوبتيما ... و موش فاكر اسماء تانية مفيش حاجة منهم بتتباع اصلا كل الناس عارفة ان الاوروبي و الياباني و الامريكي (اللي موش عندنا اساسا) هي دي العربيات بس بكااااااااااام ؟ اللي بيجرنا للكوري و الصيني السعر يا صديقي يعني احنا هنعمل ايه ...اقعد احوش عشر سنين علشان اشتري اوروبي و لا اروح اشتري واحدة اوروبي ب 100 الف مستعملة و يطلع فيها مقلب كبير و اقعد اعيط جنبها انا ركبت ياباني و كوري و الماني و الالماني لا يعلى عليه ...احسن عربية ركبتها في حياتي بس انا بدور على عربية جديدة و امكانياتي لا تسمح لي الا بالكوري انا عارف انه موش حلو بس هاعمل ايه...امكانياتي كده و ده اللي بيمشي العربيات دي عندنا...و بلدنا هي السبب من ناحية مواصفات الامان المفروض تبقى استاندراد عندنا ده احنا عندنا اكتر نسبة حوادث و انا طبيب و بقول يا جماعة الحاجات دي و الله بتفرق و من ناحية تانية الجمارك فيها استعباط رسمي و من ناحية تالتة الطرق و المرور بقت زبالة و مسمعناش و لا مرشح من بتوع الرئاسة في دماغه الموضوع من اصله و لا عايز يحله و من ناحية رابعة جشع التجار و ضعف جهاز حماية المستهلك و من ناحية خامسة احنا نفسنا فينا مشاكل كتير انت هتجيب ااوكتافيا هتعيش مبسوط ومتكيف و متأمن كويس ...هتدفع كتير في قطعة الغيار بس هتعيش 3 او 4 مرات اد اللي عاشته الكوري موش هتفكر في اعادة البيع الا لما يكون معاك تجيب حاجة اكبر (و وقتها موش هتنقى فارقة معاك ) بس الفكرة معاك 150 الف جنيه ؟؟ و تقبل سلامي

اولا مرسى على الاستقبال ثانيا فعلا انا متابع المنتدى من فترة و فعلا حبيتة و بقيت مدمن و فعلا العربيات الكورى و اليبانى الى بتعدى ال 200,000 ملهاش سوق لان الى معا فلوس يجيب حاجة احسن او لو استعمالة خفيف ممكن يجيب حاجة رخيصة يعنى الكيا سبورتتج و التويوتا كمرى و السوناتا مين هيدف فيهم كل دة لما ممكن يجيب حاجة احسن و طبعا الاوروبى و الامريكانى فى السفتى نمرة واحد و على فكرة فى عربيات رخيصة اوروبى زى ال الوجان ب 71,000 و فيها ايرباج و ثابتة و فيها امكانيات كويسة و شنطتها واااسعة و احسن عربية فى الفئة السعرية ناقصها تكون اوتوماتيك و هينزل منها اوتوماتيك قريب و طبعا متفق مع حضرتك فى نقطة استعباط الجمارك بيخلى سعر العربية ال 2000سى سى يضررب و العربية تخش فى فئة مش بتاعتها و

[alexawy]

اظن ان المشكلة اصلا في ثقافتنا عموما

احنا مش بنهتم بسلامتنا او بأشياء كتير بنشوفها ثانوية و مش مهمة "زي تلوث البيئة مثلا" مش في عربياتنا بس، لأ في مكان شغلنا و في بيوتنا برضه

عشان كده ناس كتير بتعتبر ان وجود وسادات هوائية في موديلات عربيات معينة شيئ سيئ!!!!! عشان لو "لا قدر الله" خبطت العربية الوسادات حتفتح!!!!!!! و حتتكلف مبلغ و قدره عشان تغير التابلوه مثلا

انما الكوري الله عليه، خبط و رزع في العربية و بملاليم ترجع شبه الفابريكة!!!!!! و يوم ما تيجي تبيعها حتلاقي كتير بيفكروا شبهك و حيخطفوها منك بسعر اكتر بكتير من التمن الطبيعي للعربية

انا شايف برضه ان القوانين و التشريعات و جمعيات حماية المستهلك ليها دور برضه، ليه من الاصل نسمح ببيع عربيات مافيهاش اي حاجة تأمن اللي راكبها غير يادوبك حزام؟؟؟؟؟ الكلام ده خلص في الدول المحترمة من فترة

[amro atif]

السيارات الاوروبي الى حد ما ممتازه بس بحدود بمعنى
الميجان وعن تجربه سياره حلوه وواسعه وفخمه وامكانيات جميله
بس اعطال كتيره جدا
سعر قطع خيار خرافي
سعر اعاده بيع بيوصل لنص سعر الجديده واقل بعد سنين استعمال
في المقابل اليابيني او الكوري
اعتماديه ممتازه
تجهيزات غزيره خصوصا اخر سنتين نزل موديلات ممتازه
سعر اعاده بيع ممتاز
قطع غيار متوفره وممتازه اسعار معقوله نسبيا خصوصا للكوري
دايما الاغلبيه على صواب في اي مكان ( شوف اعداد الاماني جنب الكوري والياباني )
بس بصراحه المنافسه تقلت جامد على الاوروبي وفي موديلات بدات تنقرض من الشوارع زي البيجو والرينو
وشكرا