ارجوا الافاده منكم بالله عليكم

[eng/walaaeldeen]

المشاركة الأصلية كتبت بواسطة svneleven شكرا علي المعلومات الجميلة ديه لكن الكلام اللي انا قلته ما لوش علاقة بالموتور تماما. "السعر عالي 32 أو 33 بالكتير. ال اكسيل من العربيات الممتازة. كان عندي واحدة 1300 موديل 97 و ما كانش فيها أي مشاكل من ديه خالص. و بعتها من حوالي 4 أو 5 سنين لقريبي و لسه معاه زي الفل. الصيانات المعتاده. لو حالتها كويسة اتوكل علي الله لكن السعر كتير. أنزلو السوق افصلوها و اشتري باللي تجيبو. و طبعا صلاة الاستخارة قبل ما تنزلو أصلا."

السلام عليكم
احييك اخي الكريم بس المشكله ان سعر السيارات المستعمل اتعفرت مش عارف ليه فعلا السياره كانت تعمل الثمن الي بتقول عليه
وتقبل تحياتي
والله المستعان

[Vanditta]

35 الف كتيييير على الاكسيل من وجهة نظرى
32-33 حلو اوى عليها لو العربية حالتها ممتاااااااااازة

وبالتوفيق ان شاء الله

[svneleven]

المشاركة الأصلية كتبت بواسطة eng/walaaeldeen السلام عليكم احييك اخي الكريم بس المشكله ان سعر السيارات المستعمل اتعفرت مش عارف ليه فعلا السياره كانت تعمل الثمن الي بتقول عليه وتقبل تحياتي والله المستعان

يمكن عشان الجديد كله سعره زاد عن المعقول فكل واحد عند عربيه قديمة بيعلي وراهم. ده فيه أرقام لا تصدق علي النت. ربنا يرحمنا.

[هانى سمير]

المشاركة الأصلية كتبت بواسطة Salah Abu Samra السلام عليكم ورحمه الله وبركاته ارجوا رأيكم فى موضوعى دا لانى ان شاء الله متأكد انكم اكتر ناس هاتفيدونى دلوقتى انا بشترى عربيه فى حدود 35000 ودى اول عربيه اشتريها وكنت بدور على حاجه تكون عائله وكويسه لانى بسافر كتير اوى المهم انا كنت عايز اجيب اكسنت بس دورت كتير كل لما الاقى واحده اكسنت بتيقى فى حدود 37000 وطالع عينيها وشكلها اصلا يخوف .. المهم فى الاخر شوفت عربيه اكسل ودى مع واحد قريبى وبصراحه عربيه انا شايف انها كويسه بس برده الرأى ليكم لان انتم اكثر درايه منى المهم العربيه دى موديل 94 خليجى 1500 سى سى راشه حزام نظافه ودواخل فابريكه هى اصلا كانت معاقين ولسه فاكه الحظر من 6 شهور وقريبى دا اشتراها من المعاق دا بعد فك الحظر من عليها وبيقولى انها كان فيها دخنه بسيطه وهو قام معمرها على طول اول ماشتراها 4 زجاج كهرباء وسنتر لوك التكيف موش شغال فرش جديد جلد وتحته الفرش الاصلى بتاع بلدها فيها طقم جنوط جديد سبور وبصراحه انا ركبتها مالهاش اى صوت خالص هاديه اوى فيها رخصه سنتين و اربع شهور المهم انه قالى سعرها 35000 وهو كده عامل الواجب معايا يعنى ارجوا منكم الافاده وايه رأيكم اجيبها ولا ايه وهل سعرها كده كويس انا اللى مقلقنى انى سمعت عيوب ليها كتير من الناس ان الاكسل عامه بتعووووم على الطريق موش ثابته وغير كده على طول بتفرط لورمان بلى والكبالن وكده يعنى كمان بيقولوا على موضوع انها بتشرخ من الرفرف الشمال تقريبا على طول عامه انا عايز اعرف انتوا ايه رأيكم لانى والله محتار اوى واسف انى طولت عليكم شكرا

مش عامل اية واجب دة اكل الواجب وحلى بية كمان توبها لو حالته ممتازة وفبريكا دواخل وسقف وكبوت وشنطه تعمل 33 ألف إلى 34 ألف مكنه 1500
نصيحه
انزل السوق ودور واتعب ومتعتمدش على الاقارب
هتلف كتير ولكن هتلاقى انظف ولا عمرة ذى البطيخه ولا قريب تتحرج منه ويحسسك انه متفضل عليك
دلوقتى غير زمان المصلحه اهم من العلاقات وعلى رأى المثل ( لو كان ليك حبيب لا تنسبة ولا تعاملة
والله المستعان به

[Salah Abu Samra]

الحمد لله يا جماعه انا اشتريت العربيه دى انهادره وبصراحه بسم الله ماشاء الله جميله اوى ورحت وريتها للميكانيكى قال كويسه 80 % والحمد لله تمام وهى 1500 باور وسنتر بس التكييف موش شغال
هى بس فيها شويه حاجات بسيطه زى مثلا ازجاج الامامى فيه شرخ كده , والمشكله بقى ان فى دردره فى الطاره مع الطالعه او المشى على السرعات البطيئه ... بس طبعا انا لسه جايبها انهارده وهابدأ بقى اظبطها بس لما افوق من سعرها شويه لان هى تقريبا اخدت كل اللى معايا
ارجوا منكم يا جماعه بالله عليكم بقى تفيدونى اعمل ايه بق فيها وابدأ معاها ازاى يعنى وكده لان دى اول عربيه اجيبها فى حياتى
وربنا يكملها علينا بالستر ان شاء الله ويبارك فيها
اسف على الاطاله وشكرا لكم جميعا