بخصوص هيونداى أكسيل 96 سيدان

[ryko2]

السلام عليكم

من فضلك كان فيه مشكلة عايز أستفسر عنها

دلوقتى أمامى هيونداى أكسل 96 سيدان معروضة على للبيع

بس فيها مشكلة

فيها لحامات فى الكارتيرة دى بتسبب أى مشاكل أو فيه منها خطورة؟

[sayed2077]

هو ده يعتبر شىء عادى فى الاكسيل بس مش حاجه كويسه طبعا

الشرخ اللى فى العربيه اللى حضرتك هتشتريها ده كان صاحبها القديم مهمل جداا فيها ولما المساعد عنده باظ فطنشه فحصل كدا

على العموم لو حضرتك العربيه سعرها تحت ال 25
يبقى توكل على الله

اما لو كان فوق ال 25 يبقى لاء طبعا

وعموما مشكلة التشريخ ده شىء عادى فى الاكسيل فى المكان ده خصوصا بس زى ما بقول لحضرتك انك تجيب العربيه من غيره افضل بس لو جبتها بالشرخ ده عادى جدااا مش اول اكسل يحصلها كده بس طبعا حاول تنزل من سعرها على اد ما تقدر اهم حاجه تكون تحت ال 25 الف
وربنا يوفقك

[mhamdy75]

+111111111111111

[miam0502788391]

المشاركة الأصلية كتبت بواسطة ryko2 السلام عليكم من فضلك كان فيه مشكلة عايز أستفسر عنها دلوقتى أمامى هيونداى أكسل 96 سيدان معروضة على للبيع بس فيها مشكلة فيها لحامات فى الكارتيرة دى بتسبب أى مشاكل أو فيه منها خطورة؟

هى 1500 سى سى ولا 1300
على العموم لو 1500سى سى ومفيش فيها الا العيب ده ومش هتصرف عليها حاجة يبقى آخرها 32.000 او 33.000
لو 1300 سى سى آخرها 25.000 الف
العيب ده لو معمول صح عند سمكرى كويس مفيش منه مشكلة وممكن لو عاوز تمتن على الشاسيه من تحت أكتر ممكن تتعمل وصلة تقوية بين المقصين الامامين عبارة عن سيخ حديد فيه خرمين من طرفيه بيخش فيهم السمار اللى بيمسك المقص فى الشاسيه ودى بتمنع الشاسيه من انه يشرخ