عربية جديدة في حدود 55الف تنصحوني بأيه

[Glucose]

ptmnlo123per1127السلام عليكم دي اول مشاركة لية في المنتدي اللطيف دة انا من زمان بافكر اشتري عربية وفكرت الاول اشتري مستعمل في حدود 30 ل 35 الف لكن بصراحة شفت كام عربية و مستريحتش خالص للمستعمل خاصة ان اغلب الي خدت رايهم ان لم يكن كلهم اجمعوا ان مصاريف المستعمل كتير ومش مضمون فقررت ان اشتري جديد بالتقسيط وامكانياتي تجيب لغاية 55 الف .

ودلوقتي انا محتار اجيب ايه جديد بالسعر دة
هو فيه طبعا اسبيرانزاA113
و اتوس و I 10 . وا لادا .
و برايد الايراني و سبارك واللوجان المغربي بس من غير اوبشن خاااالص.(مش عارف نسيت حاجة ولا ايه)

انا عموما مباسفرش كتير (انا ساكن في المنصورة) يعني علي قد المشاوير الصغيرة لكن ممكن قريب يجيلي شغل في المحلة (بتهيألي المسافة بين المنصورة والمحلة 40 هو 50 كيلو) فعاوز اجيب حاجة تستحمل المشوار.
الاسبيرانزا منتشرة جدا في المنصورة بس انا خايف منها لانها مبقالهاش كتير
البرايد بيقولو كويسة بس حتة انها ايراني مش فاهمها يعني تقفيل ايراني ولا مصنعة.
اما الباقيين معرفش عنهم كتيير .
بجد با جماعة انا محتار جدا وفي نفس الوقت محتاج عربية بسرعة لان المواصلات بقت صعبة جدا جدا.
ملحوظة: فكرت في الحاجات الاغلي ( فيرنا او لانوس) بس لقيت ان التقسيط هيبقي مرهق جدا. الف شكر ليكوا وياريت كل اللي ليه خبرة يساعدني.

[hesham mansour]

أنا رشحت اللوجان لاني مش برتاح للحاجات التانيه و أعتقد انها الافضل
و علي فكرة المسافة من المنصورة للمحلة بتاع 22-25 كيلو مش أكتر

[hazem_khidr]

بصراحه انا شايف ال i 10 انسب عربيه ليك في المستوي دا
عربيه معروفه و هيونداي يعني قطع غيار موجوده و منتشره و مش محتاجه توكيل ولا بتاع
طالما انت كل استعمالك جوه البلد و المحله ما تعتبرش سفر اوي

انا عموما مباسفرش كتير (انا ساكن في المنصورة) يعني علي قد المشاوير الصغيرة لكن ممكن قريب يجيلي شغل في المحلة (بتهيألي المسافة بين المنصورة والمحلة 40 هو 50 كيلو) فعاوز اجيب حاجة تستحمل المشوار.

المشوار فعلا 22 كيلو زي ما الاستاذ هشام قال كده.
انا ما قولتش الرينو لوغان لان بصراحه بعد ما نزلت من غير جمارك ما فرقتش كتير
غير ان توكيل نصير غالي في صيانته و رينو مش اي حد بيفهم فيها و يصلحها
فانا دايما احب اجيب العربيه المنتشره المضمونه اللي مافيهاش لعب و مش محتاجه توكيل دايما.
اللادا خلاص بقي راحت عليها و قدمت و مشاكلها كتير حتي و هيا زيرو
الاسبرانزا الهاتش باك برضه عربيه حلوه و معقوله و شايفها كتير
بس برضه لو حفاضل بينها و بين ال i10 حختار الi10
مش لحاجه بس ارتياح نفسي و مقلق لسه من سبرانزا
عموما برضه شوف اكتر عربيه مرتاح لها ايه
العربيات دي كلها كويس بس الكمال لله وحده
عمرك ما حتجيب عربيه كامله

[بيرو]

البرايد تقفيل ايرانى

[shush]

no body spoke about the spark becuse Iam thinking of buying one