العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #16  
قديم 14-03-2010, 09:55 AM
paolo paolo غير متواجد حالياً
 
تاريخ التسجيل: Mar 2010
المشاركات: 5
paolo is on a distinguished road
افتراضي رد: لو نويت تنزل سوق السيارات لازم تدخل هنا

يا جماعة أنا عاوز سيارة فيات 131 بحالة ممتازة ألى يقدر يفدنى فى الموضوع ده يقولى علشان أنا مستعجل جداً ,يكلمنى على رقم 0100256803
رد مع اقتباس
  #17  
قديم 14-03-2010, 10:01 AM
paolo paolo غير متواجد حالياً
 
تاريخ التسجيل: Mar 2010
المشاركات: 5
paolo is on a distinguished road
افتراضي رد: لو نويت تنزل سوق السيارات لازم تدخل هنا

يا جماعة ياريت حد يفيدنى عن لأنى محتاج سيارة فيات 131 بأقصى سرعة بس تكون حالتها تمام وبأذن الله هاخلص فوراً وده رقمى 0100256803
رد مع اقتباس
  #18  
قديم 14-03-2010, 10:03 AM
paolo paolo غير متواجد حالياً
 
تاريخ التسجيل: Mar 2010
المشاركات: 5
paolo is on a distinguished road
افتراضي رد: لو نويت تنزل سوق السيارات لازم تدخل هنا

أنا بجد أرفت من التجار واللى بيعملوه فينا
رد مع اقتباس
  #19  
قديم 14-03-2010, 01:03 PM
الصورة الرمزية ESL NSR
ESL NSR ESL NSR غير متواجد حالياً
التخصص العملى: مهندس اتصالات
 
تاريخ التسجيل: Dec 2009
الموقع: عايش في بيتنا
المشاركات: 163
ESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of light
افتراضي رد: لو نويت تنزل سوق السيارات لازم تدخل هنا


المشاركة الأصلية كتبت بواسطة corsair مشاهدة المشاركة

حبيت اني اخدم اعضاء المنتدي الجميل ده بشوية نصايح ومعلومات ممكن تفيدة قبل ما يروح يشتري عربية مستعملة علشان بجد النصب دلوقتي بقا للركب





1:اول حاجه تعملها صلى ركعتين لله قبل ماتنزل وادعى ربنا يكرمك






2:حاول تاخد معاك مبلغ صغير تربط بيه كلام عشان ماينفعش تخرج عربيه من السوق الا لما تكتب عقد ابتدائى وده بعد ما العربيه تعجبك وحاول تخبى المبلغ ده كويس عشان لاقدر الله السرقه





3:حاول تاخد لفه تمام ولو عجبتك حاجه برضه لف تانى عشان هاتسمع اسعار مختلفه









4:لو عايز تعرف العربيه بتاعت تاجر ولا خرج بيت (يعنى من مالكها) اساله رخصه ولا توكيل لو قالك رخصه تبقى العربيه بيتى لو توكيل اعرف انه تاجر وده عشان التسجيل بيبقى غالى والتوكيل ارخص فالتاجر بيعمل توكيل ويبيع بيه






5:التجار بيبقى ليهم شكل مميز ولغه مميزه مثلا هاتلاقيه لابس طاقية الصيادين وليهم الفاظ مميزه مثلا (ياباشا الاتومبيل ده ايه وان مافيهوش كلمه)
(ياباشا العربيه دى دواخلها الماظ)
(بص ياباشا انا هاقولك ناهيتها)
وشوية كلام تانى وعايز اوضح حاجه مش معنى كلامى ان التجار كلهم نصابين فى منهم كويس بس انا شخصيا مش بثق فى التعامل معاهم عشان بيبقى فى عربيات متبهدله وبيشدوها شده محترمه فانتا لو عايز تاخد من تاجر هات معاك عوكل الجن يتفرج على العربيه






6:وانت فى السوق اول ماتقرب على عربيه هتلاقى اتنين تلاته جم جنبك والاشتغالات تبتدى ودول اغلبهم بيكون تجار لو العربيه عجبته هتلاقيه بيقولك (يالهوى العربيه مغيره عربيه)سيبك منه طبعا انتا ليك نظره ولو عايز يطمعك فيها هايقولك(العربيه دواخل الماظ)برضه سيبك منه وممكن تلاقيه بعد مانتا تسمع السعر ويعجبك مثلا 30000 تلاقيه يقول لصاحب العربيه انا هاخلص ب30500 طبعا انتا العربيه عجبتك فهتدفع اكتر وفى الاخر تكتشف ان الى قال السعر ده مع صاحب العربيه (قديمه)






7:لو نازل لوحدك ماتخليش نضافة العربيه من بره تخدعك تلاقيها مش مكلفاه عشين جنيه تمن الكومبوند(ملمع السيارات)وماتخليش نضافة الحوض يخدعك بيتغسل وبيرجع جديد وده بتعرفه من ريحة الجاز اهم حاجه بص على اساسيات العربيه وماتسمعش كلام الى يقولك وحياة عيالى يارب اعدمهم يارب مااوعى اروحلهم العربيه دى ماتلمست من جوه انتا الى هاتشترى فانتا الى تحكم وخلى بالك اسهل حاجه ممكن يتلعب فيها عداد الكيلومتر اوعى تتخدع بانه قليل وفى ناس بتقلله






8:عند حرف الباب من جوه بيبقى فى برشام عامل زى السيليكون ده الفابريقه بيحطوه عشان المياه لو البرشام ده مفرقع تعرف ان الباب اتخبط لان البرشام ده استحاله يرجع زى الاول ودى طريقه سهله مش محتاجه صنعه والبرشام ده بيكون على حرف الابواب الاربعه وكمان الشنطه والكبوت





9:وانتا بتفتح الكبوت حسيت انه تقيل زياده عن اللزوم اعرف ان الكبوت ده اترش والتقل ده بيكون من المعجون






10:امسك خرطوم الفايز بتاع الموتور وخلى حد يزود لو خرج دخان ابيض يبقى الموتور خفيف






واخيرا ياجماعه اى حاجه بقى ليها علاج يعنى دلوقتى العربيه لو مقلوبه ورشت دواخل بيدعكوا دواخلها بعد ماتترش ببطاس عشان يكوى ومايبانش انها ادهنت فخلى باللك واتفرج عالعربيه الف مره وبلاش تثق فى البنزينه


على رأي بنداري ... أستاااااااااااااااااااااا ذptmnlo123per193 ...
كروسير أصلي مصري، أم الأجنبي ptmnlo123per122 ...
وضيف على الكلمتين الحلوين دول المشاركة الجامدة دي :



المشاركة الأصلية كتبت بواسطة hossamhussein0 مشاهدة المشاركة

مظبوط كلامكم كله ،،، السوق نصب كثير و بهدله اكثر و معظمه تجار × تجار و الزبائن الحقيقيين لا تتعدي نسبتهم 5% من المتواجدين

و المشكلة الحقيقية إن التجار جشعين جدا جدا جدا فعندما تشتري يمنحوك احساس انك هتشتري قطعة الماظ و الجميع يتهافتون عليها وان ما فيش اختها ثاني و في الغالب بتكون مشغولة و زي ازفت بس البودي بيلمع و نظيفة من جوه و يقعد يحلف لك أن كان هوه طالب 50000 ج مثلا ان جاله 49000 ج و رفض (ده علشان يربط دماغك و يفهمك انه ما فيش فصال) و لما تييجي تبيع و انت عارف ان عربيتك زي الفل و فبريكة و بحالة ممتازة و كمان انت علي درايه بسعرها في السوق (الوسيط و الاعلانات المنافسة ) يقولو لك ان السوق مريح و لسه شاري واحدة من يومين بنصف الثمن و حالتها احسن من عربيتك و ماحدث بيشتري بالاسعار دي و ان قدامه واحدة 100% بتاعت مستشار و ارخص من عربيتك و يبعت لك واحد و اثنين و ثلاثة من صبيانه يسمعوك أسعر تخليك تتجنن و بعدين لما تزهق فعلا و تحس انها مش هتجيب اكثر من كده ييجي هوه بعرضه اللي لازم يكون أقل من سعرها بخمسة الاف جنيه علي الاقل (لسيارة قيمتها من 40 الي 50 الف) و ساعتها ممكن البائع يضعف وده حصل معايا شخصيا بعت سيارة بـ 31 الف و في الاسبوع التالي مباشرة كان بيبيعها و مش عاوز ينزل عن 38 الف جنيه واحد


و فيه وسيلة نصب ثانية ،،، يتعامل معاك علي انه زبون و مش فاهم في العربيات خالص و لو انك مثلا كنت طالب 30 الف في عربيتك يعرض عليك 27 الف و يتحايل عليك علشان دي كل امكانياته وه شاريها من وشك و انت و تحت ذلك الالحاح وافقت و قولت في بالك (مش مشكلة و ربنا يعوض عليه في الفرق) يطلب منك الخروج معه بالسيارة من السوق للذهاب للكشف علي السيارة في بنزينة قريبة ،،، و بعد ما تخرج من السوق و يضمن ذلك يبدأ في شغل التلكيك ( ده فيه خبطة في العفشة ، ده الموتور تعبان ، العربية بتطقطق ،،، ) و يقعد يغني عليك و يكون مربط مع واد صايعي في البنزينة يشرك العربية خاصة الموتور و العفشة
و في النهاية ترسي علي 22 - 23 ألف و ساعتها بتكون علي اخرك و كرهت العربية و كل الناس عيبولك فيها حتي البنزينة
كلام م الآخر فعلاً المشاركتين دول اختصروا سوق العربيات في مصر وطرق التجار الكتيرة للنصب على الزبون الي مهما كان ناصح فمش هيبأة أنصح من دول الي هي مهنتهم وبايتين في السوق ليل نهار بيتفننوا كل يوم والتاني في النصب ع الناس وهنقول إيه غير حسبي الله ونعم الوكيل ...
__________________

*/\/\/*
=========*/\/\/*
*/\/\/* No Need 4 Speed */\/\/*
=========*/\/\/*
*/\/\/*
رد مع اقتباس
  #20  
قديم 14-03-2010, 01:19 PM
الصورة الرمزية ESL NSR
ESL NSR ESL NSR غير متواجد حالياً
التخصص العملى: مهندس اتصالات
 
تاريخ التسجيل: Dec 2009
الموقع: عايش في بيتنا
المشاركات: 163
ESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of light
افتراضي رد: لو نويت تنزل سوق السيارات لازم تدخل هنا


المشاركة الأصلية كتبت بواسطة hossamhussein0 مشاهدة المشاركة

عن تجربة من وجهه نظري إن احسن طريقة للبيع و الشراء عن طريق الانترنت احسن و ارقي و كمان بتضمن علي الاقل حد أدني من الجودة و لا تدل نفسط و لا ترح سوق من الصبح لاخر النهار و لا الحوجة لكلمة بايخة و عمولات و فروق اسعار و خلافه
كلام سليم جداً عن تجربة شخصية ...
أنا بايع عربيتين بتاعتي القديمة وبتاعة خالي على النت عن طريق إعلانات مصراوي وكونتاكت كار ، أي نعم جه بردو التجار ومنهم الي عمل نفسه زبون والي يطلعلي القطط الفاطسة في العربية والي يقولي السوق ومش السوق وأنا ماعيش غير كده وكل الأفلام الي شفتوها في المشاركتين الي كاتبهم كروسير وحسام ، بس بردو في نسبة كويسة من الزباين العاديين الي زينا زيهم وقاعد في بيتي براحتي بدون تعب أعصاب وبدماغي والي عايزني وعاجباه العربية بيكلمني ويجيلي والسعر الي حاطه في الآخر ببيع بيه أو أقل حاجة بسيطة "ببأة عامل طبعاً حساب الفِصال الي في دم شعبنا" ...

يعني نصيحة تانية بردو للي عايز يبيع عن طريق النت ، لاااااازم يزود شوية عن التمن الي هو كاتبه مش عشان إنت وحش لا سمح الله ولا بتخم الناس بس لازم تعمل حسابك إن الي هيكلمك هيفاصل من غير نقاش لدرجة إن واحد كلمني بيفاصلني في أول مرة وقلتله التمن الي أنا حاطه ده مش للنقاش وكنت كاتب فعلا تمن العربية بدون عمل حساب للفصال وبحق ربنا ويمكن كانت تستاهل أكتر من كده كمان بس عشان أرضي ضميري لقيت الراجل ده بيقولي يا أستاذ هو في حاجة من غير فصال ده البتييييييخة فيها فصال "وده مثال للي حافظ مش فاهم" وكتييييييييير زيه ...

المهم خلاصة الكلام ، فعلاً البيع عن طريق النت تكنولوجيا العصر أحسن وأريح طريقة حتى لو كان فيها بردو شوية تعب وأرف تجار من إياهم من بتوع السوق ...
__________________

*/\/\/*
=========*/\/\/*
*/\/\/* No Need 4 Speed */\/\/*
=========*/\/\/*
*/\/\/*
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:06 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017