مساعده لاخوكم الصغير في شراء مستعمل

[hamed2020]

السلام عليكم
انا عملت مواضيع كتير اني هشتري مستعمل
مره كانت بيكانتو و منفعتنش لاني طوووووويل و عريض
مره كات فيرنا و طلعب زباله اما جربتها
واخر مره كانت لوجان بس للاسف الفلوس كل الوقت ما يعدي بتنقص و قيمتها بتنقص
المهم انا حاليا املك من المال مبلغ و قدره 40 الف جنيه مصري
فكرت اجيب بصيت علي الالماني ( بولو و جولف4 ) اصحبهم مغلاونيه اوي و يحسسك انك هتاخد زيرو
فكيت منهم بصيت علي ( 113 و بيكانتو بردو و I10 ) بردو منفعش بعد ما شفت ال3 للاسف في ناس كانوا بيقول انهم كبار من جوه ودا الي خلاني اتجه لهم تاني بس انا محستش بده
و اخيرا ببص كده علي البيجو الاسد الفرنسي الاول كنت فاكر انها عربيتها غاليه بس قلت ابص
لقيت بيجو 206 اسعارها من 35 الف الي 45 الف
و شكلها جامد جدا و امكانيتها حلوه بالنسبالي قلت خلاص كده تمام ابص بقي علي واحده
ولفيت واحده موديل 2005 و 1100 CC مانيوال زي ما انا عايز
و تمانها مناسب جداتحت 40
و بالفعل اتفقت مع صحبها نتقابل يوم الجمعه دي اشوفها لو عجباتني اروح بيها علي التوكيل اعمل فحص شامل
و لو كلو تمام تاني يوم عقد بيع مسجل بالشهر العقاري تمام!
فلت ادخل اشوف مواضيع المنتدي علي بيجو وشراء المستعمل لقيت مواضيع عن ازاي تشتري مستعمل بس لاني وحيد و ممعيش حد و مش خبير مش فها حجات كتير

يعني مثلا فريقه من جوه و من غير تريقه كانت فاكرها الصالون والتابلوه و بعدها بكتيييييييييير فهمت انها علي القوايم و حجات كده بس مش فاهم ابه القوايم والحجات الي بتقولها دي ؟؟؟؟؟
و مثلا لو كان في حاجه في االصاج مش القوايم والاساس مخبوطه واتردت دي فيها ايه ؟
و يعني ايه الحوض و المفرود اني اعمل ايه ولا اشوف ايه ؟
و عمتا كده اختبر العربيه ازاي خاصته اني لسه حديث جدااااااااااا في السواقه بس لازم عربيه لاني بروح مشوار طووووووووووووويل يوميا و بتبهدل في المواصلات و هين قرشك و تهين نفسك
سبكو بقي من الهري الي فوق ده كلو
من الاخر انا رايح اجيب عربيه ايه اعمل ايه ؟(انا اخري الف حواليها و اشوف الصالون وممكن البويه )
ايه رايكم في موضوع التوكيل و الفحص ده بينفع ولا في حاجات مش بتبان غير في السواقه ؟ (اصوات معينه بتدي دليل ان حاجه معينه بايظه ولا ده بيبان في الفحص )
علي عموما انا ناوي اني اول ما اجيبها اغير زيوت وكوتش و بطاريه و تيل فرامل علشان بيتهيالي ان كده احسن لان دي اهم حاجات ولا اطنش و المفرود اغير ايه علشان يبقي كل في التمام
ازاي اعرف ان ده فعلا سعر العربيه مش بيضحك عليا ؟
و اخير مستني كل اخواتي الكبار ينصحوني اعمل ايه و يردو علي اسالتي
و ياريت لو حد عنده اي اعتراض علي العربيه يقول و يقولي علي عربيه حديثه من 35 ل40

[ahmed el gendy]

انت لازم تجيب معاك صنايعي خبير ومش مهم ميكانيكي ولا عفشجي ولا دول المهم يكون معاك سمكري لان العربيه لو فيها مشكله ف الموتور او العفشه هتتصلح عادي مش مشكله لكن لو مغيره نص لا قدر الله مالهاش حل غير انك تغير العربيه نفسها لانها بتكون ملوحه ومش ثابته ع الطريق
واهم حاجه انك تنزل تحت العربيه بعد ما ترفعها ف بنزبنه لو لقيت الشاسيه اللي هو ارضيه العربيه من تحت فيه لحام يبقي العربيه دي مغيره نص لو الشاسيه سليم يبقي العربيه سليمه بنسبه 80%
اما بالنسبه لموضوع انك عاوز تجيب بيجو 206 هي البيجو كعربيه ع الطريق وحش بس قطع غيارها غاليه ومش هتلاقيها ف اي مكان ليها اماكن معينه بتتباع فيها و مش اي صنايعي يفهم فيها ناس قليلين اللي بيشتغلوا ف البيجو الجديد وطبعا مصنعيتهم غاليه وانت لسه جديد ف العربيات لو العربيه عملت معاك اي حركه نداله ف سفر مالهاش غير حل واحد يا تجيب عربيه تشدك يا ترفعها علي اي عربيه لحد الصنايعي اللي بيفهم فيها وطبعا كع فلو يا معلم علي ما تنقلها بس
وطبعا كل ده بيديك ف الاخر سعر اعاده بيع ف الضياع ده لو لقيت حد يرضي يشتريها اساسا
وبالمناسبه عندنا عربيه 206 صاحبها حاطط عليها اعلان السياره للبيع بقالها شهرين ولسه ما اتباعتش لاننا ف الشرقيه ومفيش لها اي قطع غيار

لو انت عاوز موديل حديث ومش معاك غير ال 40 الف يبقي البيجو معقوله بس هتدفع كتير ف الصيانه لكن لو مش مهم عندك الموديل الحديث ويهمك تكون عربيه حالتها حلوه وشديده ع الطريق واي حد يفهم فيها وقطع غيارها ببلاش ومعمره انا معايا تويوتا كورولا 1993 وبابيع فيها دلوقتي 1300 c.c
مانوال وفيها رخصه سنه ونص وفبريقه ومجدده بالكامل عربيه ممتازه جدااا وهتدعيلي والمطلوب فيها 40 الف رغم انها سعرها لو تقلت عليها ف البيع ممكن تزيد الفين تلاته لاني هاسافر علي اول شهر 12 للاستفسار 01110737865
وعلي فكره كمان الرخصه باسمي

[م/ سامح]

ممكن تفكر في لانسر بطة ثم لو نويت علي البيجو بص علي بيجو 405

[svneleven]

و مالها الفيرنا أو النوبيرا؟

[hamed2020]

المشاركة الأصلية كتبت بواسطة ahmed el gendy انت لازم تجيب معاك صنايعي خبير ومش مهم ميكانيكي ولا عفشجي ولا دول المهم يكون معاك سمكري لان العربيه لو فيها مشكله ف الموتور او العفشه هتتصلح عادي مش مشكله لكن لو مغيره نص لا قدر الله مالهاش حل غير انك تغير العربيه نفسها لانها بتكون ملوحه ومش ثابته ع الطريق واهم حاجه انك تنزل تحت العربيه بعد ما ترفعها ف بنزبنه لو لقيت الشاسيه اللي هو ارضيه العربيه من تحت فيه لحام يبقي العربيه دي مغيره نص لو الشاسيه سليم يبقي العربيه سليمه بنسبه 80% اما بالنسبه لموضوع انك عاوز تجيب بيجو 206 هي البيجو كعربيه ع الطريق وحش بس قطع غيارها غاليه ومش هتلاقيها ف اي مكان ليها اماكن معينه بتتباع فيها و مش اي صنايعي يفهم فيها ناس قليلين اللي بيشتغلوا ف البيجو الجديد وطبعا مصنعيتهم غاليه وانت لسه جديد ف العربيات لو العربيه عملت معاك اي حركه نداله ف سفر مالهاش غير حل واحد يا تجيب عربيه تشدك يا ترفعها علي اي عربيه لحد الصنايعي اللي بيفهم فيها وطبعا كع فلو يا معلم علي ما تنقلها بس وطبعا كل ده بيديك ف الاخر سعر اعاده بيع ف الضياع ده لو لقيت حد يرضي يشتريها اساسا وبالمناسبه عندنا عربيه 206 صاحبها حاطط عليها اعلان السياره للبيع بقالها شهرين ولسه ما اتباعتش لاننا ف الشرقيه ومفيش لها اي قطع غيار لو انت عاوز موديل حديث ومش معاك غير ال 40 الف يبقي البيجو معقوله بس هتدفع كتير ف الصيانه لكن لو مش مهم عندك الموديل الحديث ويهمك تكون عربيه حالتها حلوه وشديده ع الطريق واي حد يفهم فيها وقطع غيارها ببلاش ومعمره انا معايا تويوتا كورولا 1993 وبابيع فيها دلوقتي 1300 c.c مانوال وفيها رخصه سنه ونص وفبريقه ومجدده بالكامل عربيه ممتازه جدااا وهتدعيلي والمطلوب فيها 40 الف رغم انها سعرها لو تقلت عليها ف البيع ممكن تزيد الفين تلاته لاني هاسافر علي اول شهر 12 للاستفسار 01110737865 وعلي فكره كمان الرخصه باسمي

اولا شكرا لرد حضرتك
ثانيا نتناقش بقي بالنسبه للعربيه و المتور و مغير حاجه مهمه ولا الكلام ده بيتهيالي كل ده ده بيظهر في الفحص الشامل في التوكيل صح ؟؟؟
في الجزء بتاع العربيه علي الطريق وحش
انا مش فاهم قصد حضرتك انها وحشه علي الطريق و نسيت تكتب (مش ) مش وحشه علي الطريق يعني
قطع الغيار انا اعرف انها متوفره عندنا في القاهره و مقاربه لقطع غيار الجولف في السعر
سعر اعاده البيع انا عارف انو غالبا في الضياع بس ده لان بيجو مظلومه و سيتروين و حجات حلوه كتير مظلومه اما بسبب التوكيل او قطع الغيار
اما بالنسبه لعربيت حضرتك انا الكلام الي هقوله مش حاجه عن عربيتك بس فعلا والله اول ما فكرت و قلت لناس اصحابي هي دي اول عربيه اتعرضت عليا كرولا 93
بس انا قلت اجيب عربيه بقالها 20 سنه (مع دخول 2013 20 سنه بالضبت ) لأ اكيد عربيه بقالها 20 مش هتبقي حلوه يعني و بصراحه معرفش ازاي سعرها اكتر من عربيها بقالها 8 سنين بس !!!!!!!!!!!!!!!!!!!!!!!!! !!!
والكلام ده كلو مش علي عربيه حضرتك والله
و متشكر جدا علي رد حضرتك