ثبات الالنترا 2012 !!!

[AbOnOrA]

المشاركة الأصلية كتبت بواسطة ابو انس المصري اخوانا اصحاب العربيات الكوري ارحموا انفسكم والاخريين وبلاش السرعات العالية ده 200 ايه ياعم اللي عايز تمشي عليها سواء كان الطريق فاضي او غيره المفروض لو عايز حق ربنا اخرك يكون 100 وفوق كده بتعرض نفسك وغيرك للخطر لو لحظت علي الدائري مين اللي بيجري وغرز وحركات : سيراتو او النترا او فيرنا او لانوس عمرك ما تجد مرسيدس مثلا او بي ام واخد في وشه الا النادر جدا مع ان عربيته تساعد انا بقول الكلام ده لله ثم لاصحاب السيارات الكوري اعرف قدر عربيتك علشان تعرف تتعامل معاها صح وربنا يحرص الجميع

ايدك يا ابو انس ابوسها على المشاركة ديه

العيب في الجولف

وايدك انت كمان يا عم بوينتر

الانترا عمرها ما هتكون فى ثبات الجولف ولا ف ثبات الالمانى عموماً

الالنترا بتديك ثبات معقول على سرعات معقولة مع توفير فى الاستهلاك واحساس بقوة الموتور ناتج عن خفة الوزن

وبتديك كمان راحة معقولة مع المطبات يمكن اكتر من الالمانى كمان
وقطع غيار ارخص وصيانة اسهل

وكل ده بيساوى = عربية معقولة

لاهى كارثة ولا هى تحفة واعجوبة

اما اداء العربيات الالمانى فهو ناتج عن خبرات ومعامل ابحاث واختبارات على مدى سنوات
بتخليهم يعملو حساب الثبات فى وزن العربية من اول مسمار فيها لاخر مسمار
بداية من تصميم قاعدة العجلات والشاسية وتوزيع الوزن على محاور العربية
ثم تصميم انظمة تعليق معقدة بجودة عالية (عفشة) تناسب اداء متميز واقرب للرياضى او رياضى حقيقى

ثم تصميم انظمة تحكم وثبات لدعم القائد فى مختلف الظروف والمواقف

باختصار العربيات الكورى ماشية فى سكة وناجحة فيها وليها مستهلكيها
والعربيات الاوروبى ماشية فى سكة تانية وليها عشاقها والمقدرين ليها

ويبقى السؤال قائماً ، ايه اللى جاب القلعة جمب البحر !! ؟

[khaabas]

الموضوع موش معمول للمقارنة بين الكورى والالمانى ؟؟؟؟؟؟؟؟؟؟؟

[hanytrade]

المشاركة الأصلية كتبت بواسطة khaabas طبعا يا باشا علشان كنت متعود على الجولف وسيبك من اى كلام فاضى يكرهك فى العربية لانها عربية فخمة ورائعة وجميلة وربنا يا رب يحفظها لك من كل شر ويديك خيرها ويكفيك شرها وبس من الاخر طالما انتا مستريح مع العربية فكك من اى كلام

هو فعلا يا khabas الالمانى يتميز بالثبات و الثقل ودة اللي عمل عندي دروب

بس خالينا نستفاد من مميزات العربية ونتلافى عيوبها عن طريق الحذر و تقليل السرعة

شكرا جزيلا لردك يا ريس

[hanytrade]

المشاركة الأصلية كتبت بواسطة pointer العيب في الجولف

اوجزت فانجزت فشرحت فوضحت فضحكت واعجبت بردك الجميل

[hanytrade]

المشاركة الأصلية كتبت بواسطة AboNoRa الانترا عمرها ما هتكون فى ثبات الجولف ولا ف ثبات الالمانى عموماً الالنترا بتديك ثبات معقول على سرعات معقولة مع توفير فى الاستهلاك واحساس بقوة الموتور ناتج عن خفة الوزن وبتديك كمان راحة معقولة مع المطبات يمكن اكتر من الالمانى كمان وقطع غيار ارخص وصيانة اسهل وكل ده بيساوى = عربية معقولة لاهى كارثة ولا هى تحفة واعجوبة اما اداء العربيات الالمانى فهو ناتج عن خبرات ومعامل ابحاث واختبارات على مدى سنوات بتخليهم يعملو حساب الثبات فى وزن العربية من اول مسمار فيها لاخر مسمار بداية من تصميم قاعدة العجلات والشاسية وتوزيع الوزن على محاور العربية ثم تصميم انظمة تعليق معقدة بجودة عالية (عفشة) تناسب اداء متميز واقرب للرياضى او رياضى حقيقى ثم تصميم انظمة تحكم وثبات لدعم القائد فى مختلف الظروف والمواقف باختصار العربيات الكورى ماشية فى سكة وناجحة فيها وليها مستهلكيها والعربيات الاوروبى ماشية فى سكة تانية وليها عشاقها والمقدرين ليها

10 على عشرة يا ابو نورا يا حلو انت يا حلو

واللي اقدر اضيفة انة خالينا نستفاد من مميزات العربية ونحاول نتلاشى ونكون بمامن عن عيوبها عن طريق اليقظة فى القيادة وعدم المجاذفة

شكرا ليكم جميعا
وعلى فكرة انا بعرف كتير فى تركيب تركيب انظمة التيربوتشارجر لو اى حد عايز اى حاجة انا عنايا لية