العودة   مصر موتورز مجتمع السيارات > النادى الثقافى الاجتماعى > ثورة الحرية 25 يناير

ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول


إضافة رد
 
أدوات الموضوع
  #31  
قديم 22-05-2011, 10:36 AM
مهند سالم مهند سالم غير متواجد حالياً
من انا؟: أعشق السيارات من صغري، ولهذا تعلمت القيادة سريعا
التخصص العملى: باحث شرعي ولغوي
هواياتي: طبعا أحب السيارات، جيدا جدا في لعبة الشطرنج، جيد في البنج بونج
 
تاريخ التسجيل: Feb 2010
الموقع: في شبرا
المشاركات: 1,300
مهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond repute
افتراضي رد: هل هناك من لا زال يدافع عن مبارك بعد هذه الكلمات القوية من المشير

عموما بعد ما المجلس العسكري طلع بيانه بنفي العفو عن مبارك ، النهارده طلع خبر بيقول إن مبارك هيقلب التربيزة على قيادات مهمة في الدولة إذا لم يتم العفو عنه، وأنه يوجد تحت يديه مستندات إدانة لناس مهمة.
شوفتوا بق اللعبة ماشية إزاي، القصة مش قصة مرضه ولا سنه ولا إنجازاته، في ناس فعلا عايزة يتم العفو عن مبارك لأجل منع الشوشرة، وفعلا إشاعة العفو دي كانت جس نبض للشارع المصري.
ندعو الله سبحانه أن يعفو عن هذا البلد، وأن يؤمنا في أوطاننا وأن يرد حق المظلوم، وأن يولي علينا خيارنا، آمين.
__________________

مهند سالم
رد مع اقتباس
  #32  
قديم 22-05-2011, 10:52 AM
tifa_1979 tifa_1979 غير متواجد حالياً
التخصص العملى: Export Logistics supervisor
هواياتي: كرة القدم
 
تاريخ التسجيل: Aug 2010
الموقع: مدينة السلام
المشاركات: 221
tifa_1979 is a splendid one to beholdtifa_1979 is a splendid one to beholdtifa_1979 is a splendid one to beholdtifa_1979 is a splendid one to beholdtifa_1979 is a splendid one to beholdtifa_1979 is a splendid one to beholdtifa_1979 is a splendid one to beholdtifa_1979 is a splendid one to behold
افتراضي رد: هل هناك من لا زال يدافع عن مبارك بعد هذه الكلمات القوية من المشير

لحد امتى هنفضل نتكلم فى الماضى
هل مبارك مذنب او لا ارجو ترك هذا الموضوع علشان القضاء سوف يقول كلمته كما ان والحمد لله الاعلام المصرى مبقاش وراءه غير الموضوع ده
علشان كده انصحكوا وانصح نفسى ان نترك هذا الموضوع تماما وان نعمل ونبحث على حلول لهذه الدولة علشان هى فعلا داخلت فى نفق مظلم مش بيان هتطلع امتى ومحدش يقول ان كل ثوره بتبقى كده لالالالالالالا
الثورة خلصت خالص ومبقاش غير بناء البلد فقط
كل واحد فى الدولة يقوم بدوره الطالب يتفرغ لمذكرته فقط ولا يذهب لكنس الشارع علشان فى ناس دى شغلتها بدل ميكنس الشارع يرميش فى حاجه هيبقى احسن ليه ولناس ايلى بتكنس الشارع والموظف يقوم بدوره فى البلد بدون اخذ رشوه ومش يقول اجيب منين مش مكفيك فلوس الحكومه روح يعم اشتغل فى اى مكان تانى وترك المكان لشخص يقبل بهذا المرتب وهذا العمل والشرطى يقوم بدوره بحماية المواطن يضرب بيد من حديد على اى شخص يخرج عن القانون حتى ولو وصل لضرب النار ومفيش حد يقول حقوق الانسان علشان لغيت دلوقتى وصل عدد السيارات المسروقة الى 17000 سيارة ده غير اعمال البلطجه الموجوده فى الشارع وكما ان الناس تسيب بقى الحكومة تقوم بدوره علشان كده فعلا بقى كتير
الدولة دخله على كارثه بسبب الفوضى والعشوائية الموجوده فى كل شى
رد مع اقتباس
  #33  
قديم 23-05-2011, 04:09 PM
مادا مادا غير متواجد حالياً
التخصص العملى: محاسب
 
تاريخ التسجيل: Jul 2010
المشاركات: 307
مادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond reputeمادا has a reputation beyond repute
افتراضي رد: هل هناك من لا زال يدافع عن مبارك بعد هذه الكلمات القوية من المشير

الى الاستاذ فادى انت بتتكلم عن مبارك كأنه ملاك لم يأمر بقتل المتظاهرين ولم يسرق مصر ولا يريد توريث ابنه للحكم وتنحى حقنآ لدماء المصريين وحفاظآ على امن مصر لعلمك مبارك علشان يورث الحكم لابنه باع مصر كلها وقبل الهوان للمصريين وقبل معاهدات تضر بالمصريين وكله علشان ابنه الغالى وبلاش تكلم كلام يحرق الدم علشان محدش ايصدقك يعنى علشان انت عشت ايام حلوه ايام النظام السابق وكنت من المنتفعين من النظام السابق معناه ان مبارك رجل صالح .. مبارك كان حرامى وكان عارف ان الشعب عارف انه حرامى وكان بيسرق عينى عينك و كأنه حاكم حبة ناس(..) بس الحمد الله الشعب طلع راجل .. وعمره ما قال كلمة حق للشعب من اول ما مسك الحكم وهو عمال يغش الشعب ويضحك عليهم وأمر بقتل المتظاهرين وباع شعبه وخانه وسرقه ونهبه وكل العالم عارف ان مبارك ضاغية وفاسد والكل فرح فيه لما اتنحى وهنىء مصر انت مكندش بتتفرج على تليفزيون ولا ايه مشفتش فرحة المصريين فى العالم كله والتهانى من البلاد العربية لما اتنحه مبارك
رد مع اقتباس
  #34  
قديم 23-05-2011, 05:00 PM
الصورة الرمزية Devill Blood
Devill Blood Devill Blood غير متواجد حالياً
من انا؟: when u lose your dreams u become no thing at all
التخصص العملى: student at mansoura university - faculty of law - english section
هواياتي: أخبار السيارات-الرسم-الكمبيوتر والأنترنت
 
تاريخ التسجيل: Oct 2009
الموقع: المنصورة
المشاركات: 878
Devill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond reputeDevill Blood has a reputation beyond repute
افتراضي رد: هل هناك من لا زال يدافع عن مبارك بعد هذه الكلمات القوية من المشير


المشاركة الأصلية كتبت بواسطة فادى مشاهدة المشاركة

مبارك لم يأمر بقتل المتظاهرين و التحقيقات حول هذه القضية تسير فى اتجاه تبرئة مبارك لو كنت تتابع, و عمر سليمان صرح بأن مبارك لم يأمر بقتل المتظاهرين, و طائرة الاف 16 فى رأيى الشخصى كانت رسالة من النظام الى المتظاهرين بأن سلاح الطيران مع مبارك و أن الجيش لم يتخلى عنه, و من المستحيل ان يكون شخصا ما قد أمر بأن يسوى ميدان التحرير بالأرض عن طريق طائرات الاف 16!
الجيش لا يستطيع اطلاق النار لأن المعاهدات الدولية و القانون الدولى يمنع الجيش من استهداف المدنيين, فلو حدث و الجميع يعلم ذلك فانه بمثابة انتحار للجيش المصرى حيث قد يفقد المعونة الأمريكية و سوف يعانى للحصول على السلاح فلا احد سوف يموله بالأسلحة و مبارك أول من يعلم ذلك.
لو كان مبارك يريد ذلك لاستخدم الحرس الجمهورى و هو أفضل فرق الجيش تدريبا و يدين له بالولاء أو لكانت الشرطة قد أطلقت النار, و الوقائع تقول بأن القليل من القتلى وقع فى ميدان التحرير و وسط المتظاهرين نتيجة للاختناق او الرصاص المطاطى و أن معظم من قتلوا فى الأحداث كانت اثناء اقتحام أقسام الشرطة فى جمعة الغضب.
بالنسبة لموضوع الثروة فقد أثبتت التحقيقات ان ثروة مبارك تنحصر فى 6 ملايين حسابه فى بنوك مصرية و هى مدونة فى اقرار الذمة المالية (مبارك يتقاضى 100 الف جنيه معاش قوات مسلحة + مرتبه كرئيس جمهورية),
و المبلغ الأخر هو 143 مليون جنيه و هو ما يدور حولهم الأقاويل, و بحسب أقوال مبارك فانها تبرعات من ملوك و رؤساء عرب لصالح مكتبة الاسكندرية و ووضعهم مبارك باسمه حتى لا تتعرض للنهب من قبل القائمين على المشروع و انه كان يصرف منهم لحساب المكتبة و هذا المبلغ هو ما قال مبارك انه سوف يرده الى الدولة لأنه اساسا ملك الدولة المصرية و هو كان يضعه فى حسابه حفاظا عليه من السرقة و بالتالى هو خطأ ادارى (يرتكبه العديد من المديرين بخلط حساباتهم الشخصية و حساب المؤسسة التى يعملون بها تسهيلا لسير العمل أو حفاظا على اموال المؤسسة) و ليس فسادا او سرقة.
الأمر الاخر هو فيلا شرم الشيخ و التى دونها مبارك بمبلغ نصف مليون جنيه قيمتها فى هذا الوقت و يقول المحققون انها تساوى ملايين الجنيهات الأن و الحقيقة ان الفيلا قد تم شراؤها فى التسعينات و لم تكن شرم الشيخ بهذه الشهرة مما يبرر سعر الفيلا المنخفض.
التحقيقات أثبتت ان مبارك لا يمتلك تلك المليارات التى يتحدثون عنها و انا لم أعد أثق بالاعلام المصرى الذى أصبح موجها و منحازا و كل ما يريده هو النيل من سمعة مبارك عبر شائعات و اقاويل لا أساس لها من الصحة.
بص يا أخى .عايز بس أقولك الراجل ده أخفى فلوسه كويس فى الشهر بتاع قبل التحقيق طبعا محدش هايلاقى عليه حاجة ذى ما مالاقوش حاجة على جمال ولا علاء ولا سوزان ولا العادلى ولا عز ولا أى حد والكل هايخرج والشعب هو الحرامى وهو اللى كان بيسرق نفسه والحياة كانت ذبادى فى الخلاط وأحنا اللى جشعين بس عايز أقول لك على حاجة 400 مليون فراك سويسرى أى مايعادل 3 مليار جنية هى الفلوس اللى سويسرا قالت إنها لمبارك والخبر مؤكد ومع ذلك ينفيه الراجل اللى اسمه الجوهرى وتأكيدات كلينتون إن مبارك ليه فلوس فى أمريكا,دى بقى الفلوس اللى حضرته مقدرش يتصرف فيها ويخبيها لأنها جمدت أثناء الثورة,وعايز أسئلك سؤال هو أنا هاغلب لما أخد فلوسى وأحطها فى بيت وأقفل عليها مش لازم بنوك,.فكر
اذا غضب الله على حاكم رزقه بطانة فاسدة

أرحم يا أخى أرحم وفكر جيدا أفتكر معدلات فيروس سى وصلت ل 25% من الشعب وأكياس الدم الفاسدة ومعدلات السرطان التى فاقت أى دولة فى العالم ومعدلات الفقر التى وصلت ل70% !!!!!!!
انزل شوف الناس بقى منظرها أزاى ,حرام عليكم أنتم بتعملوا كده ليه
بدافعو عنه ليه الراجل ده خان بلده وحرامى وفوق ده كله مش عايز يرجع الفلوس وعايز يرمى لنا فتات الخبز.
أفتكر الجدار العازل اللى كان بيبنيه بيننا وبين فلسطين وإغلاق المعبر بتاع رفح لأخر لحظة والولد اللى أسمه خالد سعيد شوف صورته على الأنترنت
,ناس كتير أتظلمت وأتقتلت أثناء الثورة وقبلها والشباب اللى مات وهو لسه مفتح مش صعبان عليك وصعبان عليك الخائن ده؟؟؟

وأنا متأكد حاليا أن لا فيه تحقيق ولا حاجة وهايخرج منها لأن مفيش عدل عمالين نصدر أحكام عسكرية على شبابنا وسايبين اللى قتل ونهب وسرق يتعامل ذى البرنس

حسب الله ونعم الوكيل فيك يا مبارك حسب الله ونعم الوكيل
__________________

رد مع اقتباس
  #35  
قديم 13-10-2011, 01:32 AM
Exact Exact غير متواجد حالياً
 
تاريخ التسجيل: Dec 2009
المشاركات: 116
Exact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant futureExact has a brilliant future
افتراضي رد: هل هناك من لا زال يدافع عن مبارك بعد هذه الكلمات القوية من المشير

ياترى ايه تعليقك دلوقت بعد اما طنطاوي ضرب كرسي فالكلوب
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:09 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017