الفروق بين جميع موديلات BYD F3 وما يميز كل منها .

[Abojessy]

يسأل الكثير من زملائنا الأفاضل عن الفروق بين موديلات BYD F3 المختلفة .. فرأيت أن أجيب عن أسألتهم فى موضوع منفصل ليكون واضح للجميع ويسهل الدخول إلية ..
وهى كما يلى :

BYD F3
- R .. (هاتش باك مانيوال ) تجهيزاتها مماثلة لموديل GLI السيدان .. وغير موجودة الأن .

- GI .. ( مانيول )

- GLI .. سيارة ( كاملة مانيول ) وتزيد بعض التجهيزات عن GI وهى :

1- عدد 2 أيرباج
2- فرامل ABS & EBD
3- مقابض الأبواب كروم
4- الأستبن .. جنط مثل باقى العجلات الأربعة ( 5 جنوط أسبور )
5- جهاز أنذار .
6- نظام أليكترونى للحماية وضد السرقة .
7- أضائة التابلوة LED
8- يد الفيتيس لها شكل الخشب ومطعمة بالجلد .
9- ريموت كنترول .
10- أضائة توضيحية للكونتاكت

مع ملاحظة أننا سمعنا أن البنود ( 5 & 9 ) يتم الأن تركيبهم فى موديل GI

- GLXI .. ( سيارة كاملة أوتوماتيك ) .. غير موجودة الأن .. ونسمع عن نزولها قريبا بأذن الله .
وبها كل كماليات GLI وتزيد عنها الأتى :

1- فيتيس أوتوماتيك ماركة JATCO يابانى بالكامل وليس تصنيع الصين .. وهو نفسة المستخدم فى نيسان صنى .
2- حساسات ركن
3- أضائة أوتوماتيك للأنوار الأمامية .
4- أمكانية فتح ظهر الكنبة الخلفية لتوسيع الشنطة بنسبة ( 40% : 60% ) .
5- مخدع فى منتصف الكنبة الخلفية .
6- باكتات بها حلية من الكروم على الأبواب .
7- باكتات زجاج الأبواب الأربعة بها حلية من الكروم .
8- فانوس فرامل أضافى داخل الصالون عند الزجاج الخلفى
9- سماعات خلفية للأستيريو ( أجمالى 6 سماعات فى السيارة )
10- فتحة سقف .
11- بوصلة فى مرآة السائق
12- نور أضافى مركز للقرأة بالصالون .
13- أيريال مثبت فى سقف السيارة عند الزجاج الخلفى .
14 - عجلة قيادة بها مفاتيح للتحكم فى الأستيريو .

أرجو أن أكون قد أوضحت الفروق بين موديلات BYD F3 المختلفة .. وليكون هذا مرجع لمن يسأل عنها وللجميع تحياتى ..

[tifa_1979]

توضيح جميل ومفصل وبسيط
الله ينور عليك

[ziabassem]

ألف شكر على التوضيح بين الفروق في موديلات الجميلة بي واي دي ..

بس يا ترى كل موديلات الأتوماتيك فيها فتحة سقف .. ولا فيه موديلات من غير فتحة سقف اللي من وجهة نظري البحتة عيوبها أكتر من مميزاتها .

وأرجو من السيد المشرف تثبيت الموضوع لتعم الفائدة على الجميع

[BASSEM BESO]

شكرا على التوضيح الجميل ده بجد انا كان نفسى اعرف الفرق بس ياترى الأوتوماتيك الكامله دى تنزل امتى؟؟؟!

[Abojessy]

المشاركة الأصلية كتبت بواسطة tifa_1979 توضيح جميل ومفصل وبسيط الله ينور عليك

أشكرك يا أخى العزيز .. ولك تحياتى .