مقارنه بين أبعاد الكارينز2014 والحاليه وبعض السيارات المنافسه لها

[esam_ayad]

حبيت بس أضيف ان ميعاد نزول السياره في الكويت هايبقي في أخر شهر أربعه أو بالكتير بداية شهر خمسه الجاي ان شاء الله وده علي مسؤلية مبيعات كيا الكويت.
وفي عضو من منتدي تاني قاللي انها حاليا موجوده في توكيل كيا مصر بيجربوها وانها هاتنزل في شهر سته ان شاء الله وبيقولو عليها ممتازه.

[Alaa@]

المشاركة الأصلية كتبت بواسطة esam_ayad حبيت بس أضيف ان ميعاد نزول السياره في الكويت هايبقي في أخر شهر أربعه أو بالكتير بداية شهر خمسه الجاي ان شاء الله وده علي مسؤلية مبيعات كيا الكويت. وفي عضو من منتدي تاني قاللي انها حاليا موجوده في توكيل كيا مصر بيجربوها وانها هاتنزل في شهر سته ان شاء الله وبيقولو عليها ممتازه.

تسلم على الجديد يا باشا

وننتظر نزولها بالسوق المصري بفارغ الصبر .. عشان أنا حاسس إنها هتحسم خيارات كتير خاصة لو سعرها مناسب

[esam_ayad]

المشاركة الأصلية كتبت بواسطة Alaa@ تسلم على الجديد يا باشا وننتظر نزولها بالسوق المصري بفارغ الصبر .. عشان أنا حاسس إنها هتحسم خيارات كتير خاصة لو سعرها مناسب

للأسف يا باشا أنا مش عايز أخيب ظنك بس العضو اللي قاللي علي معلومه ان العربيه موجوده في التوكيل حاليا قاللي برضو ان الراجل اللي في التوكيل قاله ان العربيه هايبتدي سعرها من أول 160 ألف جنيه للأسف.
وعموما أنا _عن نفسي وتعبيراً عن وجهة نظري_ كنت متوقع السعر ده لأن ماينفعش ينزلوها بسعر أقل من ده علشان يقدرو يبيعو الكيا سبورتاج.

[conwaydiver]

العربية دي المفروض متذيدش عن 135 او 140 الف لان 160 الف دي بعيدة اوي اروح اجيب واحدة جراند تيريوس ونفسي اعرف ليه احنا اوسخ بلد في اسعار العربيات مايجمرك اللي بيجيب من بره ويخلي اللي جوة من غير جمارك ويرخص الدنيا شوية

[Nivinne]

المشاركة الأصلية كتبت بواسطة esam_ayad السلام عليكم ورحمة الله وبركاته طبعا اكيد صور الكارينز الجديده محيره ناس كتيييير في موضوع إن شكلها بقي أصغر وبقت أوطي وفي موضوعي ده هانزل صور لأبعاد الكارينز الجديده اللي لسه هاتنزل واللي موجوده حاليا وبعض السيارات اللي في نفس فئتها ومنافسه لها 1- نبدأ بالمقارنه بين السياره الجديده والحاليه: --من ناحية الطول الاجمالي للسيارتين: من ناحية الأبعاد الاماميه: --من ناحية الأبعاد الخلفيه: ودي صوره لإرتفاع السياره عن الأرض والطول والعرض والارتفاع الداخلي والاتنين مابيفرقوش عن بعض الا اجزاء بسيطه من السنتي: وأعتقد كده يا جماعه ان الناس اللي كانت بتقول ان العربيه بقت صغيره أوي والكلام ده ,ان العربيه الجديده جامده جدا وتستحق انتظارها وشرائها. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ ودي مقارنه بين الكارينز وشقيقتها اللي عملت شغل جامد في الأسواق الكيا سبورتاج: لكن لما جيت أقارنها مع السبورتاج حسيت أن مافيش فرق كبير بينهم مش عارف ليه. --الطول الإجمالي للسيارتين: من ناحية الأبعاد الأماميه: ومن الخلف:

شكرا لمجهود حضرتك ... كده الواحد ممكن يستنى لحد ما يشوفها ويقرر ساعتها