جيلي وCk بين احضان غبور مصر ( وداعا فيرنا قريبا ) و الحفل خلال الاشهر القليله القادمه ( والاسعار حصري علي مصر موتورز )

[Mody Elmasry]

انا ف دماغي اشتري جيلي ck2 ف عاوز اسئل حضرتكم بعض الاسئلة الاستفسارية يعني :
اشتريها الفترة دة ولا استنى السنة الجديدة و لو اشتريها اة الاماكن التباع فية العربية دة ؟
و اة اخبار العربية من نحيت مواصفات الامان بمعنى اخر لو لا قدر الله عملت بيها حادثة حتبقى عاملة كدا شبة علبت التونة ؟
اصل بصراحة انا معجب ب العربيات الصيني جدا و واثق فيها بس بعد الفيديو دة كان الاحساس صعب شويا من نحيتها

[amada]

شوفوا ياجماعه عشان نخرج من البلبله ونوضح الامور:
1- مدام الخليج استورد سيارات جيلى تبقى اكيد سيارات ممتازه . وده لان دول الخليج مابتفبلش اى سياره الا بمواصفات عاليه .
2- ان احنا شفنا مآسى مع التجميع المصرى مش فى الصينى بس دا حتى فاليابانى والكورى . يبقى المهم هو رقابه مستوى الجوده عند الوكلا .
3- ان مع اقبال الوكلا على ادخال السيارات الصينيه بشكل كبير فان المنافسه هتزيد . واتوقع اننا هنشوف سيارات جيده بسعر مناسب جدا .
4- وانا راى ان محدش يشترى دلوقتى لغايه منشوف الامور هترسى على ايه .
تحياتى .

tarek elbadry

[Mr.Mamo]

اسف

هو غبور خلاص اعلن عن ضمان جيلي

وقريبا اخر التفاصيل

[Emgrand]

المشاركة الأصلية كتبت بواسطة حازم شاهين على فكرة قرار إيقاف إنتاج الفيرنا قرار هيونداى الكورية و ليس قرار غبور و القرار كان بإيقاف إنتاج أى سيارة لهيونداى خارج مصانع هيونداى لضمان الجودة

يعنى افهم من حضرتك ان غبور هيستمر فى الفيرنا ولكن مستورده من الشركه الام
ام امتنع عنها نهائيا