مرايات الجنب اتسرقت.......حسبى الله و نعم الوكيل

[reduxe]

الحمد لله ..........وربنا يعوض عليك ........وموضوع السرقات دا حاجة تجنن لدرجة سرقة العربية نفسها وفي رمضان ساعة الإفطار كمان .......وبالنسبة للمحاضر للأسف بتبقي تحصيل حاصل للأسف مع ذلك أنا معاك إننا نروح ونعمل المحضر من باب الأخذ بالأسباب .

[aalim]

لا اله ألا الله و حسبى الله و نعم الوكيل
امبارح اتسرقت المرايه الشمال تانى فى نفس الاسبوع و نفس المكان
مع انى كنت مغطى العربية و و حاططها تحت عامود نور قدام غرفة البواب
و الحرامى قطع الغطا و سرقها و فى شارع رئيسى كمان
هما الحرامية خلاص بقم واخدين الأمان للدرجة دى

و المهم ان المرايات المسروقة بتتباع عينى عينك فى شارع دمشق و شارع زكى عن طريق عصابات بتستخدم أطفال

و السرقه التانيه اللى بدأت تنتشر هى سرقه الجنوط و طبعا متخيلين تمنها بالكاوتش كام و عشان تعرفوا قد ايه الحرامية بقم بجحين و انا فى التوكيل الموظف قاللى ان مستشار فى نيابة أمن الدوله اتسرقت جنوطه و هى قدام المحكمة

طب أعمل ايه يا ناس ؟؟ ما فيش مكان فى الجراج و ده بيتى ....يعنى هاخد العربية معايا و لا اجيبلها فرد أمن يبات فيها ؟؟

أنا اللى اترعبت منه و انا باعمل محضر ان كان فيه راجل جاى بيعمل محضر عشان ابنه عنده 10 سنوات وقفوه شباب راكبين ماتريكس و فتحوا عليه مطوه و سرقوا منه الموبايل و ده جنب الباب بتاع نادى وادى دجله.........

تخيلوا وصلنا لأيه

اللهم ارحمنا فانك بنا راحم

[BASSEM BESO]

معلش الحمدلله انها جت على قد كدة

[ali_mikana]

حصل خير وان شاء الله مشتهتتسرق تانى

[Bahi]

ربنا يعوضك عنها خير ان شاء الله ... هى بتتفك من برة ولا اية؟ واحد صاحبى كان جايب مرسيدس 240 عيون زيرو من كام سنة وأتسرقت المرايتين بالليل مرتين علشان مراياتها بمسامير من برة وكل مرة يجيبهم بأكتر من 5000 جنية لغاية لما زهق باعها وحلف ما يركب مرسيدس تانى وجاب الجراند شيروكى.

الحمد لله انها جت فى 200 جنية مش 5000 جنية.