تست درايف 307 sw هاى لاين

[hesham mansour]

جامد جامد جامد

[mahmoudnada80]

very nice takreer ra2e3 we mestanyeen elba2y

[SuMo]

بما انى خفاش ليلى فده معاد الجرعه
قصدى التكمله
نبتدى بايه نبتدى بايه
اول ما تيجى تفتح باب العربيه تلاقيه أوروبى
يعنى تقيل فى فتحته و فى قفلته و تقفيله تمام التمام و 3 تكات فرش العربيه بيج مريح للعين جدا و خامته حلوه اوى مقرف جدا فى مسألة النظافه و خصوصا فى وجود الملاعين الصغار و الكلام ده بالنسبه للكائنات الفضائيه المسماه بأولاد خالى
عموما الكراسى الأماميه معقوله و ان كنت مش هتعرف تسوق الا لو ظابط الكرسى صح يا اما ركبك و ايدك و كتفك و كل مفاصلك هتزن
أوضة الفران او الكنبه الخلفيه غير مناسبه لطوال القامه نهائى و ان كانت رائعه بالنسبه لمتوسطى و قصار القامه و ده للأسف لصالح وسع رهيب فالشنطه العربيه فيها 5 كراسى و تلاجه و تقدر ترتب ال3 المكونين للكنبه براحتك بمعنى انهم كلهم قابلين للفك والتركيب بسهوله ووزنهم خفيف و ممكن تحط التلاجه مكان اى واحد فيهو او فى الشنطه اللى مزوده بشبك للفصل ما بينها و ما بين الكنبه العربيه فيها 3 اماكن للتزود بالكهرباء
الولاعه و مخرجين 12 فولت تانيين واحد فيهم غالبا بتستخدمه للتلاجه اللى مزوده بمروحه بشتغل بمجرد ما بتدور العربيه للمحافظه على برودة اللى محطوط فيها ولا تستخدم للتبريد
فاصل و نواصل
قصدى ندور ونسوق بقى

عربية جميلة فعلا وبعد الموضوع ده انا بقيت عمال ماشي بتفرج عليها وهيه ماشيه جنبي تسلم يا سومو باشا بس مش عارف ليه حاسس ان العربية ديه مش معمولة لاحجمنا انا وانتا ديه تنفع اوي لواحد زي ميدو لانسر

[Nour_peugeot]

يلا سو ق بقي يااسطي مستنين من اول امبارح عندنا شغل