العلامات اليابانية هي الأكثر اعتمادية

[AbOnOrA]

يا اخوانا الراجل من حقه يعبر عن رايه فى العربيات الاسيوى ملهاش لازمه نختار من عربيات الدنيا كلها الشاهين نتريق عليها علشان عربيه فادى هو الموضوع مش عربيتى وعربيتك والتقرير مفيهوش سيره الشاهين اصلا
وعامه معروف ان العربيات الاسيويه مسيطره على السوق هناك اعلام وتجاره وده مش لاسباب فنيه بس لاسباب اقتصاديه وسياسيه ايضا وده اللى بيخلى حظ الاسيوى فى التقييمات عامه بيبقى اوفر من الاوربى القليل الانتشار فى امريكا مقارنه بالحلفاء (كوريا الجنوبيه - اليابان)
وفعلاً تقارير المستهلك مش دليل لكن شاهد زى ما قال سامح نفسه فى الاول
واذا حد متعصب ضد الاسيوى مش لازم احنا كمان نتعصب للاسيوى علشان نقنعه
لا هو هيقتنع كده ولا الناس هتستفيد من المناقشه ولا شكلنا هيبقى ناس حيادين

[AHMEDCAR]

كلامك كله تمام ياوائل و انا فعلا لما حسيت انى زودتها على شوشو

جيب حاجات تانيه برضو من نفس الشركه

الاعتراف بالحق فضيله

بس برضو ياوائل ماجيش اقول على عربيه فى نظر نص الشعب انها كويسه و اقول انها عشوائيه

و انا لما اتكلمت على الشاهين

يعلم ربنا انى بحترم العربيه دى جدا جدا جدا و كفايه لحد انهارده انها بتخدم معايا من غير ماتقول لا بس كان كلامى كله عليها من واقع معاشرتى ليها لمده 10 سنوات

ياراجل انا يمكن اول واحد جايبها بتكييف اقسم بالله على مدار ال10 سنوات دول ما اتمتعتش بيه اكتر من سنه

[فادى]

المشاركة الأصلية كتبت بواسطة AHMEDCAR ههههههههههههههههههههههههه هههههههههههههههههههههههه تخيل يافادى انا لما قولت المقص اتكسر كنت مستنيك ترد تعرف انا اول ماجيبت الفيرنا قعدت اسب و اشتم فها بسبب حبه مشاكل بسيطه فى القفيل لكن مع الصيانه الاولى اتعدلت و الحمد لله و اكتشفت بعد كده انها عاوزه سواق فى حين ان الشاهين كان فيها عيب صناعه فى الشكمان و اتغير بعد و سايط فى التوكيل و وجع قلب و كمان و الله و الله لون الرفرف الخلفى كان مفارق بطريقه ملحوظه جدا جدا عن بقيه العربيه بس دى كانت غلطتى انى استلمتها بليل لكن برضو اتعدلت فى التوكيل بعد خناق ووجع قلب لانى فى الاول قولت العربيه ممتازه جدا لكن قولت كده علشان اجيبه الموضوع تانى بس اللى اعرفه ان ال128 و ال127 الشاسيه بتاعهم بينفجر مش بيتعوج من شوارع المحروسه و الله شوفتها قدام عينى من كام سنه 128 اخدت مزلقالن مترو جوز المساعديين اللى قادم بالكارتيره خرجوا بره العربيه و فى عربيه صديق ليا برضو المساعد بالكارتيره خرجوا من مكانهم و تنوا الكابوت و ايضا 127 لصديق اخر نفس الكلام بس هو لحقها قبل ما يخرجوا من مكانهم يعنى مش عربيه واحده و لا اتنين بل ثلاثه فى حين انى ماسمعتش عن عربيه من العربيات الفاجره وارده بلاد الفرنجه بالحكايه دى قصدى الفاخره

انا لما اتلكمت عن الشاسيهات المنبعجة كانت سخرية و اعتقد من الواضح جدا انها سخرية مريرة من واقع احوالنا, و اعتقد انو السخرية كانت واضحة تماما.
و احنا فعلا بنقف على الواحدة لمنتجات شركة النصر للسيارات و نتجاوز عن عيوب الفيرنا و اللانوس و غيرها, رغم أنى ممكن احكيلك اشعار فى شتيمة الفيرنا و من اصحابها, اللى جابت اسطوانة فى ال10 الاف الاولى, و اللى بتسرب زيت و هى بتلين, و الكلام ده لا عمرنا شفناه فى شاهين و لا فى فى 128.
ال128 كان فيها عيب تصميمى فى الشاسيه معروف و لكنه ليس يالدرجة التى تتحدث عنها, و فى النهاية تم تصحيح الخطأ فى السيارات التالية, و لو هنتكلم عن السيارات زمان فممكن برضو نتكلم عن الصدأ الذى كان يصيب الاودى فى سنواتها الأولى (شركة اودى الأن المفترض انها تصنع سيارات فاخرة), و للعلم اودى تقدم ضمانا ل10 سنوات ضد الصدأ لتجاوز هذه السمعة الأن.
على فكرة محرك الشاهين مأخوذ من التمبرا و هو حديث الى حد ما,
و شكلها مأخوذ من الريجاتا أى متوسط الحداثة,
الشاسيه و نظام الجر و نظام التعليق مأخوذ من ال131 و هو تصميم قديم لكنه كان سابقا لعصره.
يعنى منقدرش نقول انو الشاهين بمحرك حديث و شكل متوسط الحداثة ذات تصميم قديم.
و لو عرفت انو الفيرنا محركها مأخوذ من اللانسر القديمة, هتقول ايه؟
الفيرنا تصميمها فى معظمه خارج العصر زى الشاهين و ده حال معظم السيارات فى هذه الفئة السعرية,
و اللانوس هى نفسها الأوبل كورسا القديمة.
فلا مجال للحديث عن فروق زمنية كبيرة بين الشاهين و الفيرنا و اللانوس.

عقدة الخواجة عند الأمريكان ؟؟؟؟؟؟؟؟ جديدة دى يا أ/فادى الأمريكان معندهمش ثقة فى منتجاتهم مقارنة بالشعب المصرى اللى معندوش ثقة فى منتجاته بردو جديدة دى و كمان الأمريكان بيفوتو لليابانى و بيقفو ع الوحدة و نص للامريكانى بردو جديدة دى و الله أنا بحبك يا فادى

لماذا نفترض ان الشعوب الغربية لا تمتلك نفس العقد و المشاكل التى نعانى منها؟
نعم يا سيدى الأمريكان عندهم عقدة من الأوروبيين و الأسيويين,
و الأوروبيين فى المقابل مقتنعين تماما بالتفوق الامريكى و أنهم على الهامش.
زينا زيهم كل ما فى الأمر أن هذه البلاد كانو أقوياء فى الوقت و الزمن المناسب و قاموا بنهب ثرواتنا ليبنوا عليها ما هم فيه حاليا من ثراء و تقدم علمى.
هذه الشعوب ليست من طينة أخرى و لا أفضل مننا فى حاجة, صدقنى!

[_amr.mostafa_]

شكرا يا باشا على الموضوع

الرائع.......

[AHMEDCAR]

حته ان الفيرنا موتورها هو هو موتور الانسر على فكره فيها غلطه كبيره يافادى ليه

لان الموتور اللى بتتتكلم عليه هو موتور ال 1500 لكن موتور ده لو المعلومه انها واخده فكره التصميم من لانسر دى صح مع اكترامى الكامل لرائى حضرتك و اللى واخده اكيد فى عين الاعتبارلكن

ال1600 حاجه تانيه خالص و متصنع حديثا عام 2004 يعنى مش معتمد على تكنلوجيا قديمه ولا حاجه و كامتيين مش كامه واحده فى حين موتور الانسر حتى الان كامه واحده فقط

بالتالى ان كان كلام حضرتك ده صح على موتور الفيرنا و متهيالى انه صح لانى سمعتها قبل كده من صديق ليا لكنى ماتعمقتش فى البحث عنها ممكن ينطبق على الموتور ال 1500 فقط و اكيد انت عارف ان الموتور ده مابقاش ينزل فى الفيرنا من سنه 2007 غالبا و حل مكانه الموتور ال 1600

لكن بينزل فى الفيفا اللى المفروض ماتنزلش اصلا

و بخصوص عيوب الصناعه وارد جدا جدا انه يكون فى عيوب صناعه لكن العيب ان شركه تتغاطى عنها

لكن مثل لودى ده بيورينا قد ايه الشركه دى محترمه

و كمان مواتير الفيرنا اللى كانت بتجيب زيت دى خلاص اتحلت كلها فى التوكيل و اصحاب العربيات فى منهم اللى ناقم حتى الان و فى اللى راضى بيها و الحمد لله


و بصراحه انا مستمتع بالنقاش الجيد ده معاك ياباشا و ياريت اشوفك بكره ياباشا