العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 28-12-2011, 11:50 PM
الصورة الرمزية mostafakamal
mostafakamal mostafakamal غير متواجد حالياً
التخصص العملى: محاسب
 
تاريخ التسجيل: Sep 2009
الموقع: القاهرة
المشاركات: 157
mostafakamal is a jewel in the roughmostafakamal is a jewel in the roughmostafakamal is a jewel in the rough
افتراضي محاولة شراء سيارة أنتهت بالفشل

أمبارح الساعة خمسة بعد العصر روحت للميكانيكي اللي بأتعامل معاه وسألته إذا كان قدامه عربية فيرنا تكون موديل من أول 2008 (أنا معنديش أي خبرة في شراء العربيات)قالي تعالى معايا وروحنا جنب الورشة عند واحد بتاع قطع غيار وسأله على عربية فيرنا وقاله عندي واحدة أهي وكانت واقفة قدام المحل، موديل 2008 جميع الكماليات، راح الميكانيكي فتح ابواب العربية وابتدى يتفرج على العربية (العربية رشة من بره جديد بس وكل حاجة فيها بتلمع حتى الكاوتش، وده خلاني قلقان من العربية) المهم شافها يدوبك في خمس دقايق، أنا حاست ان اتفرج بسرعة قوى من غير تركيز وقالي حلوة تعالى نتكلم في سعرها، قلت له ماشي ودار الحوار ده مع صاحب العربية :
الميكانيكي: مطلوب كام في العربية دي يا حاج؟
صاحب العربية: 47.5
الميكانيكي: وعشان خاطرنا؟
صاحب العربية: خلاص 47وربع، يالله ماشي
الميكانيكي بيكلمني أنا ماشي كويس كده!!
أنا: لا لازم تكرمنا أكتر من كده
صاحب العربية: والله العربية جابت لي امبارح 47 وانا مكنتش موافق
أنا: خلاص 47 زي ما أنت قلت
صاحب العربية: الف مبروك عليك
أنا: ماشي،ممكن أشوف الرخصة، طلع الرخصة، وكانت مش بأسمه ولما سألته عن صاحبها قالي دي بتاعت أبن خالتي ومعايا توكيل
صاحب العربية: ماشي، بس تسيب عربون دلوقتي، عشان لو حد جه يتفرج عليها
أنا: بكرة هجيب الفلوس بس هنرفع العربية الأول في بنزينة وأخد تقرير بحالتها الاول ودفعت له الف جنيه عربون وقبل ما أمشي سالته هي تبع مرور إيه معرفش غير بعد لما بص على الرخصة.
اما بقه عن انطباعي على العربية والموضوع كله مكنتش مستريح وحسيت انه تاجر وده اللي أتاكدت منه بعد كده ( أصل أنا من عيلة على نياته)
تاني يوم
روحت في الميعاد وأخدنا العربية من صاحبها وروحت أنا والميكانيكي على بنزينة وفي الطريق كنت باتفرج على العربية (مش مستريح ليها) التكييف مش شغال الميكانيكي بيقولي عايز شحن، ماشي، زرار ازاز الباب اللي جنب السواق مش شغال، الكاسيت فيه مشكلة، والميكانيكي بيقولي في الطريق مش مستاهلة على فكرة تروح بنزينة وتصرف فلوس العربية حلوة وحاول يلعب بدماغي، المهم رفضت وقلت له لازم البنزينة

روحنا البنزينة
طلبت من الفني يعمل كشف كامل على العربية،ودفعت بايصال مبلغ 88 جنيه، وابتدى يكشف من تحت العربية وجوانب العربية وبودي العربية وبعدين دخل على الشنطة والحوض، المهم شاف كل حتة في العربية، حتة حتة مخلاش، وقالي بعد كده الشاسية واخد خبطة بسيطة ومرشوشة وهي تقريبا 20 سنتيمتر في 10 سنتميتر في فردة الشاسية وده بيأثر على العربية وسعرها وكده تبقى العربية فيها عيب، حاول الميكانيكي يقول ان العيب ده ملوش تأثير وأني مش هبيع العربية، الفني سكت الميكانيكي على طول وقالوا أنا بأقول على كل حاجة في العربية وماليش دعوة باللي أنت بتقوله، وبعد كده وراني أن الموتور ملعوب فيه وكان فيه تسريب وفهمني ان هما حطوا نوع من اللزق لون ابيض واسود بيمزجوهم مع بعض ويحطوهم مكان التسريب، وفهمني أن ده هيعمل مشكلة فيما بعد، المهم دخل بالعربية على جهاز فحص الموتور وبعد الفحص قالي أن الموتور كفاءته 70 في الميه، وفهمني أن العربية مش كويسة خالص.
ومشينا من البنزينة، مش الميكانيكي يسكت ويتكتم على عينه قالي العربية مفيهاش أي حاجة والبنزينة لازم تطلع عيوب في العربية حتى لو كانت زيرو، طبعا مرديتش عليه خالص، كنت مخنوق بجد منه، وروحنا لصاحب العربية وقلت له على اللي حصل كرر نفس كلام الميكانيكي وطبعا طلبت منه العربون، ومشيت قرفان منه الاتنين.
على فكرة انا كتبت الموضوع ده عشان كل واحد عايز يشتري عربية ياخد باله كويس، وربنا ستر والحمد لله.
رد مع اقتباس
  #2  
قديم 29-12-2011, 03:32 AM
الصورة الرمزية memodina1
memodina1 memodina1 غير متواجد حالياً
من انا؟: محمد مصطفى..01223907706
التخصص العملى: محامى..حقوق عين شمس
هواياتي: السوفت وير وعالم السيارات
 
تاريخ التسجيل: Aug 2010
الموقع: السويس
المشاركات: 1,344
memodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond reputememodina1 has a reputation beyond repute
افتراضي رد: محاولة شراء سيارة أنتهت بالفشل

ربنا يستر يارب
رد مع اقتباس
  #3  
قديم 29-12-2011, 03:40 AM
الصورة الرمزية ehab62
ehab62 ehab62 غير متواجد حالياً
 
تاريخ التسجيل: Mar 2010
المشاركات: 120
ehab62 is a splendid one to beholdehab62 is a splendid one to beholdehab62 is a splendid one to beholdehab62 is a splendid one to beholdehab62 is a splendid one to beholdehab62 is a splendid one to behold
افتراضي رد: محاولة شراء سيارة أنتهت بالفشل

احمد ربنا انك اخدت العربون وهاقولك نصيحه لما تيجى تشترى عربيه اقف واتفرج عليها من بعيد هاتلاقى العربيه السليمه واقفه مظبوطه وكمان بس على الفروق اللى مابين الابواب والصاج وفروق الشنطه والكابوت واتاكد انها كلها متساويه مافيهاش واسع وضيق
رد مع اقتباس
  #4  
قديم 29-12-2011, 04:17 AM
الصورة الرمزية مبارك القناوى
مبارك القناوى مبارك القناوى غير متواجد حالياً
 
تاريخ التسجيل: Jun 2010
الموقع: قنا
المشاركات: 1,939
مبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond reputeمبارك القناوى has a reputation beyond repute
افتراضي رد: محاولة شراء سيارة أنتهت بالفشل

تسلم يا باشا على طرحك للموضو ع فى المنتدى ليستفيد الاعضاء
__________________


جميع المواضيع منقولة للأمانة


لا تجادل احمق فانه ينَزلك لمستواه ثم يغلبك بالخبرة




رد مع اقتباس
  #5  
قديم 29-12-2011, 04:26 AM
الصورة الرمزية silverlite
silverlite silverlite غير متواجد حالياً
من انا؟: بحاول اعيشها صح !
التخصص العملى: اداره اعمال
هواياتي: القراءه -المتاجره- السينما الجيده وخاصه التاريخيه-الافلام التسجيليه - السيارات
 
تاريخ التسجيل: Aug 2010
الموقع: القــــــــــــاهره
المشاركات: 13,002
silverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond reputesilverlite has a reputation beyond repute
افتراضي رد: محاولة شراء سيارة أنتهت بالفشل


كويس انك عرفت تاخد العربون ...
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:15 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017