العودة   مصر موتورز مجتمع السيارات > سوق السيارات فى مصر موتورز > عالم تأمين السيارات

عالم تأمين السيارات خاص بكل شركات التأمين المصرية وتجارب الأعضاء مع شركات التأمين


إضافة رد
 
أدوات الموضوع
  #1  
قديم 31-03-2012, 03:29 PM
الصورة الرمزية تامين سيارات
تامين سيارات تامين سيارات غير متواجد حالياً
من انا؟: انسان عادى
التخصص العملى: مراقب بشركة قناة السويس للتامين
هواياتي: كرة القدم
 
تاريخ التسجيل: Jan 2009
الموقع: القاهرة-مصر
المشاركات: 1,596
تامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant future
افتراضي اعرف طلاسم الوثيقه على شان تبقى على نور قبل ما تامن

السلام عليكم و رحمه الله و بركاته

انا هاتكلم عن شروط عام للتامين موجوده فى جميع الشركات او اغلب الشركات و على التحملات و الفرق بين وثيقة بتحمل ووثيقه بدون تحمل .

و على ان كل المشاكل المطروحه فىالمنتدى من الاعضاء ناتجه اما عن عدم معرفه او عن سوء تصرف فى صرف التعويض او المعاينه او المحضر ايا كانت المشاكل

اولا :: تصنيف الشركات
تنقسم الشركات الى اربعه انواع (حكوميه - قطاع مساهم - مالتى ناشونال او شركات عالميه - قطاع بنوك)
هل تفرق انى امنت فى اى من انواع الشركات لا فرق كبير لان كل الشركات دى تحت رقابه الهيئه العامه للرقابه على التامين لكن سمعه الشركه فى التعويض هيه الى تفرق

ثانيا :: انواع التامين على السيارات

1- التامين الاجبارى :: و دة بيبقى فى المرور و سعره بسيط يتراوخ ما بين 150 الى 300 جنيه طيب بستفيد ازاى منه فى حاله لو حضرتك لا قدر الله عملت حادث و خبط حد او خبط حد و توفى يتم صرف 40.000 جنيه كحد اقصى تعويض مش ليك يعنى


طيب انا دلوقتى عاوز اامن على العربيه اعمل ايه :-

مش هاتفرق لو انا جايبها كاش او قسط و حظر بنك لانى هاحتاج الوثيقة و العربيه لسه جديده
ولازم تعرف و انت بتامن زى ما سالت عن العربيه الى تم الاختيار عليها من امكانيات و قوة ماتور و الذى منه لازم تبقى عارف ان وثيقه التامين التكميلى

2- التامين التكميلى ::: و ده المقصود من موضوعنا

دة بيبقى بفلوس اكتر و السبب انه بيغطى مخاطر اكثر و المخاطر هى
- السرقه الكليه او الجزئيه او محاوله السرقه
- الحريق الكلى او الجزئى
- الحادث كلى او جزئى
المقصود بكلى هنا الفقد الكلى للسياره او تدمير السياره فى حادث او حريق و يتم حساب السياره هالكه لو تعدى الاصلاح نصف ثمن السياره المكتوب فى الوثيقه

الفرق بين وثيقه بتحمل او وثيقه بتحمل


لا يوجد فرق فى الشروط للوثيقه لكن يوجد فرق فى التكلفه بمعنى "

ان لو الوثيقه بدون تحمل معنى ده ان الشركه متحمله نسبه الااصلاح بالكامل ( لكن فى فلوس هاتحملها برضه)

بتحمل 4 فى الالف او 2 فى الالف يمعنى انى هاتحمل مبلغ ثابت كل مره اصلاح بمعدل 4 جنيه لكل الف جنيه يعنى لو عربيتى ثمنها 100.000 يعنى اضرب 100فى 4 تطلع 400 جنيه هادفعها مهما كان تكلفه الحادث او حتى فى الهلاك الكلى للسياره يعنى لو العربيه الى ب 100.000 هلاك كلى هادفع برضه 400 جنيه

طيب ايه موضوع انى اكون عامل وثيقه بدون تحمل و مع كده ادفع برضه فلوس

السبب ان فى حاجه اسمها معدل اهلاك قطعه الغيار بتبقها الشركات فى الاصلاح طيب نفسر الموضوع شويه يعنى انا اشتريت عربيه ب 100.000 حنيه و امنت عليها من اول يوم و بعد 6 شهور عملت حادثه و رحت اصلح العربيه
و بعد ما دفعت الفلوس و رحت استلم الشيك لقيت الشيك اقل من الى انا دفعته طبعا هازعل لان الوثيقه بدون تحمل و السبب معدل اهلاك قطع الغيار

معدل الاهلاك لقطع الغيار ::

تحسب على قطع الغيار 10% من ثمنها يعنى لو قطع الغيار ب 100 جنيه انا اتحمل 10 جنيه طيب ايه السبب لان فى التامين يقول ان قطع الغيار ساعت ما وقع الحادث مش جديده زيرو لانها استهلكت فتره بعد تامينها و هيه زيرو
و دة مطبق فى الهلاك الكلى ان لو شخص امن على عريه ثمنها 100.000 و بقت هلاك كلى بعد 6 اشهر تدفع الشركه القيمه الفعليه للسياره يعنى لو هيه تسوى الان 80.000 يدفع ال80.000 فقط

طيب النسب ازاى على شان نبقى عارفين
النسب لو العربيه موديل السنه 2012 مثلا تبداء حساب معدل الاهلاك ب10%
و تزيد نسبه الاهلاك لو كلما تراجع موديل السياره لسنوات اقدم بمعدل 35% ل 5 سنوات للخلف يعنى موديل 2008-2007 تاخد معدل اهلاك 35% من قطعه الغيار و ده الى بيعمل فرق بين الفاتوره و الشيك

فى حاله الاصلاح فى التوكيل ::::::

يتم خصم 10 % من اجمالى فاتوره اصلاح التوكيل يعنى لو الفاتوره ب 5000 جنيه يتم خصم 500 جنيه طيب ايه السبب السبب ان التوكيل مغالى جداا فى اسعار المصناعيات و قطع الغيار يعنى لو انت حضرتك رحت تعمل صيانه فىالتوكيل هاتدفع دم قلبك

فى حاله السرقه الكليه للسياره ::::

كل الاول تعامل السرقه الكليه مثل لو العربيه اهلكت فى حادث لكن بعد الاحداث الاخيره فى مصر و التسيب الامنى تمت سرقه سيارات كثيره مما ادى الى خساره كبيره للشركات

فكان قرار الهيئه المصريه للرقابه على التامين على جميع شركات مصر بصرف 75% من قيمه تعويض السياره المسروقه
هذا الشرط يطبق فى السرقه الكليه فقط لا غير ولا يسرى على السرقه الجزئيه

نصائح عامه تداركها يجنبنى الخساره

1- لازم اامن مع مستشار تامين مهما كانت الشركه لانه هايفيدنى جدااا لانه فاهم شغله و هايعرف يرشدنى

2- اتحرى عن سمعه الشركه من النت او اصدقائى او ممكن اتصل بالهيئه اسال عن الشركه الى هاشترك معاها

3- لو معرض السيارت عرض عليا شركه تامين اسال عليها الاول و ممكن اامن معاه بس اطلب شركه انا واثق فيها اوو لو صاحب المعرض انا واثق فيه مافيش مشكله

4- ما اعملش اى اجراء فى الحادث الى بعد ان اتصل بالمستشار بتاعى اقوله على الى حصل و اقوله اتصرف ازاى على شان ما اعكش

5- قبل ما اوافق على المعاينه اعرف هادفع كام و هاتحمل كام على شان ماحدش يورطنى و اشوف الخبير اعتمد ايه فى المعاينه على شان ده الى الشركه هاتدفعه بس المعتمد فقط

6- قبل ما ادفع الفلوس لشركه التامين و انا بامن اقراء الوثيقه كويس جداا و اسال مستشار التامين على اى حاجة انا مش فاهمها

7- لو انا جايب عربيه كاش لازم يكون تاريخ تامين السياره متقدم يوم على تاريخ اصدار الرخصه على شان الموضوع ده بيعمل مشاكل اظبط التاريخ اما لة قسط مش مشكله لانى مش هاستلم الا لما اامن

8- لو انا جايب العربيه كاش اتاكد ان الوثيقه مسدده يعنى بايصال او جواب سداد او اى ورقه تثبت انى دفعت الفلوس لو بقسط بنكى لازم هايدونى جواب انها مسدده مافيش مشاكل

9- احذر من انك تعمل وثيقه تامين على قد القرض فقط يعنى العربيه تبقى 100.000 و انت دافع مقدم 50.000 فاتقول اوفر و اعمل وثيقه ب 50.000 انت الخسران مش هاتاخد حاجه لو العربيه جرالها حاجه

10- لو انت عاوز تعمل وثيقه تامين ما تبصش للارخص لان الرخيص دائما غالى و الى هاتوفره هاتدفعه 5 مرات و افتكر حكمه شعبنا الغالى ثمنه فيه

اتمنى انى اكون كنت مفيد للاعضاء الكرام و اسف للاطاله لكن حبيت انى اكون دقيق قدر الامكان


__________________

عمرو احمد
01003388954
رد مع اقتباس
  #2  
قديم 31-03-2012, 06:02 PM
الصورة الرمزية eman2205
eman2205 eman2205 غير متواجد حالياً
التخصص العملى: اخصائى تسويق ( مصر للـتأمين )
 
تاريخ التسجيل: Oct 2010
الموقع: القاهرة
المشاركات: 1,057
eman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant futureeman2205 has a brilliant future
افتراضي رد: اعرف طلاسم الوثيقه على شان تبقى على نور قبل ما تامن

كلام جميل يا عمرو
مفيش كلام تانى يتقال بعد كلامك
و اكيد ان شاء الله هنعرض للناس مميزات و عيوب كل شركة علشان الناس تعرف تقارن و تختار الافضل ليها
لان فى شركات موجودة حاليا بتضيع حق العميل فى التعويض

__________________


ايمان زكريا
شركة مصر للتأمين
01006131520
01226167673

رد مع اقتباس
  #3  
قديم 31-03-2012, 06:49 PM
الصورة الرمزية تامين سيارات
تامين سيارات تامين سيارات غير متواجد حالياً
من انا؟: انسان عادى
التخصص العملى: مراقب بشركة قناة السويس للتامين
هواياتي: كرة القدم
 
تاريخ التسجيل: Jan 2009
الموقع: القاهرة-مصر
المشاركات: 1,596
تامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant future
افتراضي رد: اعرف طلاسم الوثيقه على شان تبقى على نور قبل ما تامن

شكرا لمتابعتك يا ايمان
__________________

عمرو احمد
01003388954
رد مع اقتباس
  #4  
قديم 31-03-2012, 07:25 PM
mishoalex mishoalex غير متواجد حالياً
 
تاريخ التسجيل: Apr 2010
المشاركات: 238
mishoalex is a jewel in the roughmishoalex is a jewel in the roughmishoalex is a jewel in the roughmishoalex is a jewel in the rough
افتراضي رد: اعرف طلاسم الوثيقه على شان تبقى على نور قبل ما تامن

استاذ عمرو بجد الف الف شكر و مجهود رائع و اتمنيمن الاعضاء الاستفاده الكامله من الموضوع
__________________

Ayman Elnaggar

Insurance Consultant

Mob : 0111 013 9399

ayman.elnaggar@hotmail.co m
رد مع اقتباس
  #5  
قديم 31-03-2012, 07:53 PM
الصورة الرمزية تامين سيارات
تامين سيارات تامين سيارات غير متواجد حالياً
من انا؟: انسان عادى
التخصص العملى: مراقب بشركة قناة السويس للتامين
هواياتي: كرة القدم
 
تاريخ التسجيل: Jan 2009
الموقع: القاهرة-مصر
المشاركات: 1,596
تامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant futureتامين سيارات has a brilliant future
افتراضي رد: اعرف طلاسم الوثيقه على شان تبقى على نور قبل ما تامن


المشاركة الأصلية كتبت بواسطة mishoalex مشاهدة المشاركة

استاذ عمرو بجد الف الف شكر و مجهود رائع و اتمنيمن الاعضاء الاستفاده الكامله من الموضوع
اهلا بيك يا استاذ ايمن و شكرا على متابعتك
__________________

عمرو احمد
01003388954
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:58 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017