استلمت فرنا 2011 من يومين وفية مشكلة بسيطة نرجو الرد لذوى الخبرة

[Dr KeNaWy]

يريدون تغيير الفتيس وبعض التعويضات للعطلة وانا قلت لا لما اشوف حماية المستهلك هيعمل معاهم اية يمكن نتمكن من تغيير العربية فما رايكم ضرورى

[Dr KeNaWy]

عاوزين يغيروا الفتيس ويعوضونى ببعض الخصومات على الصيانات
انا ما وافقثش على كدا وقلت خلوا جهاز حماية المستهلك يحكم بينا
انا عاوز اغير العربية
ولا انتو اية رايكم

[mesho70]

- كتبت المشاركة والنت راح فى غيبوبة
- عموما ً لو تغيير العربية ممكن يبقى افضل
- وانت تقدر تحكم من خلال تعاملك معاهم
- حتى يكون اريح نفسيا ً لك
- ولكن اظن ان تغيير الفتيس مع بعض الخصومات يحل المشكلة
- وحاول الاستفادة اكبر قدر من الموقف لانك فى موقف قوة
- ويعنى هيروحوا فين ما هم موجودين والضمان سارى
- بس خليهم يعملوا الضمان للفتيس من تاريخ تركيبة وليس تاريخ شراء العربية ان امكن

[Dr KeNaWy]

طيب هل موضوع تغيير العربية دة سهل بعد ما ركبت نمر ليها ولا لا

[mesho70]

المشاركة الأصلية كتبت بواسطة Dr KeNaWy طيب هل موضوع تغيير العربية دة سهل بعد ما ركبت نمر ليها ولا لا

- انا لى تجربتين فى موضوع تغيير العربية واذكرها مع اختلافها عن موضوعك فقد تفيد
الاولى :-
عربية اكسنت 2001 استلمتها من صالة استوب الموجود بمدينة نصر تقاطع عباس العقاد مع المترو
- استلمت العربية ونظرا ً لظروف عملى بالصعيد وكنت فى البداية محافظ على سرعة قصوى 60 : 70 كم / س واول ما عملت الف كم عند المنيا فتحت شوية وعند 90 كم/س حسيت انى راكب وابور زلط غربلة وحدفة وخشولة و ...............
- وطبعا ً شعور من الكآبة لا يوصف ورجعت الصالة تانى بالقاهرة وانا مفلس تماما ً وكان يوم جمعة ولا بنك ولا بوستة ولا اختراع الفيزنا كنا نعرفة
- صاحب المعرض يشد فى شعرة ويقولى انا عندى ضغط وسكر و اغيرها ازاى ؟!!
- وانا مصر عالتغير وفى النهاية ارسل معى مندوب الى ابوا رواش وتم ظبط العربية
- وكانت عيوب التقفيل المصرى
الثانية :-
عربية لانسر 2010 من معرض الرواس برمسيس
- عند الترخيص اكتشف خطأ برقم الشاسية غير مطابق للبصمة
- ومصدر الخطأ الافراج الجمركى بالسويس وكل الاوراق التى ترتبت علية
- طلبت التغيير من الصالة لكن اتقلى ان شهادة البيانات خرجت من مرور العتبة الرئيسى بإسمى وفيها رقم الشاسية والموتور
- وبالفعل قام المعرض يتغيير جميع الاوراق وتصحيحها بسرعة وفترة لم تتجاوز اسبوع