مصيبة كبيرة حقيقة الاكسنت

[ramy01011]

هنا في الامارات الاكسنت 1600 و هنا ما فيش لعب في المواتير زي عمو غبور

[SALAHHAKIM]

المشاركة الأصلية كتبت بواسطة khaled omr انا حجزت للصيانة ال1000 ورحت فبل المعاد من الساعة 11 ظهرا حتي الساعة 6 مساء من اجل الكشف علي السيارة في يوم الاحد يوم اعادة الانتخابات وكان يوم مرير وغذاب ما بعده عذاب كان المركز مزدحم وقلت لنفسي لك دور وهي شركة كبيرة ولكن جاء الميعاد ولا اجد من يسئل ولي رقم بحث عن المهندس حتي وجده والمهم الساعة 1 ظهرا وطلبت الاتي يوجد صوت جامد عندما اخرج صباحا من الجرج في العفشة عند الضغط علي الفرامل والفرامل اصبحت خفيفة من فضلك عيز ارجلشها قل السيارة ها تتراجع كلها حوالي 18 بند وهيتغير الزيت الصيانة مجانية ولكن هناخذ حق الزيت والفلتر قلت امين وايضا العجل محجر قل انها في كوريا تنفخ علي 40 لم يدخل الكلام دماغي قل هظزبطها علي 28 وتصوروا سئلت علي الفانوس الخالفي قال 800 جنية المهم بعد 9 ساعات من الملل تقريبا كان لايوجد غيري تم الحساب واستلمت السيارة ولم اجد احد يعمل لي اتشك بحثت عن مهندس حتي وجدت احدهم وقالت بعد كل هذا همشي من غير ما اعرف ماذا حدث في السيارة قال انا هراجع قالت له ما جات من اجله اي الذي ذكرته مسبقا وايضا الرديو بيقطع ساب كل الذي قلته وجلس في السيارة ليراجع علي الرديو وقال جربه ممكن يكون اتنسا وفي الزيارة القادمه ابسلك علية المهم اسف للاطاله خرجت من المركز وانا مهموم اشتكي لمين بامنانة عندا الاستعلام في التليفون كانت المتحدثة لبقة وتخيلت ان الكل بنفس المعملة ولكن عندما مشيت لم اجد شياء تم ضبطه نسيت اقول الطرق مش معقول من الصحراوي للمركز المهم لم ترجلش الفرامل والصوت موجود في العفشة والعجل لم يضبط والزيت الله اعلم هم اعطوني جركن به شوية حوالي ربع كيلو هل هذا دليل علي التغير واعرف منين ان الفلتر اتغير الرديو بيقطع يعني الخلصة لم يتم عمل شيء ودفعنا فلوس في الهواء ولا يمكن اروح هناك تاني من المعروف ان ابو غالي حريص علي اسمه لذلك اقترح الاتي 1- تتعاون الشركات في اصلاح الطريق المئدي للمركز 2- لية العميل ميخدش القطعة التي تم تغيرها 3- لابد من الصدق في المعامله مش يقولوا هنعمل 18 بند كشف ونحن جلسين امام الخزنة ولم نعرف انه يوج زجاج لنري ما يدور وعندما سئلت قالوا يوجد ولكن الساعة 5 مساء ولاحظت السيارة تدخل من الباب الذي استلمتها منه وظلت مكانها حتي الاستلام فهل اصدق انه حدث صيانة اقترح ان توجد دائرة تليفزيونية مغلقة وكاميرة علي كل قسم حتي نستريح ونري ما يتم عمله 4- هل ان العربية اصلا 1400 والناس بتقول 1600 5- والله ما من احد من العملاء في هذا اليوم مشه وهو مبصوت ابدا 6- ليه مفيش غسيل للسيارة ماتور وبرة وجوة حتي ترتاح العميل ويحس انها لسة جديدة والله انا خالي كان عنده بويج 4 سلندر من ساعة ما جبها حتي بعها من 5 سنوات كل الي بيعمله يتصل بمنصور شفرلية وياتي احد الافراد ويقموا بصيانة مع تحدي موعد عودة السيارة له ويدفع الفاتورة برضاء تام مع غسلها كلها لاتشك ابدا انها مستعمله وبعها بسعر اعلي مما اشتراها الرجاء مراجعة ما يحدث في ابو رواش حتي لاتهيز الثقة وننرجع نقول المصريين ليه بيشتروا السيارات الصني احنا مصريين وبنحب تراب مصر مهما حدث

السلام عليكم
الاستاذ خالد
محدش يقدر يقول ان العربيه 1600 سى سى وهيا 1400 لان فى حاجه اسمها افراج جمركى ومكتوب فيه سعه الموتور 1600 سم مكعب
انما السرقه بتكون فى القدره بالحصان والعزم نيوتن على المتر
مثال تويوتا كرولا السنه الى فاتت بتقول 1600 وقدره 142 حصان
والسنه دى 122 حصان . طب والعشرين حصان راحو فين
قيس على ذالك
التوكيل والصيانه حضرتك غلطان 100%
لو ملقيتش حد يجرب العربيه معاك ويعمل تشك ... متستلمش العربيه واطلب المدير ولو معملكش حاجه قله الف الف شكر واستلم العربيه واخرج صور كل الورق والفاتوره واطلب جهاز حمايه المستهلك وقول عاوز ارجع العربيه .حيسمعو الشكوى وحيطلبو منك ارسال صور الفواتير على رقم فاكس . وحتاخد رقم شكوى .
حيعملو حاجه من اتنين
1 الدنيا حتتقلب والمدير بتاع المركز حتلاقيه بيطلبك على موبيلك بمنتهى الزوق ويدعوك لاعاده الصيانه
2 لو انت عاوز ترجع العربيه حترجع فعلا ولك مطلق الحريه
طبعا حيقولو لايمكن ارجاع السياره الا لعيب جوهرى لايمكن اصلاحه متقلقش حترجع يعنى حترجع
لكن نصيحتى اعمل الصيانه صح وربنا يبارك ليك فيها
ومتحولش تجرى مع بروتون ساجا عشان نفسيتك متتعبش

[محمد بدوى]

الاستاذ/ خالد
نصيحة من هيونداوى مجرب الصيانة فى ابو رواش
اولا: عند الحجز احجز اول ميعاد تقريبا 9 صباحا (وروح بدرى )
ثانيا : قطع الغيار التى يتم تغيرها يتم اعطائها للعميل ( حصل معايا فى صيانة ال20.000ك ولكن فلتر الزيت لاطبعا )
ثالثا : كاوتش السيارة بيكون متظبط على 40 ( ده حقيقى فعلا )وانت بتظبط الكاوتش عند استلام السيارة30 شتاء ، 28 صيفا ( ده من تعليمات مهندس المبيعات عند تسليمك السيارة )
رابعا : يوجد استراحة بها زجاج يطل على الورشة ممكن تتابع سيارتك من هناك
واخيرا..... ربنا يكون فى عونك انا انتظرت زيك فى اول صيانة وكذلك الثانية بس بعد كده مبقتش استنى كتير
ولو حسيت انك هتتأخر دور على المهندس /رامى ادوارد ده رئيس الورشة وراجل محترم جدا قوله المشكله وهو هيدخلك الصيانة تبص بنفسك على العربية وهيستعجل اى عطله ( وده اللى حصل معايا ايضا )
اه نسيت اقولك ان غسيل الماتور لازم انت تطلبه وكان فى واحد بيمسح العربيات بحتة زفرة عند الاستلام
تقبل تحياتى

[m_elmasoudy]

اللى هيحدد لسعة اللترية هو مقاس جوان وش السلندر وده بيحتاج لحد متخصص ( ميكانيكي) فى تحديد السعة اللترية عن طريق قياسه.
والله أعـــلــــــم ....!!

[mesho70]

سعة الموتور الموجودة فى الافراج الجمركة حقيقية
لان الجمارك مش بتجامل حد