شوية مشاكل فى الاكسارا عايز رأيكم فى حلها

[mostafa.riyad]

السلام عليكم ورحمة الله وبركاته

عندي شوية مشاكل فى الاكسارا 1 موديل 200 عايز رأيكم فى حلها واستفيد من خبراتكم :

1- محتاج اغير تيل الفرامل الخلفى : التيل بيتغير ولا بيتملى ؟؟ ولو بيتغير بكام ومنين ونوع ايه الكويس

2- الغيار الثانى تقيييييل : يعنى اما اعدى مطب وانزل ع الغيار الثانى بحس بكركره وتقل فى الحركه بيضطرنى انزل للاولانى @ انا بفكر انضف الانجكشن انتو رأيكو ايه؟؟

3- المشكله المعتاده"زراير زجاج الكهربا" : اللى فى التابلوه الفبره اللى مسكاهم مكسوره متعرفوش دى بكام وبتتحل المشكله دى ازاى ؟؟

4- طاقم طاسات : انا محتاج اشترى طاقم طاسات للعجل بس انا شفت عربيه اكسارا مركب طاقم تحفه وفيه علامه ستروين بس مخدتش بالى الجنوط 14 عاديه ولا 15 لان الطاقم التقليدى اللى بشوفه راكب فى العربيات الاكسارا عادى جدا وغالى ع الفاضى محدش عنده فكره الطاقم اللى انا شفته الجامد اوى الاقيه فين ؟؟



وجزاكم الله خيراً

[mostafa.riyad]

5- مروحة التكييف مش بتشتغل الا من اول السرعه 3 و 4 يعنى السرعات 1 و 2 مش شغاله خالص دى تبقى المشكله فين ؟

[mostafa.riyad]

المنتدى ده في مجموعه من العباقره بس العيب الوحيد ان الناس هنا بترد كل فين وفين
انا بعزر كل المشغولين بس لو فى طريقه نحل بيها المشكله دى يا ريت

[Mohamed Dahab]

السلام عليكم:
1- التيل الخلفى بيتغير احسن وفى منه انواع كتير انا كنت جايب value ب 100 ج من عند رفقى فى الحرفيين
2- بصراحه مش عارف اه العيب ده بس انا لما بعدى على مطب كده كده بجيب الاول
3- ده توديها عند اى حد بتاع فيبر محترم هيظبطلك الكلام فى حدود 30 الى 40ج بس لازم لو محتاج فك لجزء من التابلوه تفكه عند حد بيفهم فى الاكسارا مش اى حد
4- الطاسات دى اذواق انا بحب الاستوك بتعها ولسه عندى ومش عايز اغيره بس فى واحده ضاعت منى لو تعرف حد بيبعهم ياريت تقولى (اللى بحبه فى طاسات الاكسارا ان المانيوال و الاتوماتيك نازلين بشكلين مختلفين)
5- اعتقد دى بتبقى حاجه زى السينسور فى حدود 200ج بس مش عرف لكل السرعات ولا لسرعه واحده

اتمنى اكون افادتك

[mostafa.riyad]

يا باشا تسلم على الرد

2- انا اصلا حاسس بفرق يعنى العربيه مكنتش كدا
3- بالنسبه لزراير الزجاج الفبره السوده اللى بتركب فيها المفتاحين مكسوره والنصف اللى فيه الزراير مش موجود اصلا يعنى انا كدا محتاج اشترى الفبره دى متعرفش بكام
5- لو طلعت هاتكلف 200 ج انا شايف ان كدا المروحه احسن وانا كدا كدا مش بشغلها على البطيئ ههههههه