ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )

[abb]

طب ممكن نعرف من الاخ محمد اللى شارك نص عربيات البلد ليه الابيزا والبونتو ازبل من بعض وكمان الاكسنت اللى لغايه دلوقتى محافظ على نفسه علشان ميبقاش كلام وخلاص

[hazem_khidr]

مافيش عربيه حلوه و عربيه وحشه
كل العربيات اللي انت كاتبها عربيات صغيره
شوف العربيه اللي حالتها افضل واشتريها.
اهم حاجه اساسيات سليمه و تكييف اصلي مش متركب و موتور و عفشه كويسين

[egy4arb]

بعد اذنك يا استاذ حازم الرد مش مفهوم و مش مقنع خالص

ازاى مافيش عربية حلوة و عربية وحشة ؟؟

و يعنى اية كل العربيات الى حطيتها صغيرة ؟ ماهى موديلات و ماركات و صناعات مختلفة اكيد فى فروووق

موضوع حالة العربية دا لما اقرر هشترى اية ابدا ادور فى النطاق دا على عربية محددة و بعد كدا انا اختار من وسط النوع دا عربية حالتها ممتازة .

[MEMOO_1ST]

بص يا باشا انا كنت محتار زيك كدا من سنة بالظبط لحد لما جبت اويل كورسا ( في نفس الرينج بتاعك ) لو انتا فكرت في الكورسا خليك في ال 1200 أفضل من ال1000 ولو انتا مش حابب الكورسا وعاوز حاجة من الي كاتبها يبقى بص يا سيدي.
1 - البونتو عربية محترمة قوي والموتور بتاعها قوي بس ناس كتير قالولي فيها مشاكل وصيانتها صعبة.
2 - الابيزا تعتبر أحسن العربيات الهاتش باك الي انتا قولتها وقطع غيارها منتشرة وعربية زي الفل بس أهم حاجة تكون حالتها نضيفة لأن أغلبية الي بيركبها بيبقى مطلع عينها لكن لو قدامك واحدة كويسة يبقى زي الفل.
3 - التيمبرا بصراحة معنديش فكرة عنها.
4 - الاكسيل عربية كويسة وهيا أحسن حاجة سيدان انتا قولتها وقطع غيار منتشرة ورخييييييييييييييييصة وصيانتها سهلة بس بردو شرط الحالة.
5 - السويفت بصراحة معنديش فكرة عنها.
6 - الفيليشيا عربية ممتازة بس قطع غيارها مش منتشرة وهتقرفك في صيانتها.
ولو في أي استفسار انا تحت أمرك.

[فادى]

التمبرا و البونتو و الابيزا افضل ما فى القائمة,
التمبرا تتميز بالحجم الكبير و الراحة و قوة الاداء, و هى اكبر من البونتو و الابيزا كما ان صيانتها اسهل.
على فكرة التمبرا ليست الشاهين و الشاهين ليست التمبرا, العلاقة بينهم ان الشاهين مزودة بمحرك تمبرا و لكن عفشة الشاهين و الشاسيه مأخوذ من ال131.
شخصيا لو مكانك هاخد التمبرا, سمعتها رائعة على صعيد الاعتمادية و الاداء, أكبرهم حجما (برستيج و راحة).