نويت إن شاء الله أشترى عربيه لادا 2107 موديل 2013 زيرو جميع الكماليات

[dr_eslam_66]

هوا أنا مش عايز أكمل هجوم على رأيك زي بقيت الأعضاء بس صدقني أنا كمان مش عارفأقولك إني إختيارك صح؟
إنتا هتجيب جديد وهتدفع قصط أوكيييييييي جميل
مش عايز تدفع قصط عالي ماشي وماله ياسيدي فيه عربيات كتير غيرها.
لما سعر العربية بيعلى 10000 جنيه بيكون الفرق في القصط على الخمس سنين مابيتعداش 200 جنيه شهريا.
طب أنا راضي ذمتك لما تقعد تقصت خمس سنين وتعمل تأمين إجباري خمس سنين تقوم تدفع تأمين في السنة قد إيه للعربية (مش اقل من 3000) بقى تدفع للادا تأمين 3000 في السنة ولمدة خمس سنين طيب بالمرة بقى زود قصطك في الشهر 200 جنيه وإركب لوجان أول فئة إركب ياسيدي ماروتي أو ألتو أول فئة مالها ياسيدي البرايد وحشة...
ياباشا السوق مليان عربيات والإختيار واسع.
الحاجة الوحيجة الي مطمناني إنك لو فضلت متمسك برأيك على الأقل إنك مش هتبقى خايف تتخبط ولا هتزعل من أي مصاريف صيانة.
ربنا يباركلك في عربيتك أيا كانت نوعها وماتساش تبقى تقولنا وصلت لإيه.

[ELB7AR]

بلاش احسن يا صاحبى مش هتعجبك:bb127bc6eab060e3e2 3

[ahmscu]

على فكره انا بعت اللوجان موديل 2012 فابريكه بره وجوه جميع الكماليات وشاريها زيرو بدون اقساط وجبت لادا روسى 2006 (وعلى فكره مش محتاج فلوس الحمد لله) والحمد لله مبسوط جدااااا منها ،ولو عايز تعرف مميزات الادا عن اللوجان اقولك،المشكلة عندنا انه كله بيسلم عربيته للميكانيكيه وفتاويهم ويقولك العربيه زى الزفت والسخونيه ومش عارف ايه،صدقنى اى عربيه ليها مشاكل حتى لو زيرو والحمد لله هنا فى المنتدى كل مشاكل الادا اتحلت،عايزنى اقنعك بالادا انا مستعد وهخليك تحلف بيها كمان لو تحب،نصيحتى ليك ابعد عن التقسيط وهاتلك حاجه كسر زيرو هتوفر كتير ومش هتخسرلو العربيه ماحبتهاش ونويت تبيعها

[محمد حسن عبد الرحمن]

بص يا باشا بالنسبة للادا عربية محترمة وحاملة أسية وبتاعت شقا نصيحتى ليك لو تقدر تشتريها مستعملة وتكون حالتها نظيفة يبقى احسن عندك 1200 و 1300 و 1500 و 1600 كل دول أسعارهم حلوة بس الأهم تكون الحالة النظيفة ومش هيبقو قسط بالنسبة للزيرو فى الادا بيبقى فى التاكسى مش فى الملاكى لو حصل نصيب وجيبتها زيرو فالزيرو بيبقى فيه مشاكل اللى فكرو منو دلوقتى هو بتجيبها وتطلع على الميكانيكى تغير أسطونة وديسك وفى موديلات نزلت كانت الكرونة بتاعتها وحشة وفى ناس بتقول الكوتش وحش بس اللى اعرفة هو موضوع الاسطونة والديسك بالنسبة للعربية الادا عربية تقيلة بجد حمارة شقا وبيتعمل ليها حساب على أغلب الطرق ولو فيها العبر ولا بتقولك اى وبتفضل شغالة معاك أنا بحترم رايك فى أختيار الادا ربنا يوفقك ويكرمك ويرزقك ويديك خيرها ويبعد عنك شرها ويقويك عليها بالنسبة لتقل الدركسيون ركب بيض المانى أو تركى وارفع العربية من قدام شوية يعنى عليها من قدام شوية وهتلقى الدركسيون بقى باور من غير ما تركب باور الصاج بتاعها مش زى الصاج القديم وانا ماعتقدش انو فى روسى 2013 بيتهيالى كله مصرى ربنا يوفقك.

أخوك محمد
الإسكندرية
السيارة لادا 2106 موديل 1983