العربية بتقطع وبتقف

[حمادة ونور]

العربية نوعها lada 1300 هيا بتقطع منى وتوقف مع العلم انى ببقى لسة مشلتش رجلى من على الدبرياج وانا لسة جايب مروحة روسى عريضة 6 ريشة وفلترين بنزين كبار وغيرت كمان فلتر الهوا اللى فى الكربراتير واتصلت امبارح بالميكانيكى قالى انه فى حاجة عايزة تتعمل فى الكربنتينا وانا مش عارف اى حاجة

[mr_astra]

معلش لو تكرم تقول المشكلة اوضح شوية لانى بامنة ما فهمتش

[thunder2006]

اتاكد من البوجيهات .. ممكن يكون فى زيت او مش راكبين كويس
اتاكد منهم انهم راكبين كويس .. وفك كل واحد وشوفه نضيف ولا عليه زيت ولا مش راكب كويس ولا تعبان .. لان كان بيحصل معاى كده بسبب زيت فى البوجيهات

[galalaldin]

لو دوست بنزين جامد...بتبطل ولا لأ..؟؟؟
وانت مش دايس بنزين بتبطل ولا لأ؟؟؟
فيه صوت فرقعه؟؟؟
بتسخنها الاول 10 دقائق الصبح ؟؟؟؟ ولو بتسخنها مؤشر الحراره بيبقى فين؟؟؟بعد 10 دقائق؟؟؟

[حمادة ونور]

المشاركة الأصلية كتبت بواسطة galalaldin لو دوست بنزين جامد...بتبطل ولا لأ..؟؟؟ وانت مش دايس بنزين بتبطل ولا لأ؟؟؟ فيه صوت فرقعه؟؟؟ بتسخنها الاول 10 دقائق الصبح ؟؟؟؟ ولو بتسخنها مؤشر الحراره بيبقى فين؟؟؟بعد 10 دقائق؟؟؟

انا بسخنها ربع ساعة مش 10 دقايق ولو دوست بنزين جامد او حتى مدوستش هيا بتبطل لوحدها وبتدور بعذاب بعدها بحوالى تلت ساعة ومفيش صوت فرقعة بس كمان لما بكون ماشى عادى بيها ويكون مثلا شارع زحمة زى شارع ابو قير فى اسكندرية بلاقيها عايزة تبطل لوحدها